
شجرة الآثام
الكاتبه ((امل مهدي))
البارت الثامن
************
ريح تاخذني لكتر
وتردني ريح...
كلشي ماكو
بكلشي ماكو
اعثر وطيح...
منصور البدر
************
منيره....
سهير فوتي وسدي الباب
سهير... اي سديت الباب وهم واكفين بعدهم
يعاينون عليه ماكدرت اگلهم
محمد مريض وإخوانه بالسنه حسنه يمرون ويسألون
شنو هلحقد شغله صارله سنين
وبعدهم يدورون ثارات
احنه بياحال...
جاسم.... حسيت تريد تگول شي
مرة محمد
حسن... انه هم هيج حسيت
سعد... يله امشونه سوينه العلينه
ما يردون صلح ما بلازم
جاسم... يله
اريد اشوف فوزيه گبل ما ارجع
حسن... انه اوديك اله
فوزيه... من انفقد باسر ظليت
عند أهله اربع شهور
ما تحملت عيشتهم خطاطير النهار كله وثلاث نسوان شدن وياي
گضيته عرك وتالي
رجعت لخوي حسن عشت عنده جم شهر
اني ومرته ما توالمنه
اخذت وليداتي واجرت بيت
راتب ابوهم وانه اخدم بالبيوت
النسوان العرف اگضيلهن شغل البيت واحصل هل الله قاسمه
وعايشين
جاسم...... اشلون حسن هاي اختنه الوحيده
هيج عايشه
حسن..... انه ما قصرت اجتني وكعدت ابيتي بس اختك ما تكعد راحه خلصته عرايك ويه ام ياسر وولدهه عرايك ويه ولدي شسوي
بعد
فوزيه.... ام ياسر الله يرحم اسكت... اسكت لا تخليني احجي
حسن... ها احجي شتردين تكولين
ما لبست ولدج
ما وكلتهم... كلتلج اكعدي معززه مكرمه حالج من حالنه
مو انتي المارضيتي
وحتى من طلعتي ما رضيت
بس انتي اسوين لبراسج
جاسم انه ما أكدر اخليج امشي وياي تعيشين ابيتي
وولدج اشغلهم وياي بالكاع
بهره.... دخل عليه جاسم وجايب ويا فوزيه
ابكلبي لا هله ولا مرحبه انه من زمان ما اطيقه انوب راح تكعد وياي ابيتي
فوزيه... اشلونج بهيره
بهره.... من أوله تره اسمي ام ياسين تذكري ولا تنسين
فوزيه..... اي ادري سوده عليه
جاسم اشكد حنين ما رضا يعوفني
انه ووليداتي
بهره... جا فوتي سبحي ولدج شنو
وين جنتو عايشين
فوزيه.....اعاين والله زمان صايره
حال اللبس اصفر يشع والذهب
تارس اديه والحجول يطكن برجليه
هاي البسبتها ماتت الزلم
من يومه ما تعرف غير نفسه
والله يا خويه
تبهذلت من راح ابوهم لليوم
جاسم.... ام خالد اعتبري البيت بيتج وانه مسؤل عنكم كلشي تحتاجي تطلبي مني
بأسر جان صاحبي وعزير عليه
ولو تالي گلب عليه
بس وكفاته ما انساهه
امل.... من ابوي كال هاي عمتكم تعالو سلمو عليه كلهم سلمو الا اني كاعده ابصف ابوي
وما تدنيت آله ما حبيته
ولده وصخين وشعرهم طويل
الزغير شويه اكبر مني اسمه انور
ظل يعاين عليه...
اني من خواتي يطلعن ينظفن ويه ام حمزه بيوت الحلال
هم اروح وياهم احب الحيوانات
ربيت خروف زغيرون عمره أشهر
وين اروح أخذه وياي ابيض وحلو
ولأن اني الزغيره جانو هواي يساهلون وياي اهلي
ودخله البيت يمي ونيمه وياي
ياما ابوي يلكانه نايمين ومتغطين سويه
ويامه امي تحمسني بالنعال من اشوف البعرور على الفراش
