زهري فبنت خالتي🌼مكتملة🌼

🌼الجزء 1🌼

⭕زهري فبنت خالتي ~
⁦✒️⁩بقلم: رفيقات الدرب~
      ✨الجزء: 1 ~

....:هاويلي على الزغبية قالا مابغيتش نتزوج واش خرج لبوك لعقل بغيتي تحاشمينا مع الناس.
ترية: وااااعدفتوو امييي مابغيييتووش نتاااحر انا نتااحر...

تقدمات بخطوات كلها توتر وارتباك، تتعثر فتكشيطها الحمرة، متاجهة نحو الشرجم باغة تلاح، حتا جاو مها وشي عيالات ليها تايجرو فيها.

مليكة: اويلي على بنتي باغة تموت وتشويني هاويلي...وهي تاضرب ففخاضها وتندب...هاويلي بنتي باقة ماشافت فدنيا بغات تخليني....هزات قفطانها فيديها وغوتات بحر جهدها: مابقا بوو عرس يالاه خرجو قولوها ليهم.

جالس فالقاع ديال صالون فرحان ماقاداه فرحة بكترة مامشرع فمو بالتبسيمة گاع الاكسجين بالدارالبيضاء دخل ليه، ختو حداه تاتصور والا فهاد العالم، وبلاصة العروسة خاوية، هادي لمرة الثانية لي تايكون فعرس بصيفتو العريس...جات مو لعنو وباينة فيها الفقصة...سرعان ماشاف ملامحها تبدلو ملامحو المبتسمة لتغوبيشة كايستفسر بيها شكاين وفقلبو غصة، يمكن حس بشنو غايوقع ويمكن خايف يعاود التاريخ نفسو...وكيفما وقع مع حبيبتو ديال صغر وخلاتو فالبرزة تخليه ترية.

~فلاش_باك~
لابسة ومقادة وطالعة فالعمارية بلباس الفاسي، ماقاداها فرحة وكاضحك حتا سنيناتها البيضين كايبانو مستفين كيف جوهر، حتا تايتبدلو تراسيم وجهها كاملة بحالا هزيتي بنت وحطيتي بنت، بدات تاتخبط فالعمارية وتغوت باعلى صوت: هبطوناااااي هبطوناااي دابا، لي كانو هازينها تخلعو.....حطوها للارض....كاع الحاضرين ولاو كايوشوشو بيناتهم والعائلات معجبين اما سي العريس بقا ليه غير يطلقها فسروالو بالتوتر....تقدم جيهتها وشد يديها وهمس فودنيها : (مالكي ياك لباس اخولة).....عم الصمت القاعة كاملة وحتا من خولة سكتات لمدة حتا هز يديها بيديه لي كايترعدوو

خولة: مابقيييتش بغيت نتزوج ديوني من هنا.

~عودة الى الحاضر~
بقات ديك مابغيتش نتزوج فودنيه كاتعاود مع كل خطوة كاتخطيها مو لجيهتو....بدا تايحرك رجليه بحركة تموجية بسبب التوثر حتى كولشي ولا كايشوف فرجليه....مع وصلات مو وزفات الخبر فودنيه حتا ناض بطريقة هستيرية...مشا بخطوات سراع وكبار لبيت تبدال العروسة مخلي برزتو وناس لي حاضرين معجبين وكلهم تفكرو حاجة وحدة الحادثة لولة مع خولة والتاريخ يعيد نفسه، شحال من مرة مكتبة عليه مسكين يخلي برزتو وتخليه عروستو

حل الباب على البيت ولقا ترية لابسة جين وطريكو صوفة وهازة ساكها....جات عندو وخدات يدو وحطات فيها الخاتم

ترية: الله يعاونك اولد الناس...
يتبع#