زهري فبنت خالتي ~
✒️بقلم: رفيقات الدرب~
✨الجزء: 11 ~
دورات جمرة عينيها بزربة...
سويمية: دوزي ابنيتي تاكلي...
ربيع: ايه دوزي دوزي كولي هادشي بنين
جمرة: لاغاكولو بصحتكم جيت واكلة...غانطلع لبيتي...تلفات لعند ماماها....ياك باقى بيتي هو نفسو
سويمية: على انا ابنيتي نقدر نبدل ليك بيتك احبيبتي غير سيري
ربيع: ايه امي انا فين غانعس بعدا.... كلينا ...تعانقنا.. تشاوفنا...ضرب كرشو وتگرع...الله يخلف..
جمرة شافت فيه ...ووسعات عينيها ...ضارت وطلعات بجرا لبيتها
سويمية: اوليدي راك جاي من لمدينة زعما تحضر شويا...هزات طاجين والخبز ومشات لكوزينتها مخليين ربيع تايضور فعويناتو...
ربيع: ايوا اسيادنا نطلعو نرقدو ...
داز ليل وجا نهار وحلات جمرة عينيها على صوت الدجاج مع الفجر فبلاصة ماتحلهم على صوت الخدامة تاتقوليها "لالا جمرة فطور"....حكات عينيها بانزعاج وناضت هزات تيليفونها شافت الوقت
جمرة: يالاه 5 دصباح ياربي...
وهي طيح طيحة وحدة تاعاود فاقت مرة خرى على مها تاتنخض فيها
سويمية: اويلي على العزبة عاد فايقة مع 12 دالعشية
فركات جمرة عينيها وفتحاتهم بشوية....تگعدات وطلقاتها بغوتة وحدة... اويلااااي خاصني نمشي عند سعيدة صحيبتي
ضحكات سويمية: اويلي على الهبيلة سعيدة واااتزوجات
جمرة: تي كيفاش تزوجات اماما....واش سعيدة الحميمقة صحيبتي مولات المصايب ؟!
أنت تقرأ
زهري فبنت خالتي🌼مكتملة🌼
Roman d'amour💎مكتملة💎 ❌حصرية على الواتباد❌ ✨⭕زهري فبنت خالتي⭕✨✒️بقلم: رفيقات الدرب✒️ 🌙قصة رمضانية...كوميدية...قصيرة...رمضان يجمعنا ❤️رمضان كريم عليكم كاملات ، الله يدخلو علينا وعليكم باشما تمنيتو وصالح الاعمال ان شاء الله بصحة وا...
