زهري فبنت خالتي🌼مكتملة🌼

🌼الجزء 2🌼

⭕زهري فبنت خالتي ~
⁦✒️⁩بقلم: رفيقات الدرب~
      ✨الجزء: 2~

ربيع بقا مصدوم كايحاول يستوعب شنو واقع دارت بيه دنيا وطاح على وقفتو مخلي كولشي جاي من صالون كايجري .

بعد دقائق فسبيطار ...حل عينيه بتثاقل....هز يديه بشوية ودور راسو باش يستكشف المكان لي هو فيه...وعلى إثر غوتة كاتصمك الودنين قفز من بلاصتو وجلس...شد جنبو لي كايضرو بسباب طيحة وخرج عينيه فالمنظر لي شافو قدامو

بنت عشرينية قدامها كرة مدورة وهي كرشها لي غاتفرقع كادل على انها فالشهر لي اتولد فيه....عاضة فيد شاب لابس شورط بيتي وتيشورت بيض...كايزير على قنانفو وعينيه مغرغرين بسباب الالم...بقات ماسكة يدو وهي فكرسي متحرك....الفرملية كاتفك وهو كايحاول يهدنها....هبط لمستواها وهمس ليها بنبرات كلها الم...حرقة: ح...حب..يبة تهد...ني عا...فاك كلشي اي..دوز مز...يان

طلقات منو وبدات تاتضرب فيه بضربات متتالية وهي تاتغوت: نتا سباااب نتا....هادشي واقع بسباااابك....انا غانمووت وباقة صغيرة....(بدات تاتبكي...وقبل مايقول راجلها شي حاجة مسحات دموعها وتقلبات كلماتها لنبرة حادة): نتا صلكوط ...اه نتا شوف فياا...كاتخوني عرفتها....عرفتها امروان

مروان حل عينيه وفمو بصدمة: اناااا اليلى؟؟!

ليلى: اه نتا....علاش ملي عضيتك ماعايرتينيش هااا دوي ...اه ولا عندك لي تصبرك...ااااه ياربي انا انموت وهو ايتزوج.... (رجعات تاتبكي عاوتاني)

حرك مروان راسو بلا حول وشد وجها لي كولو عرق بين يديه: حبيبة مايمكنش نخونك...ونتي ماغاتموتيش باذن الله خاصك غير...

قبل مايكمل هضرتو تسمعات غوتة خرى....ليلى: ااااااه غايخرج...ااااه كانولد....وهنا الفرملية دفعات الكرسي المتحرك بالزربة لغرفة الولادة وليلى تاتغوت....ضار مروان لجيهة لي فيها صفوف من المرضي فسرائر منهم  ربيع كايتفرج وفمو محلول ومصدوم من مشهد اول مرة شافو...هز زوج ليلى يديه لعندهم وحطها على صدرو وقال: سمحولينا...ومشا تايجري وتايهز شورطو لي تايطيح ليه مخلي كلشي تايضحك....حرك ربيع راسو بلا وبطريقة هستيرية

ربيع: لا ....لا.... لا .....الحمد لله...الحمد لله ياربي لي  ماتزوجتش.... كيفااش تعض لياا يدي لااااااااا....

يتبع#