شجرة الآثام
الكاتبه (( امل مهدي))
البارت الثاني
**********
اني الفتشو كلبه ولكوك
ابخير .......
ولكوني بكلبك أصلآ
ما مخليني.......مصطفى حسن
**********
بهره.....
من كال جاسم ابن عمج
اتذكرت صدك عندي ابن عم اسمه جاسم ابن عمي منهل
ما شايفته لان ما يجينهظليت اتمعن بشكله
زلمه ابيضاني معانيه قاسيه ونظرته حاده يعاين عليه وابد ما رمشت عينه
هيئته مو مثل إخوانه
تفاجأنه اثنينه
جاسم.... منهو انتي من بنات ناصر
بهره..... اول گول عمي ناصر
جاسم..... ابتسمت من ردتني
ابوج وينه
بهره..... ابوي بالزرع
جاسم.... وانت شعندج الوحيدج بالبستان
بهره..... وانته شنو ؟؟؟
مشت تفر بايده مستهزأه
والله ياالله
هم عايزه ما ظليت بس انت التحاسبني
جاسم.... مشت وعيوني ظلت وراهه
كحيله وفرسه
وجنه الگمروصعبه وگويه امبين عليه
ظليت اراقبه وهيه مشت البيت طين
بأطراف البستان
وكفتت ويه وحده بحلها
ورجعت وبيده صطل تتمشه
وتتمايل
انه انزويت وره الاشجار
مرت غاد مني ومشت البيت ناصر
دوهنتني ونسيت انه جاي المن
خليت ورديت الهلي واني فكري
كله ابنت عميمنهل..... ها جاسم اشعجب
بينت
جاسم.....بويه ليش تنازلت عن البستان
انت ما تفكر باجر عكبه يفيدنه
حال مال
منهل..... انه ما احب المشاكل
ومو بحاجته للبستان
لان اخوانك يردون يستقرو ن ابغداد
وانه مالي بلفلاحه وهمهه
وانت حطيت ايدك علحلال
وما رضيت اتقسم
كلي اشلون تنحل ؟
جاسم..... جان عفتله سهمك من گاع الزرع
ليش الا البستان
منهل..... وهيه شتسواله الگاع هيه وحصتي بالبستان صارن گبال الحلال
انت لدالك ناصر ما يعرف جم راس وجم راعي يشتغل عندكجاسم.... انه جاي ارد البستان
وتصافه ويا ناصر بالحلال
منهل...... خلص تنازلت
وخلص الحجي لا تفتح علينه باب جديد
بس حطه ابالك
الحلال صار انه صاحبه
جاسم..... هههههه
تريد الحلال الك بويه
صار
منهل... انه ما دور وراك بس اريد تعرف حگ اخوانك بالحلال
كل مره ودينه التكدر عليه
اخوانك بركبتهم عوائل وكامل يدرس
ويحتاج مصرف خلي الله يبارك بحلالك
وصير حقانيبهره....
رجعت بيدي صطل اللبن
وهذا جاسم شدهني شعنده جاي
ومبين عليه عربي مال جول
مو مثل إخوانه افنديهدخلت البيت
بهره..... جده هاج اشلون لبن يرد الروح
ام ناصر..... اي جا كومي صبي الغده منيره خلصت خبز
بهره.... رحت للمطبخ كشفت الجدوره وصب المرك بالماعين
دخلت منيره شايله الخبز توه خلصت
وبيده عثمان اخوي الزغير
منيره....
وين رحتي من راحت روحج
هسه ابوج على جيه واني اشوف
يرضالج عايفتني ودايحه بالبستانبهره.... انت ما عندج غيري يوميه
الشغل يا طلايب الشغل
مو نظفت زبالت ولدج
منيره.... ولج ترحيلهم فدوه وانتي منو وما تخدميهم
بهره.... منيره جوزي مني احسنلج
اني غير عن خواتي
صايرتلج خدامه وماراضيه
شتردين ماتكليلي