شجرة الآثام

البارت السادس والعشرين

شجرة الآثام
بقلم (( اَمل مهدي ))
البارت السادس والعشرين
***************
گولوله العفته نسه
ومابعد ي سأل عنك....
وحتى الرسايل والصور
ماخلت منهن كل أثر !!
لاعطر ظل بي منك.....

*******************

لهفه.....

مجبل عوچيته خيزران ما تفاركه
كسرني بيه
ومحمود يجر بشعري ويضربني بوكسيات
طاحولي دگ لمن دموني وانه اصرخ ولا بشر موجود يفزعلي
هيمه وحمادي ونوال بعيدين عني
لمن تعبو عافوني وذاك الغلط والحجي عليه وعلى ابوي
وعشيرتي
ظليت بمچاني ودمعتي بعيني

يائسه وكارها روحي تمنيت الموت بس ما ريدن اكفر وگتل روحي
الله وخوفي الواگف بعيني

وشكد تمنيت ودعيت اموت واخلص

نوال..... يمه دخيلك ربي ولكم
الحگو علي
البت اظنه ميته
حمادي ...الحگ شيله وياي
.....خله تولي ما تسوه الفلوس
الخذاهن منه جاسم
نوال....گومي خيه  شعملو بيچ
گومتني گوه سحل وودتني
بالخيمه
عيوني ورمن ما اعاين بيهن من ضرب محمود
وجهي وجسمي ازرگ
بدلت هدومي وغسلتلي
شعري طويل الركبي
لمته خصل خصل بالكاع من كشفتني تخبلت
يمه الله لا يطيكم ولچ راسج اكرع
نعلتالله على محمود ...
تمسح بالدم  وتحجي
 
.....محمود چا انته مكسرها للبت
اخذها للمستشفي  لاتموت

.محمود.... ترديني اگللهم انه طگيته حتى يحبسوني
عوفيه يطبه طوب
لبستني وفرشتلي ونمت
واني ما شوفن بعيوني ولا اشيل حتى ايدي من الوجع

شي واحد تمنيته بس  الموت

ظليت بفراشي ونوال تداريني
توكلني وتباريني
ثلث ايام وردينه كلنه حتى الحلال ردوو
انه اعرج  وجهي ازرگ ومورم گوه اعاين
محمود گال لاخته ملكه اخذيها شمريها على اهله ما ريدنهه

علي....
اشتغل شفتين اتعب  ميهم
كله لجل عيونها
امل ربيته على ايدي طيبه
وحنينه وبسيطه
وطالبها من الله ادري بدربه
صعب
بنيت الحجره وجهزته واريد
اشتري الاخشاب حتى ما يظل بس مهرها
محتار شاخذ اله هديه
اتمشه ولگيت لعابه حلوه
اشتريته اله انه ادري بيه
محرومه من زغره اريد كلشي
اجيبله واعوضه
حطيت العابه بجيس ووياها رساله مثل كل مره
كتبتله ....

عندما القاك سيكون حديثي لعينيك طويل
   ك لقاء أهل الكهف بكهفهم
حتى اذا سألوني
  هل أكتفيت من حديث عينيه؟
       قلتُ كلا ما لبثتُ إلا يوماً او بعض يوم"❤️
((بقلم  علي)) وليس اقتباس
ومثل كل مره يوقع بحرف من اسمه

ضميت العابه بهدوم لهفه وهدومي ومن اكعد وحدي واشتاق اطلعه واظل اشم بيه
اااااه ياربي علي كل شي بيك
احبه يا رب لا تحرمني منه

انه ما اطلع من البيت فما اكدر
اشوفه واحجي ويا
اظل اناطره يمته يجي لاياد حتى
افتحله انه الباب...
ولو الحگ على چلمتين نحجيهن لو بس النظرات نبقى
نحجي بيهن
خواتي تزوجن وظليت وحدي
مرة اياد نوره فقيره وزينه
وشابعه كفخات من اياد
لان اياد تربى مدلل وقاسي
لو زعل او انغث من شغله يحط حرگته بيه ويكتله
حتئ بددون سبب وامي تفرح
لو خواني كتلو نسوانهم
وابوي لا يدخل ولا يحجي