اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شجرة الآثاَم بقلم ( امل مهدي) البارت السابع عشر *************** تمنيتك نفس..... وي شهگه الروح وأنه ادريها صعبه وبس تمنيت... ************ ياسين.... لازم ايد فريده عروستي الجديده وامشي اريد بس افوته البيت الهلاهل والنسوان مرتبك والعرك ماخذني خانكني القاط والرباط ما ادري اشلون ياسر وليث دوم خاشخين بيهن دخلت الهول وصارت ابوجهي زينب ارتبكت اكثر وبين عليه عصبت ....ويه روحي حجيت زينب اشجابه هسه مو تزوجت كللولي...
بسرعه عاينت علئ جفوفه ماكو لا حلقه ولا حتئ محبس كعدت فريده وگعدت يمه والهوسه فوگ راسي وانه ضاجت الدني بعيني .. بصفي سعاد شاورته .... وحگ الله انه طالع للحجره الجوه اذا ما جبتيلي زينب واجيتي اليوم اخرب العرس كله وخليهم يشيلوج اجنازه ... رحت جوه بهره....وين اطلع للزلم .....خل انزع الرباط ختنكت مشيت فتحت باب الحجره والكه زينب واكفه وره الباب وتبجي .....ليش جايه مو عفتيني وتزوجتي .... منو كلك عفتك انت العفتني وتزوجت مو كلتلي ما اخذ غيرج ..... ظليت واكف متفاجأ شني امي ضحكت علي ....اهلك يستعرون مني لان اهلي فقره وما يردوني أنه ما جايه اعاتبك بالعكس مهنه ويه عروستك ردت بس شوفتك لان باجر اخواني ماخذينه ويا عمامي انحط ابغداد .....چا وين چنتي ما حجيتي هسه جايتني تراويني طولچ .... امك هدت علينه وفضحتني وهلي حبسوني وين بعد ادري تزوجت يو لا
أنه من الأول ما فرحان وقنعت روحي زينب صارت مو الي بس من اكتشف العكس... كاعد علئ بركان اريد بس الناس تفض وتخلص هاي الفاتحه أي ما حسيت بفرح احس مزفوف الگبري تعشت الناس وانه زفوني طلقات وهوسات فتحت الباب ودخلت جانت فريده واكفا وامي يمها.... ....يمه تدرين انت اشكد ظالمه ....شني شصار وتغيرت كل اللوانها رادت تغير الموضوع تعال شوف هلگمر ...ماريدها اخذيه الج انتي الجبتيه تجذبين عليه وتكولين زينب مزوجه ....ولكم ماالله يفكني من زنوبه الگح...ه ....ما راح يفكچ بعد وراج احساب عسير ...ويأشر بصبعه الفوك ظلمتينه أنه وزينب وهاي واشر على فريده عفته هي والعروس وطلعت رحت الحجرة الطين المخزن خلصت نص حياتي هناك دومي مهيون مطرود والفي هنا ظليت عشر أيام ما واصل العروس ويوميه أبوي يجيني يتعارك وياي ويهددني تالي رضيت بالواقع المفروض عليه انه من زمان ماعندي ختيار وفارضين عليه اليردو تممت زواجي من فريده وبكلبي امل اتبع زينب واخذه ما اعوفه بس صار العناد طبيعي اتمردت ... على البيت كله سعاد.... اليوم ليث يمنه من يجي ما اطلع لا زرع ولا اسرح بالحلال ما يقبل بس شسوي انجبر اطلع باقي الأيام تمشينه بالبستان وسولفنه ليث....كلها جم يوم وتجين يمي وترتاحين اني ما احب المره تطلع الا وياي ......أي جا شلون .....واريد منح شغله ماعليج من امي هيه ادردم هواي عليج بيه وبس .......أي صار .....تدرين اشكد أحبج من اشوفج هاديه ومطيعه ......ليش شايفني فد يوم مخبله وتعارك .... اي مره شفتج تتعاركين ويه امج جنتي تملخين بروحج بوكته حيل قهرتيني لان اعرف عمتي وسوالفه ..... انه من أول يوم اجيتنه تمنيتك وطلبتك من الله ومستعده. أحطك بعيوني واضمك مو اتحمل جلمه من عمتي ....واني هم من يوم الاجيت ويه أبوي انزرعتي بكلبي وحبيتج وجنت افكر والله حرام هيچ بنات حلوات يشتغلن بهاي الشمس الحاره وحاجيت ابوج ما رضالي ....أي ادري ..... تدرين سعاد اني الحنه والعرس راح اخليها ببغداد لان الطريق بعيد واخاف تتعبين انت واختك بعيد اذا منا ناخذكم وبعدين ببغداد كل شيء اكو تشترون ذهب تشترون ملابس ونوديكم صالونات اني اشوف هناك احسن احنا نسولف كاعدين بالبستان ومندمجين واشوف امي من بعيد تعاين عليه وتخزر بيا ما اعرف ما ارتاحيت لها ابد امي ما ادري تغار من عندنا لو تكره ولد عمي.... ما احسه ابد فرحانه وتريد الخير انه تريدنا بس نشتغل ونتعب للبيت الهم
