زهري فبنت خالتي🌼مكتملة🌼

🌼الجزء 13🌼

~زهري في بنت خالتي
~~✒️بقلم :رفيقات الدرب
~~الجزء :13

خدا ربيع التيليفون مخلوع ومفاهم شنو واقع شاد التيليفون وخايف ليعضو ..ضربات جمرة  لكتافو و قالت مخرجة فيه عينيها : خويا العزيز واحد خينة كيقوليا انت معندكش خوك لي يحامي عليك هضر معاه ووريه بلي انت خويا غتدافع ومعمرك تخلي شي واحد يقيسني ...

سبلات فيه عينيها حتا داخ ونفخ كتافو دار التيلي على وذنو وقال بالنفاخة : نعاام انا خوها شكون انت

ستيفان : ءءء انا كنت عارف جمرة معندهاش خوها ..كفاش ؟

رفع ربيع صوتو وقال : كي فاس كي مكناس شكون انت اشريف ؟

ستيفان : ءء سمحلي انا صديق جمرة
غوت ربيع وقال : مكاين صديق لا والو لي يضصر على تيتيزة ءءفركوسةءء بغيت نقول الخوادرية نحيه من الدنيا

قال ستيفان كيقفقف: سمحليا اخويا فهمتيني غلط المهم المسامحة بسلامة

قطع ستيفان وخلا ربيع كيفرنس جمع الضحكة ومد ليها تيليفونها وقال : شكون هذا وعلاش كتهضري معاه ؟ نتي بنت مخاصكش تهضري معا الرجال السيبة هادي !

رفعات جمرة حاجبها وقالت بهدوء: تيقتي راسك ولا شنو !

جمع ربيع راسو وقال كيفرنس : ايه الحكام زين هههه
تنهدات جمرة وتكات على السور كتطل جبدات من صدرها كارو ودارت عند ربيع لي مخرج فيها عينيه: عندك بريكة !

قال ربيع كيتفتف: كتكمي ...قالتها الواليدة ومتيقتهاش جيل قيمش ميحشم ميرمش  لاهيلا

خنزات فيه جمرة وقالت : اييه عندك بريكة أه ولا لا بلا زيادة

صرط ربيع ريقو وجبد بريكة من جيبو مدها ليها صاقل ..حتى تنغمات مزيان عاد قرب منها وقف تاهو كيطل من السطح  وقال كيشوف التحت : علاش كتكمي !انت بنت مخاصكش تكمي

قالت جمرة باستهزاء : ياكما هو مضر بالنساء وصحي للرجال !

سكتاتو تاني ولكن لسانو مقدرش يسكت بزاف ورجع قال : واش ملي مشيت من عندكم تبدلتي ولا رجعات امي حملات بيك وعاودات ليك العجينة عاد خرجاتك تاني 

جمرة : مالك كتخربق في الهضرة مفهمت والو

حك راسو وقال راخي صوتو : لا والو غير كنتي غليضة ودابا زيانيتي