الآثام الآثام
بقلم (( امل مهدي ))
البارت الثامن والعشرين
""""""""""""""""""""
مو انته كتلي اختلف عن اليحبونك
مو كتلي هذا الهوى ما اشتمه
من دونك
شو واصل مرحله تستنكف
من الحچي
تاشرلي بعيونك""""""""""""""""""""
اياد .....
اخذت نور والجهال وطلعت
صعدت بالسياره والفلوس عندي
اسمع صياح امي واصل للبستان
اياد باگنه ....اياد باگنه
وينك يجاسمالتفتت على نوره مخرمش وجها تعني انقهرت عليها لا انه راحمها ولا اهلي
واعاين على جهالي
اياد.....راح اشتريلكم بيت وحدكم
واريد اشوف واحد يحچيوديت نوره والجهال لهلها
وانه رحت ادور بيت حسبت
الفلوس الماخذهن ما يكفن بيت
افتريت عاملت على البيوت ما يكفن
ظليت اللوم بروحي هسه انه اخذت اخذت غير اخذ فردنوب حگ بيت
وفكرت گاع اشكبرها اعوفه الياسين ابو حلگ الجايف الحرامي لا والله...بعد اربعه ايام رجعت تلكاني ابوي
ولك تبوگني هاي تالي الربه والدلال قصرت وياك يلگو....د
تبوك ابوكجان يحچي ويفحط من الربو
وما عايف الچگاره بيدهاياد....اجيت گعدت اگباله
وحاجي بهدوء
انه مابگتك اخذتهن جدام الكل طلعتهن وخذتهن لان ماريد اكعد وياكم
شتريد اعوفلك الجمل بما حمل
حگ تعبي ياما اشتغلت بالكاع واعاونك بيهبهره......انته كل عمرك مدلل اليمته اشتغلت وتعبت
هاذ ياحگ التحجي عنه.....انتي لا تحجين انت اول وحده اني لازم احاسبج
بهره....وياي ولك يبن بطني
جاسم...رد فلوسي والا مالك كعده البيتي
.....وگفت انه كاعد حسبة جم يوم واشيل وغصبن ما عليكم
واريد اشوف واحد يحجيوتعديته وفتحت حجرتي وكعدت ثاني يوم رحت جبت الجهال وامهم كل
رحت اعاين كاعنه واخذ الركن
الثاني
شمره عن بيت ابوي وطلعت عمال وبديت ابنيجاسم ...السنه الفاتت المرض طاح بحلالي
صار واهسي بالكاع والحلال ما اعوفه يوم رغم مريض
زرعته بطيخ وجاوبت الكاع وقريب ما يستوي
صابته دوده والمحصول كله
عفن كاع ياطوله ياعرضهواگف واعاين تعبنه اني والفلح راح ابلاش
هاي ثاني موسم تغدر بيه الكاع واخسر
رجعت زرعته حنطه وعفت المخضر
ست اشهور اراعي بيه وتالي
وكع بيه فار زغار مالحكت
حتى الحاصوده
واعاين انه الجنت اصف اللوريات حنطه اسوق للسايلو
ما حصلت غير سياره وحدهانكسر واهسي بالزرع
والحلال السنه قليله ولادتته
اطلع بالبيكم افتر على الرعيان
كاعي جبيره
هاي السنين سميته سنين الخسارات
ورجعت هاي السنه بكل حيلي
ازرع وكافح
ماريد انكسر انه جاسم المايوم
لوتني الدنيا