زهري فبنت خالتي🌼مكتملة🌼

🌼الجزء 17🌼

زهري في بنت خالتي
~~✒️بقلم :رفيقات الدرب
~~الجزء :17

بدا كيعاود ليها ربيع على ما جرى ليه وهي  مرة تأثر مرة تحبس الضحكة حتى سمعو صوت وراهم

سويمية: انا عندي ليك الحل اوليدي
هز ربيع راسو وقال بالزربة : حلفي امي حلفي قولي حق لي ليه الحق تا عندك الحل

غير شافت سويمية حالة وجهو شهقات : هء اويلي شكون دار فيك هاد الحالة المسخوط

وقف ربيع كيطيح وينوض حتى وصل عندها وقال : نساي حالة وجهي دابا غير عتقيني ..الى عندك الدواء

عبسات وجهها وقالت شادة فيه حتى جلس : اييه وغير قوليا بعدا شكون زرق ليك  العين ؟
نقزات جمرة كيف الحزقة : لا والو غير ولد ختك بغا يدير فيها البطل المغوار ويدافع على بنت السيكليس وهو يشدو زريقة زرق ليه البصر ...وانت اشنو قضية تعاونيه وليتي عالمة ؟

خنزرات فيها امها وقالت موجهة ليهم بزوج كلامها : تبعوني

ناضو تابعينها وهوما مفاهمين والو حتا دخلت لواحد البيت ديما كيبقا مسدود حلاتو وهوما يتصدمو ..كان بيت عامر بالعشوب والوسط في الارض فيه دوارة حمراء كبيرة فيها بلاصة فين كتشعل العافية وبزاف دالقراعي صغار محطوطين كاين لي خاوي وكاين لي باقي مسدود

شهقات جمرة وقالت : اشنو هادشي امي ...مزال كتديري هاد الخزعبلات ياك واعدي ابا قبل ميموت غتحيديهم

خنزرات فيها  سويمية وقالت : اباك مكان يفهم واالو ..زيدي اويليدي اربيع جلس هنا زيد

تقدم ربيع  وهو مدهشر جلس على واحد الجلدة في حافة الدوارة وهي جلسات في الحافة المقابلة معاه اما جمرة بقات غير واقفة كشوف كتسنا فين ايخرج هادشي

شعلات سويمية العافية حتا زهرات وبدات تحل من دوك القراعي وتجبد شي غبرة ملونة ترميها فوق النار  ....

سويمية : سرح يديك الليسرية اوليدي

سرح ربيع يديه الليسرية وهي ترجها حتا حطاتها فوق العافية ولكن بعيدة عليها شوية وهو يبدا يقفقف ربيع : وا مي راه غنتحرق بالشوية
سويمية : معدك مناش تخاف النار مسلمة ومتآدي القلوب المسلمة غير انت دير النية وطلب التسليييييم ...التسلييييم

ربيع بالخلعة والدهشة قال : التسلييييم التسلييييم التسليييييييييم ءءء

هزات سويمية الغبرة حمرة ودهنات بيها كف يديه وعاودات نفخات عليها وقالت كتقرا كفو ...

سويمية : راااك مزهار وزهرك بين عينيك اوليد ختي ....جاييك رزق كثير يعطيك العاطي متحرث متواطي

ربيع :اش...ششش..اش كتقولي مفهمت والو ...وكفاش مزهار انا ملي عقلت وانا منحوس

سويمية : كنتي كنتي منحوس دابا الزهر بين عينيك خاصك غير تشوف مزيان

بدات العافية تطلع مع ربيع وقال كيتحرق : كنشوووف كنشووف واش ندير النظاظر ؟