جمرة: وعليكم السلام موسيو عمر .... اممم ماشي مشكل انا باغة غير نبدل المقعد...
عمر: اه تفضلي....عيط على وحدة من المضيفات لي جات بشوية وخايفة..
المضيفة 2 : تفضل اسيدي...
عمر: بدلو لمدام جمرة المقعد..
جمرة: مادموزيل الله يخليك...
المضيفة 2 : من طبيعة الحال تفضلو...
عمر: اوو سمحيليا اجمرة ....وضحك بطريقة ودية...مايكذبش على راسو انه العامل لي خلاه ينوض لعندها فديك اللحظة هو جمالها الخلاب كتر من عامل انساني...سي عمر واخا شخص كايبان اربعيني ...فشعرو الشيب ولكن الكاريزما ديالو غالبا عليه...بطابع كلاسيكي وكوستار رمادي...مد يديه بطريقة جنتلمانية لجمرة لي عجبها الحال...تبسمات بفخر وشافت نظرة اخيرة فطونيا....
عند سي ربيع لي مكمش فبلاصتو دازو ساعات وهو ضاربها بنعسة طاح ليل وفيقاتو خالتو نجية..
خالتو نجية: نوض نوض اوليدي وصلتي احنيني... مع كامل الاسف والاسى ديك ماشي تنويضة هاداك زنزال وتزعزيعة...حل عينيه بفزع...
ربيع وهو تايغوت بصوت عالي...كايلهث وتايدوي بزربة: سميتي ربيع...عندي 25 عام خدام سكريتير فبنكة كازاوي رجاوي عندي مي وبا وختي وطاسيلتي وطريكتي....كلشي تايشوف فيك اوليدي اربيع.... ضور عينيه فالحريرة لي حداه....فاق من حالتو....وقف ونفض حوايجو وهز راسو وشوية دماء الوجه والكرامة لي بقاو ليه ....سلم على خالتو نجية وهبط من لكار خدا ساكو وزاد...
عند جمرة حطاتها الطيارة فمطار الدار البيضاء وتما تفارقات مع عمر ..... عطاها بطاقتو لي فيها رقم هاتفو فحالة ما احتاجت شي حاجة .....مني تحطات خدات طاكسي كورسة لتنين شتوكة عند مها...
يتبع#
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
