شجرة الأثام
الكاتبه (( امل مهدي))
البارت الخامس
**************
شفت كل الظلام
عيون تتلفت.....
وردت ارجع
ولاسجه الرضت بيه......
شاكر السماوي
**************
بهره....
منيره.....ليش ساكته بس عرفتي تفضحينه وتنهبين
ما فكرتي بابوج اخوانج اشلون
يمشون بين الناس
جبتينه العار يا عار
انتي مو سالم مالج عليج ما فكرتي اشلون
نمت ويه جاسم وحبلتي بالحرام
انت الذبح بحگج گليل
بهره.... رديت ودموعي تجري
أنتم خليتوني اهج ويه جاسم
ما خيرتوني
.نجوى....اذا ندمانه اختارينه وعوفي جاسم
.....سكتت ونزلت دموعي
محتاره وخايفه
منيره... ولج هاي بربوك كحي...ه تضحك علينه جاي
فوك فضيحته تبكبك حتى ينكسر خاطرنه عليه
بهره ...فاض بيه الغل الحقد
الضيم كله بصدري يخنك بيه
هجمت على منيره
وجلبت بركبته خنكته
اول مره صرخت وبعدين
انگطع نفسه بس تهومي بصابيعه تضرب بوجهي
عضيت اصبعه يسنوني
حسيته انكطع وطعم الدم صار بحلكي
اللتمو الشرطه عليه وكوه خلصوها
مني اصبعه انكطع
لازمني الشرطي وهيه
ردتله الروح
وگامت تعد وتفشر عليه
...احس بعدني گلبي ما برد
هجمت مره ثانيه واللوح الترچيه واجرها واشرم اذانها واخلي الدم يصب
طلعوهن بعد ما بقن ......
الشرطي..... ولج انتي بلوه رجعني للسجن
وشمر الجنطه عليه
فتحت الجنطه لكيت ملابس وعبايه جايبتلي نجوى
كعدت بجيت لمن عيوني ورمن
هاي تاليتي
ظليت افكر بكلامهن
محتاره وخايفه بنفس الوگت
يعني لو اتهم جاسم صدك يسامحوني
وهذا البطني وين أودي
ولو رحموني يرحمو وهو ابن جاسم
وارجع الضيم منيره واخواني
مرن كم يوم
وهم نفس الشرطي اجاني وكال عندج زياره
خفت منو بعد يجيني
بهره.... فدوه منو جايني اخوي
الشرطي....
لا واحد اسمه حسن
كمت لبست عباتي ومشيت ويا النفس الغرفه
دخلت لكيت حسن ابن عمي
كاعد على الكرويته
تدنيت
حسن.... اشلونج بهره
كاله وهو يعاين بوجهي ويخزرني بكره
بهره.... واكفه كباله وبطني شكبرهه احاول ااضمها بعبايتي خجلانه
مثل ما تشوفني...
اعاين احواله متغيره امبين مرتاح بكعدته ابغداد
حسن.... عايني عليه زين وسمعي شنو اكول
أخوج محمد رايح جاي اباب السجن بس يريد يحصلج
ديري بالج تصدكين بحجي اختج ومنيره احنه عرفنه جاياتج هنا
احنه
وكلنه محامي يدافع عنج وعن جاسم
وصاحب المرحوم كامل عدنان خير الله
راح هم يدخل ويحل الموضوع
حتى يخففون الحكم
انت ابقى ويه جاسم احسن الج
والا محمد متحلف يذبحج
واحنه ما نعوفج لا تخافين
بهره... انه مدنكه واهز براسي
ما بيدي شي غير أوافق
خلص اني اعرف اذا رجعت
محمد يذبحني
من جاب طاري كامل انعصر كلبي
هذا هم انه السبب بموته
واجه موعد المحكمه اخذوني بسيارة الشرطه وجاسم هم
ودخلونه القاعه جبيره
اعاين اخوي محمود وسالم
كاعدين
من عيني اجت بعين اخوي محمود
خزرني
كاعدين حسن وسعد همين ويمهم واحد يكلب بأوراق ويسولف وياهم
تبين بعدين هو هذا المحامي
