شجرة الآثام

البارت التاسع والعشرين

شجرة الآثام
بقلم (( امل مهدي))
البارت التاسع والعشرين
""""""""""""""""""""
اذكر مره كتلي
الليل من غيرك ذنب
ومره كتلي....
الليل وحشه بعين كل محب
ومره كتلي....ومره كتلي....
هواي كتلي...
وطلع كل حچيك چذب.....

""""""""""""""""""""
السيد....
رفع راسه الاياد جان واگف
قريب عليه بس ما سمع
انته اخوها....
اياد.....اي مولاي
......اريد تعوفنه شويه يصير
.....ليش...
.....احجي ويه العروس
.....ابتعد اياد وگف بالباب وعيونه تخزر بيه
السيد.....ليش ما تقبلين
امل....ما ريد ازوج
احچي وابچي.....
السيد....يعني جبروج على رحمن
.....اي
گام وگف
اتقدم اياد ها سيد نبدي
السيد....لابويه العروس ما موافقه
والعقد يبطل شرعا اذا مجبوره
اياد.....وانته شعليك جبناك تعقد وبس
مو تعلمنه الحلال والحرام
السيد.....الحق اعلمك شرع الله انه ما اعقد والبت مغصوبه
حرام ما اكدر اعذروني

روح الله وياك اكو غيرك تره
مو بس انته التعقد
يحچي ويستهزأ بدون احترام
السيد......من اخلاقك امبين الله يعين اختك بيك
طلع السيد وحتى ما رجع للكعده مال الزلم
عمدا اياد تجادل ويا ووصله للباب
رجع عليه كاعده بمكاني
جرني من چتفي حيل ووداني للحجره
واگفه فريده گدامه ضربني راشدي فر راسي
.....ماتقبلين تخجليني جدام السيد

تلكي الراح يجيج
الما خليتج تتوسلين حتى تگولين نعم اصبريلي
طلع وراح ما ادري بشنو تعذرهم وطلعو الناس
ابوي اجاني.....
احنه مو فضيناها ولچ اشلون
تگولين للسيد ما راضيه
تفوو عليچن من بنات راضعات ويه بليس
تفل عليه وطلع وهو يدگ
بالبخاخ گوه يجر النفس
ورى طبت امي واياد
انه ادري بيج گح...ه المن تردين .... احچي
تخجلينه ويا الوادم
الجايتنه
اليوم الا اطلع ضيمي بيج

.....صحت بكل قوتي موتوني ما اقبل ما ازوج ماريده خلصوني
اياد....والله لحد گبل اشويه اگول خطيه بس هسه مالچ كل خطيه
وطاحلي دفرات وبوكسيات
وامي وياتضربني
هم يضربوني واني اصرخ
ما ريده ما ازوج
لمن سكتت ياله عافوني بس كسروني تكسر
ظليت يومين نايمه بالحجره محد وصلني...

بس فريده مرتين جابتلي اكل
ومي

بهره ....گومي البنات خوات رحمن اجن وراح يجيبون السيد يملج بساعج وتدفرني برجلها
......عاينت عليه ما ارضه برحمن يو تذبحوني ما ازوج وهم اطلع للسيد واگله ما اموافقه
.....جرتني من گصيبتي
.....صرخت
خوات رحمن بالباب سمعني
وطبن
الچبيره ام سعد گالت
......امبينه البت مجبوره خطيه اطونه فلوسنه ملازم
بهره....لا خيه تتعاير
مالچن غرض ترضه
ام سعد.....ظلت تعاين على امي وسكتت
اخته الثانيه اسمه نرجس گالت
.....خايبه هو غير متخبل عليج يوميه امودينه شوفنه
عليش بعد ما ترضين
.....ماريد ابنكم والله العظيم ما ريدكم
ولا راح اقبل شنو غايتكم مجلبين بيه ماتكللي
.بهره....امشن خيه هيه بكيفه وتخزر بيه