شجرة الآثام
الكاتبه (( امل مهدي))
البارت الثالث
***************
ردني ردني
يالبگتني
بليلة أجيتك
دورت روحي اعلئ روحي
لا شفتها ولا لگيتك
كاظم الگاطع
***************
لكل القراء والمتابعين
مهم جدا جدا التصويت حتى تصعد القصه وما يضيع تعبي
وتحقق مشاهده عاليه
مع تحياتي وتمنياتي الكم بطيب الوقت
بهره....
جاسم.!!!
شنو منين اجيت
جاسم..... ههههه اجيت من الباب
ظليت ساكته متفاجئه ما ادري فرحانه
انه لليوم ما عرفت احبه الجاسم لو لا
بس واضح هو حبني ورايدني
واليوم اتأكدت من هلشي
دنك عليه وشاورني حليانه
بت ناصر
ما جنت غلطان من اختاريتج
بهره... خجلني فوزيه وكامل
يعاينون علينه
جفتت عليه فوزيه وكعتلي تبوس
تكول اخته التحبه
كامل.... انته اشجابك البغداد
جاسم نزع جفيته وحطه على الفراش وكعد يعاينلي ونظراته فرحانه
انه جنت جاي ارجع فوزيه ولاكاني
حميد ابن عبد الله وكال انتم جايين للطبيب
اشلون صارت جده
كامل.... زينه الطبيب يكول ضغطه اماذيه
بهره.... انه كاعده ساكته تذكرت ابوي وخواني لو درو الا يكطعوني
فجأه حسيت بالخوف كمت ورحت كعدت بالمطبخ
جاسم.... حسيت بهره مو على حاله خايفه
رحت وراهه
جاسم...
عاينتله
اشبيج بهره خايفه من ابوج
بهره..... ابوي واخواني لو وصلهم خبر انت هنا ما يسكتون
حتى عمي وكامل يتورطون
جاسم... صار ثمان اشهور اشتاكيتلج
بهره.... لا تترجه من بارح مطر
جاسم....ليش
بهره.... ابوي معند ما ينطيني
جاسم..... وانه نهيت عليج لمن يمل واخذج
بهره.... ويجوز ما ينطيني للموت
جاسم..... راح اوديله شيوخ
وعمامي بلكن يأثرون عليه
لازم تعرفين انه ما جايز منج
بهره.... وظل طول عمرك متانيني
ما تريدلك مره
جاسم...... خلني اودي الشيوخ
والله كريم
... شربيني جاي من ايدج هسه
بهره.... ههههه اول مره واحد يتعامل وياي بحب وحنيه
ظل واكف واني اخدر الجاي
نوب يغسل نوب يسولف
صبيت الجاي بالستكان ولزمته بثنين جفوفي وقدمته كدامه
مَد ايدي ولزم ايدي وستكان الجاي
رفعت راسي واجت عينه بعيني
خجلت ودنكت
وطلعت
اجه هو وكعد بالهول يحجي ويه كامل وفوزيه
كاعدين انسولف ودخلت علينه
جديتي
سلمت ومن عاينت جاسم كاعد ويانه وجهه ثكل
جاسم... اشلونج جده جيت اشوفج
ام ناصر.... هله بيك
وتعاين عليه وتخزرني
ام ناصر.... گومي بهره خشي جوه
بهره.... كمت وانه اعاين على جاسم وجهه عصب وجرالجكاره ورثه
جاسم.... شبيج جده ماتريديه تكعد جدامي
ام ناصر.... انت تعرف عمك ما يريدك ليش جاي ورانه
جاسم.... جده انه رايده وناهي عليه وراح ادز ناس على عمي
شيريد انه حاضر
المفروض انتي تعينيني وتفرحين
ام ناصر.... بهره ما تصير الك
لا تودي ناس ولا تشلش العالم
انسه يا جاسم
جاسم.... وانه ناهي عليها وما افك نهوتي للموت وخلكم بيباس راسكم
واليدنه من بهره راح يشوف جاسم وفعايله
َام ناصر.... مارديت بعد
