زهري فبنت خالتي🌼مكتملة🌼

🌼الجزء 21🌼والأخير🌼

زهري في بنت خالتي
~~✒️بقلم :رفيقات الدرب
~~الجزء :21

دارو ليه خاطرو وطلعو الوريقات في يومين كانو خارجين من عند  العدول ومعاهم بديعة لي مقاداها فرحة واخيرا ولدها تزوج ...

دارو ليهم العرس كبير والعائلة كلها مصدومة وكل شوية يقولو دابا يقولو العروسة مبقاتش باغا لكن كلشي داز هو هداك...سي ربيع تزوج فرح ومقداتو فرحة ولكن غير سالا العرس جراتو جمرة من يديه لورزازات وبالضبط في اكبر استيديو تصوير طبيعي ...باش يصورو اشهار لماركة عالمية ....

ربيع بطبيعتو العفوية دار بلاصتو معاهم وسناو معاه كونطرا لبزاف العروض وكلو بسباب جمرة لي كانت هي ورقة الحظ ديالو ....
من بعد عام ونصف جا النهار لي غيتزاد ربيع صغيور ...وربيع الاب مخلوع كتر من جمرة لي وجع كيقطع فيها ...والمنظر لي قدامو هو فاش مشى للصبيطار ولقى ديك المراة لي غتولد كتعض راجلها ..هاد الفكرة مخوفاه منهار عرفو بلي جمرة حاملة لدرجة ولى كل نهار كيبقا يزنزن فوق راسها "وعنداك تعضيني ...ملي تبغي تولدي شدي سنانك عندك " وجمرة مكبرة عقلها وكتهدن فيه ولكن فاش بغات تولد ضرباتها ليه بأكبر عضة حتى لحمو زراق ....لكن في الاخير كانت نتيجة مزيانة تزاد وليد محطوط منصوط من ربيع وسبحان الخالق سماوه فهد وربيع كيترجى زهر فهد يكون احسن من زهرو ...

______النهاية

🧡