شجرة الآثام
بقلم (( امل مهدي ))
البارت الثامن عشر
***************
أعدلك بالاصابع
صارلي هواي....
تجيني وما تجيني ....
وعمر عديت
**************
سعاد...
واگف يعاينلي بغرور...
بهدومه العسكريه ونجماته.....!!
قريت بعيونه الفراك... ليش وشنو الصار
وانه شني الذنب السويته تخذلني عگب ما عشمت گلبي
سنين امتانيتك
وعد گلتلي اخلصج واريحج وتحملي كل التسمعي
تالي تگول النسوات تتمنانه
وانه شني فصليه انجبرت بيههه..!!!!
توني عرفتك يبن عمي
خذلتني وظلمتني ما تستاهل
كل دَمعه من عيني
عمتي منافقه وشامته وماتحبله واحد
تحجي وتعاين عليه تراقبني اشلون
اتلگه الخبر ... من گالت لييث
راح يتزوج...
كفخه ونكفخت. على راسي
ما ريد دمعتي تنزل قويت روحي شگد ما اگدر
ماريد عمتي تشمت بينه
مشيت الحجرتي وخلص تاكدت ليث راح
خذلني ودمرني. وخان وعدي
ومشه وره حجي أمه واخته
انهاريت لطمت گطعت شعري
بچيت بحرگة گلب مفچوع
ضيع اهله وسنين عمره
ضعت وتشتت الامل الوحيد الجان يصبرني
ضاع مني
خواتي داير ما دائري يواسني
وامي وابوي ولا جني مذبوحه
ما واحد بيهم برد گلبي بجلمه
وعمتي فوزيه.....آخخخخخ
يا عمتي
تذر اعله الجرح ملح
تمرضت وظليت بالفراش ما اگدر اگوم
گطعت الاكل مالي نفس اعيش
ولهفه محتاره بيه
بهره.....انتي ما تگليلي ياهو ميتلج
تنوحين على ولد عمج الغمان
بطلي عياره وگومي
وي خواتج
سعاد....درت وجهي عنها وغمضت ما اريد اسمعه
هيه السبب بكل الصار الي
واللهفه والياسين الي لليوم ماله نفس بمرته والمسكينه زينب المدري وين صفه بيها الوكت
حطمتنه
وكل اشويه تصفگ اجفوفها
وتغمنه اني ولهفه
.....يو بيجن خير جا ما عافوجن
جان چلبو بسنونهم بيچن
مره گاعد تتفرج تلفزيون
وطلعت أغنية كريم منصور
بس تعالو...
بهره.....ههههه ولج سعاد تعاي
اگعدي بالباب وغنيلهم بس تعالو بلكت يجوج
احباب الگلب
جنه كلنه گاعدين وهيه تضحك علئ جروحي وتتستهزأ بيه ...
شگد حقدت عليها ما اشوف بيه أي صفه للامومه
لا تحبنه.. لا تنقهر علينه ..لا يهمها امرنه.. لا تتوجع من اشوف واحدنه يتوجع... ولا حتى تخاف علينه
لييث....
رجعت من بيت عمي جاسم
محروگ دمي
اني يطردني .... مع كل الاسف اني المقدم لييث الناس كله توگف لو مشيت گدامهم
عمي يطردني اني صوجي
وامي وعمتي خوش اللتمن
عليه بنات الجول يشرطن
وعاجبتهن ارواحهن
وانته الكبرت راسهم رايح جاي عمي يا بنات عمي
هن خلك همجيات عربيات سارحات ويه الغنم
وانتم الهيبه الناس كله تحسبلكم احساب...
بلحظه زعل وحقد نسيت سعاد ونظراته التتوسلني واني جرحتها
ووافقت على خطبة لمياء
معلمه ودارسه من بغداد امي جابته الي هيه ومروه
امي وعمتي عمن عيوني
وظلن يقارنن بينه وبين سعاد
لكن...
