شجرة الآثام

البارت الثلاثين

شجرة الآثام
بقلم (( امل مهدي ))
البارت الثلاثين
""""""""""""""""
المفروض اشكرك
علمتني درس....
صرت المحب والعدو ما فرقه
كل هذا وتفكر بعد نلتقي
ما نلتقي...
يم ربك الملتقى

يحيى العلاق

""""""""""""""""
اياد.....
عيشي وتعايشي
هاي قسمتج.....
اعاين بعيونه مشفت اخوي
شفت نظرات خبيثه بيها غدر ذيب
طلع وهو مبتسم وعيوني تتبعه
امل....نور منو كلج علي راح يتزوج عن قريب والكلام الحچيتي اصبح
....ها اياد گالي
....يعني شنو چذب
.....ما ادري بس هو گال وصلي هذا الحجي الامل...

ليش اتفاجأ مو اعرفه اياد
طول عمره اناني وماتهمه غير مصلحته
اشلون امنت وصدگت بي
فريده....اجو بيت ابو عدنان ياخذوج
ماكدرت اوكف جسمي كله يرجف احس رجليه ما يشيلني
ابوي شرط عليهم لازفه ولا طلقه ولا هوسه كاللهم
اخذوها وهناك ابداركم افرحو
وهمه ما صدكو اخاف يصرفولهم فلس زايد

اجت انوار وگفتني ونزلت البرگع على وجهي
....ما شبعتي بواچي دكافي
حضنتني
واجت ام علي هم حضنتني تبجي
امل...خاله انتي حچيتي ويه اياد
ام علي....فشلني وسدها بوجهي وما خلاني احچي البگلبي
من الله لا ينطي

عرفت اياد چذب عليه وستغل موضوع علي حتى يخليني اوافق

تدنت امي ولزمت ايدي تحاجيني
اللتفتت احس مثل الماخذيني للاعدام ويريد واحد يخلصه
للحظه حسيت اني محتاجته محتاجه جلمه تحسسني بيها هيه امي وگلبه وجعه عليه
بس هيهات......

بهره....جدامج چعب ووراچ....
انوار....جرت ايدي منه
عرفت راح تگوليها من عسى
عدوها بالتعب وشلعان الگلب
ابعدي منه ماكفاچ السويتي
تدعين عليها ياظالمه
وجرتني منها مرات استغرب
وكاحة انوار وجسارتها ويه امي رغم امي تستحق لان ما عدها ذرة حنان بگلبه اتجاهنه
بس هيه تشبه امي موبس بالشكل بالقوه والجساره هم

ما عدا انوار تحب اولادها وعيالها يحلفون باسمه على
الاخلاق الشايلته

بهره....
گح..ه من يومچ نويره

دخل عمي وعمتي ونرجس
يضحكون فرحانين اخذو بت الملاچ
چنت متعجبه يحجوها بوجهي بدون مستحه داخلين على طمع يصورون ابوي راح
يطيهم ماله وحلاله الخاطري

سياره وحده اخذوني بيه
همه والسايق ابو سعد نسيبهم

فرحانين يصفگون ويغنون
واني ابچي
وصلنه كلش قريبين علينه
دخلوني بغرفتي وراحن اخشاب مستعمله ومفروشه
اندفعت الباب ودخل رحمن
لابس قاط اسود
بعده ما حاجي
كلتله...

.....انه مجبوره عليك
......ميهم المهم انتي صرتي ابيتي
....ترضى تعيش ويه وحده ما تريدك
.....اي لا ترديني اهم شي انه اريدج
.....انته ما عندك كرامه اكلك ما ريدك
....ههههه
ضحك وراح نزع قاطه وصاح على اخته نرجس انطاهيا