زهري فبنت خالتي🌼مكتملة🌼

🌼الجزء 10🌼

زهري فبنت خالتي ~
⁦✒️⁩بقلم: رفيقات الدرب~
      ✨الجزء:  10 ~

هز ربيع الخبز وبدا تايغمس...: هاويلي امي مالكم حيوطة حاشا....هادشي بنين كيف ديما الفخامة والضخامة....

سويمية...تاهيا تاتاكل: بصحتك اوليدي كول كول تاتشبع...

ربيع: مي كانت عندك واحد درية طبوزية تبارك الله فاخرة ووافية فيناهيا بنتيليا غاراسك...

ضحكات سويمية تاوحلات ليها....عطاها ربيع الما ورجع تايشوف فيها زعما علاش ضحكات...

سويمية: داوي على جمرة....(رجعات ضحكات)....كنتي ديما شاد فيها...وتاتجبدها من حناكها تاعقدتيها مسكينة...

كمل ربيع ماكلتو تايضحك: اييه كنت معدي عليها الصراحة.... ذنوبها خرجو فيا دابا....وفيناهيا؟!...

سمعو صوت قدامهم فالظلام: هاهيا هنا اسي ربيع...هاهيا جمرة..

قفز ربيع من بلاصتو بدا تايكحب بجهد وسويمية ماعارفة تعطيه لما ولا تمشي عند بنتها....شعلات جمرة ضو وتقدمات  جيهتهم وجيهة ربيع قاصداه والمقصود الله ....بدات تاضرب فضهروا شي ضرب ماشي درحمة ساست ليه ضهرو مسكين...

جمرة: حلال ليك حلال ليك اربيع...

شاف فيها: كح...كح...صافي...صافي ش...شكرا وليت مزيان..كح..كح..

ناضت سويمية عند بنتها تاطير بالفرحة عنقاتها وبدات تبوس فيها.... فحناكها وراسها وكلشي....وهادشي تحت انظار ربيع لي مصدوم من هاد الكومة دالجمال لي قدامو... منحوتة بحال شي حوتة....مايمكنش تكون هادي جمرة لي كانت تقل من كاع ولاد تنين شتوكة... لي كانو حناكها مغطيين عينيها.... لي ملي شاف خالتو نجية فالكار تفكرها لا....

عنقات جمرة هي الثانية مها....: ماما بدلي لقفل راه من عهد الفينيقيين وهو نفسو اويلي...توحشتك لباس عليك؟!...

سويمية شادة وجهها بين يديها: ليوم احسن نهار فحياتي شفتكم بزوج فدقة...دابا لابغات تجي لموت اتجي....

قالو فدقة وحدة: الله يحفظك امي...ودارو شافو فبعضياتهم...

يتبع#