شجرة الآثام
بقلم (( امل مهدي ))
البارت الواحد والعشرين
٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫
أنام الليل وأدعي الفرج
باچر يكون.....
ويرد باچر يچمل حمل
ظهري حمول.....
٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫
ياسين
كلشي اجه على بالي الا الكه زينب مزوجه
كانت صدمت عمري حقدت
على اهلي وعلى فريده وحتى على نفسي اني ليش مو مثل اياد
اخاف واستسلم بصيحه من ابوي ...وهو اكثر واحد ظلمني
واطيع امي
وهي گيدها عظيم وياي
كتمت قهرتي بگلبي واني كل ليله من احط راسي على المخده اتخايل زينب بصفي
طردت فريده من الغرفه واذا
تجي تنام بالكاع ما اوصله
الا من احتاج
علاقتي وياها مثل الاغراب
تخدمني وبس
ياسين....اني حاطه هنا متاكد
وين راحت ماكو غير فريده
تبحوش ورايه اني اعلمها
فريدهههه.....فريدهههههه
فريده.....جنت حاطه الطشت واغسل بالهدوم ما ادري المن حاطين الغساله يتباهون بيه
واسمع ياسين يصيح بسمي
گمت ارگض وبطني جدامي.
ياااا دهر...شرايد
.....هجمت عليه واللزمه من كفشته
وين وديتيه احجي
....شنيه ما ادري بيها
.....ولج الكارتونه مو كلتلج ممنوع تلزميها بيها اوراق مالتي
.....هناك بالكنتور فوگ احجي وارجف
...رحت ارگض على الكنتور فتحته صدك لگيته فوگ
....ليش مغيره مكانه بت القنادر فتحتيه فتشتي وراي
مو اعرفج
.....هنه وريقات ويوميه مطلعهن وتعاين عليهن ما تكلي شبيهن
....انتي معليج والله لو جستيهن انوب الا اشمرج يم اخوج السكير ابو النسوان
امشي من جدامي يله
.....طلعت اركض گون صخونه
هم حاسب روحه زلمه براسي
سعاد....اشبي ياسين يعاركج
.....انه ادري اخوجن مخيبيل
.....وانت اشجابرج تعيشين ويا
.....اننننه اصبريلي خلني اخلف الما سويته محبس بصبعي افر بي هيج وهيج
ورفعت اصبعه البي الحلقه تفرها وتغمزلي
....صفنت على تصرفه
اثاريج مو هينه بت حمديه
....جا اشتردين شوي شوي
وجيبه للدرب
......يا كارتونه ينشدج عنها
.......كارتونه كله اوراق
يوميه يعاين بيهن ويرجعهن
لهيتيني خل اخلص غسل الهدوم لا تغسلني وياهن امج
...ولج گولي عمتي
سعاد ظلت ابالي شغلة الكارتونه وادري فريده لا تقره ولا تكتب هل ما مهتمه
ثاني يوم ياسين ماكو وفريده بره
واطب الحجرتهم وافتح الكنتور واخذ الكارتونه وافتحه....
وياريتني ما فتحته...!!!!!
وگفت مذهوله كله رسايل من زينب الياسين
اشوكت كتبتهن وويامن توديهن ما ادري ...سديت الكارتونه ورجعته بالكنتور
وتانيت اياد
اجه وكلتله علئ خبر الكارتونه
تفاجأ مثلي
اياد....اذا صدگ توديله رسايل معناها من وره رجله لو تطلگت
....زينب تزوجت....؟؟؟
....اي صار هواي اخذها ابن عمها
.....يو صدك مزوجه وتوديله رسايل الا افظحها
....اريد اشوف الرسايل جيبيهن الي
وهم انتظرت الحجره فرغت
وطبيت جبتهن
اياد....ظل يفتح وحده وحده
ويعاين بيهن
اشك هذا خط ياسين
.....شنو هو كاتبهن
.....يمكن اريد دفتر شي كاتبه بايده
....عندي دفتر المدرسه مالته
مال السنه الراحت
اشگ منه واشعل التنور
