زهري فبنت خالتي🌼مكتملة🌼

🌼الجزء 6🌼

زهري فبنت خالتي ~
⁦✒️⁩بقلم: رفيقات الدرب~
      ✨الجزء: 6~

ربيع كيف قلنا كايقلب على بلاصتو ومن زهرو زوين جاه حدا الشرجم....لالا وفلكرسي لي حداه مرة غلييييضة بزاااف.... الشحمة غالبة عليها كتر من لحم، جابدة بواطة فيها خبزة ولبيض مسلوق....تبوق سي ربيع بريحة ومع ضورة باش يدوي مع لگريسون يبدل بلاصتو... سدو ليه لباب فوجهو....

ايوا بيانسوغ سي ربيع ماشي طيارة لي غادية فيها جمرة هادي.... مالقا غير يتقنت فبليصتو...جبد تيليفونو يتكونيكطا....ومع الأسف الشديد لقا ريزو ماكاينش....حاول يتحكم فراسو....بغا يحل الشرجم وهي تشدو خالتو نجية من قاميجتو جلساتو للارض...

خالتو نجية: جلس اوليدي البرد هادا تيتي.

ربيع: خالتي عافاك راه لكار غايطرطق نحلو شريجم غاشويكوك.

خالتو نجية: انا نجية....مشرفين اوليدي... جلس تاكل راه سميقلي...

جلس ربيع مافيدو مايدير حيتاش كايشوف ايلا زاد معاها لهضرة اتخشيه بين بز*ازلها وغايغبر غبرة وحدة....مدات ليه نص بيضة مصلوقة..

خالتو نجية: شدشد تقوت شوية ونتا مگمصص كي كرشة الحولي..

شاف ربيع فجسمو الرياضي المعتدل ورجع شاف فالجسم دخالتو نجية....رفض عرض نجية بلطف وشكرها... ورجع راسو لور وتخايل مع راسو يكون بنفس الحجم.

                        _التخيلات_

ربيع: الواليدة وااالواليدة اجي هزيني راه فلعصت لكرسي..

ماماه: اويلي اربيع هادا خامس كرسي فهاد سيمانة اتهرسو رجوع لله اويلي

ربيع: والواليدة اش اندير ليك راه بسبب الثقل ديالي...

                  _الرجوع الى الحاضر_

نفض ربيع راسو من هاد الافكار وحمد الله وشكرو على جسمو وتكا...غمض عينيه شوية حتا غفا فوسط گاع داك الصجيج لي حداه هاكا ربيع مني كان صغير واخا يكون لعرس ينعس....

يتبع#