شجرة الآثام

البارت الواحد والثلاثين

شجرة الآثام
بقلم (( امل مهدي ))
البارت الواحد والثلاثين
"""""""""""""""""""""
قلقتوني شنو الشغله المهمه 
مومشكله احجولي اشكال ماكال
اشم بثيابكم ريحة مذمه 
 صرت ماضي ونساني ومااهمه
انتهى كلشي ويريد ابريه الذمه
آنه اتخوني ذاكرتي مرات
رحمه الولديكم هوه شسمه 

يحيى العلاق
"""""""""""""""""""""

جاسم....

واكفين كلنه وكالها اياد
وهو يضحك
.....مطلوب ومحتاج وانته عايفه مچودره بالگراج
ما تحتاجها بعد عندك البيكم

جاسم...اللتفتت...
شتگو........هيه چلمه بس ماطلعت احسه خنگتني
عيوني عليه وحس النفس بصدري انحبس اريد
اجر الهوى ماكو
اسودة الدنيه بعيني
وجن واحد يسد ويفتح صوطهم باذني
يگطع...وعيوني تريد تغمض واني معاند اريد اشوفهم مثل الحلم اشوف ياسين يفرچلي
وانوار تصرخ وتكبس بالبخاخ
وانه ما حاس بكلشي ولا اسمع شي
بهره....
جاسم ووكع
يلاگف الهوى ووجها صار ازرگ
صرخت وفريده وياسين ركضو عليه
وانوار وحيدر اجو يرگضون على صوت صراخنه
ياسين وحيدر
شالو ورگضو بي للمستشفى
والطبيب گال ازمة ربو وجلطه بالقلب
وحطاله الاوكسجين وابر بالمغذي
ظل بالمستشفى
وما طلع الا وره اربع ايام
سووله قسطره
وفتحو شراينه
يالله اشويه فتح عينه

بالبيت...
بهره...روح رد سيارة ابوك
اياد.....ليش ارده وهو شيسوي بيها اول وتالي يبيعه
وانه اولى بيها مطلوب للناس

.....ولكم الله ولكبر ولدنه وتبوگونه تفرهدونه واحنه عايشين
من اليوم الا تراوينه وجهك ما راضيه عليك وربي شاهد

....ههههههه اي لا ترضين انت
منو يگول الله راضي عليج اصلا
.....انچب ياصاقط حسافه الربه والدلال
اطلع بعد لا توصلنه ولا تجينه
اياد...بعد احسن انه ما ريد اشوفكم
وانه احچي لمحت المسدس
بالكاع جوه الطبله وكع من ايد ابوي ومحد انتبهله
مشيتله ولهيت امي بالحچي واخذته وطلعت

ياسين...
اربع ايام نايم ويه ابوي
وحيدر ما قصر و يانه ما عافنه ابد
واياد ما وصل ولا سأل
طلعنه ابوي من المستشفى
وردينى للبيت
ومن
دخلنا الحجره ينام مارضه
حط الكرسي وكعد يعاين على الكراج وين چانت السياره
بس هادئ ساكت

ثاني يوم حيدر جابله جهاز
خاص مال ربو وقنينة اوكسجين اخاف تجي نوبة الربو حتى يسعفو

من بعد اسبوع تذكر المسدس
سال امي عنه
كالتله ما عندي
...اشلون ماعندج جان بيدي من وكعت
......ما ادري التهينه بيك وما شفنا
سالنه ياسين كال انه وياك
من وكعت لمن رجعتك البيت

گالت امي ماكو غير فريده
هيه اخذته
فريده.......ما شايفه لا مسدس ولا طلقه
جاسم....چا وين صار بلعته الگاع
بهره....ماكو غيرج بس انتي ظليتي بالبيت
طلعي احسن الچ
ياسين.....يمه شنو تبوگيه هاي الشايلتكم وتباريكم هيج تجازونه
بهره....عدها السلاح يالمطي وانت تدافع عليها
جاسم......السلاح اذا ما طلع احرگ البيت عليكم
بهره.....لزمت راس فريده وچلبت بي
طلعي السلاح بربوگ لاهي اول مره حتى اسكنت دومج تبوگيني
ياسين يجر وهيه گطعت شعره
فكها ياسين وهو يصيح انه صوجي باقي وياكم انتم بس اياد دواكم يحچي...
وبهره ركضت على حجرتهم نفشته نفش لا خلت كنتور لا نظدة فراش كله فتشتهن ماكو
رجعت
....ماعدهم يجاسم
.....چا وين صار چان بيدي وانه هنا طحت .....
وصفن...
بهره......ها تذكرت وين حطيته ؟؟؟
....السلاح عد اياد..