[Unicode Version]
" မင်း တမင်ကန်လိုက်တာမလား? "
ဂီယောင်ဟွန်းသည် ထိုအဖြစ်အပျက်ဖြစ်ပွါးစဉ်က အင်ဒယ်ဟန် သူ့အား စကားပြောလာလိမ့်မည်ဆိုတာ မထင်ခဲ့သည့်အပြင် ထိုအချိန်ကာလကိုပါ မှတ်မိနေခဲ့လိမ့်မည်ဟု မတွေးခဲ့ဖူးပေ။
အင်ဒယ်ဟန်က ခေါင်းတစ်ချက်ခါပြပေမယ့် ထပ်ပြောလာသောစကားများက ဂီယောင်ဟွန်းအား ဒေါပွစေခဲ့သည်။
" ငါ တမင်လုပ်လိုက်တာမဟုတ်ဘူး ၊ သတိမထားမိပဲ ကန်မိသွားတာ "
" အဲ့တာ တမင်လုပ်တာပဲလေ! သူများတွေ အင်္ကျီချွတ်နေတာကို မင်း ဘာလို့လိုက်ကြည့်နေသေးလဲ? "
" ဒီတိုင်းမြင်နေရတာကို .. ဘယ်လိုလုပ်ပေးရမှာလဲ "
" မင်းပြောတော့ မင်းပဲငါ့ကိုတစ်ချိန်လုံး လိုက်ကြည့်နေတာဆို! "
နှာဘူးကောင်။
ဒယ်ဟန့်မျက်လုံးများက သူ့တီးတိုးစကားကြောင့် ဝိုင်းစက်သွားခဲ့သည်။ သို့သော် နောက်ဆုံးမှာတော့ သူရော အင်ဒယ်ဟန်ရော တစ်ခွန်းမှ ပြန်မပြောဖြစ်ပေ။
အတန်ငယ်ကြာမြင့်သည်အထိ သူတို့ဆက်လျှောက်လာခဲ့ကြသည်။ အင်ဒယ်ဟန်က သူတို့နှစ်ယောက်ကြားက ဤနေရခက်နေသည့်လေထုအခြေအနေကို အပြောင်းအလဲဖြစ်လိုဖြစ်ငြား စကားစပြောလာ၏။
" အဲ့မတိုင်ခင်ထဲက ငါမင်းကို သိခဲ့တာ "
" ငါလည်း မင်းကိုသိတယ် "
ဂျယ်ချွန်းဒုံမှာနေတဲ့သူ၏သားဖြစ်ကာ အထက်စီးဆန်ဆန်နှင့် ဟိတ်ဟန်များပြီး အနိုင်ကျင့်ကြသော ကျောင်းတွင်းလူမိုက်များထဲတွင်လည်း နာမည်အကြီးဆုံးဖြစ်သည်။
အမှန်အတိုင်းပြောရလျှင် အင်ဒယ်ဟန့်ကို ပထမဆုံးစတွေ့တဲ့အချိန်တုန်းက ဂီယောင်ဟွန်း တွေးမိသည်မှာ
'အာ.. သူကအရမ်းချောတာပဲ'။
ထိုသူ၏ အရပ်ရှည်ရှည်နှင့် တောင့်တင်းခိုင်မာသော ကိုယ်လုံးကြောင့် ထူးဆန်းသည်ဟုခံစားရသည်။ ပို၍ ရယ်စရာကောင်းသည့်အချက်မှာ အင်ဒယ်ဟန်က အခြားကျောင်းတွင်းလူမိုက်များနှင့်မတူခြင်းပင်။
YOU ARE READING
ဇီးချိုသီး ချိုမြမြအချစ် (ဘာသာပြန်)
RomanceTitle - Plum Candy Love / Plum Sugar Love (자두 사탕 러브) Author - 500M Under the Sea (해저500M) Status in COO - 88 Chapters Myanmar Translation - Ongoing This is just a fan translation. I do not own the story or art. I give full credits to the original...
