The Captivated Billionaire

Kabanata 17

Hindi! 

"M-Ma..."

Napatingin ako kay Mr. Bonneville nang nanginginig ang mga kamay at buong katawan ko.

"M-Mr. Bonneville..." I called him, scared.

Nagsisimula nang tumulo ang mga luha sa mga mata ko. Nang wala akong marinig na sagot mula sa pagtawag ko sa kaniya ay dahan-dahan akong napaupo sa sahig.

Hindi ko na mapigilan ang mga luha ko.

"M-Ma..." Napayuko ako.

"Let's go home."

Umiling ako sa sinabi niya.

Lumapit siya sa akin at hinawakan ang braso ko pero umiling ako.

"I said let's go."

"N-Nakauwi na ako..." Pinahid ko ang luha ko at kinalas ang kamay niya na nakahawak sa akin. "Umuwi ka na, Sir."

"No." Hinawakan niya ulit ang braso ko pero mabilis ko itong tinanggal at tumayo.

Tama na ang pag-iyak.

Walang magagawa ang pag-iyak ko ngayon. Kailangan kong hanapin ang kapatid at Mama ko.

"Haines, let's just go. I'll help you find them tomorrow—"

"Bukas pa?" I napped at him.

He was taken aback by what I said. Umiling na lang ako at pinagmasdan ang magulong bahay. Nang mapunta ang mata ko sa dugo, parang biniyak ang puso ko at dinurog nang ilang beses.

Ano ba 'tong pinasok kong gulo at mukhang nasali ang pamilya ko.

"I'll help you find the—"

"Huwag na ho. Kaya ko na 'to."

"Come with me, Haines." Hinawakan niya ulit ang braso ko. At sa pagkakataong ito ay mahigpit na at mukhang walang planong bumitaw.

"K-Kasalanan mo 'to, e..." mahinang sabi ko. Ayoko siyang sisihin pero totoo naman.

"What?"

Hinarap ko siya. "Kasalanan mo lahat ng 'to! Kung hindi mo ako dinala sa France, hindi madadamay ang pamilya ko! Kaya kasalanan mo!"

Napakurap-kurap siya. "Don't blame me, Haines. You forced me to give you a job."

"Pero 'di ko sinabing dalhin mo 'ko sa France!"

"That's because you're my employee and I am the boss. You should follow me!" 

Napahilamos ako sa mukha ko at hindi na nagsalita pa. Ayokong pagsisihan ang mga bagay na lalabas pa sa bibig ko. 

"You know what, you should just rest. Come home with me, Haines. I will help you find them tomorrow. I have connections, we can find them easily." 

"No, Sir. Hindi ako sasama sa 'yo. I'm so tired. Pagod na ako sa gulo." 

"If you don't come with me, you'll be in danger. Do you get that?" 

Nilingon ko siya gamit ang pagod at nasasaktan kong mukha. 

"K-Kapag sumama ako sa 'yo, nasa panganib pa rin naman ako, e.." 

"But I can protect you. Trust me I can protect you. Come on." 

Nagising ako nang may marinig akong nag-uusap sa labas ng kwarto.

Hindi ko alam anong nangyari sa akin pero napilit ako ni Mr. Bonneville na umuwi kasama niya.

Pero bago ako umuwi kasama niya ay hinalungkat ko muna ang buong bahay at may nakita akong isang note sa kama ni Mama.

Tiningnan ko ang oras at alas kwatro pa lang ng umaga. Isang oras lang yata ako nakatulog. Sapilitan pa.