الترياقُ و السُم

الـفـصـل الـثـالـث

لتبتسم عائشة و هي تذهب معاها و لكن تتوقف عندما يصطدم بها أحد و تقع أرضًا لتشهق يقين وهي تُساعدها علىَ الوقوف وما إن وقفت حتىَ جاءت إمرأة كبيرة في مثل سن شيماء تقول:
" جرا ايه يا حببتي هو انتِ عاميه ولا ايه "

لتنظر لها عائشة بهدوء لا تفهم لماذا تقول لها هكذا، ثم تقول:
" معلش بس فيه ايه "

لتقول المرأة بصوت مرتفع و غضب:
" هو انتِ كمان بتبجحي ده انتِ ليله ابوكي سودة "

و كانت تقترب منها تُريد جذبها من خمارها لتقول يقين بعصبية:
" جرا ايه يا ام صفيه "

لتقول ام صفيه:
" و انتِ مالك يا يقين "

لتقول يقين بحنق:
" هو ايه اللي انتِ مالك يوليه انتِ دي صحبتي"

لتلوي ام صفيه فمها و تقول:
" ايوه قولي بقااا ما طيور علىَ اشكلها تقع "

لتقول عائشة بعد فهم:
" فى ايه بس هو انتِ جاية تتخانقي
معانا ليه "

لتقول ام صفيه بصوت مرتفع:
" عشان انتِ واحده زبالة متربتيش و خطافه رجاله "

لتنصدم عائشة و تقول:
" اتكلمي باحترام و ادب لو سمحت "

لتقول يقين:
" بقولك ايه يا ام صفيه الشويتين بتوعك دول يا حبيبتي ميتعملوش علينا "

لتشهق ام صفيه و هي تضرب كفيها ببعض بطريقة شعبية:
" شوف البت بتزعقلي إزاي ما نقول ايه العيب مش عليكِ العيب علىَ اللي جابتك "

ليأتي صوت حاد يقول:
" و مالها اللي جابتها يا ام صفيه "

لتنظر له ام صفيه و هي تقول بحده و عصبية :
" معرفتش تربيها يا آدم "

ليبتسم آدم بسخرية يقول:
" معلش يا ام صفيه ما هي ربتنا علىَ الاحترام فـا مش هتلاقيني عارف ارد عليكِ بطريقك انا هسكت و هتغاضي بمزاجي عن الإهانة دي و هسألك سؤال واحد ايه سبب الشوشرة دي يا ام صفيه "

لتقول ام صفيه بحنق و هي تُشير علىَ عائشة:
" خطافة الرجاله دي اللي خبطت في جوزي عشان يبصلها و يهتم بيها بس علىَ مين انا خدت بالي وشغل السعوكة ورمي البلاء ده مش علينا اه  "

لتهز عائشة رأسها بالنفي بسرعة تقول:
"محصلش بطلي كدب هو اللي خبطني"

لتقول يقين بسخرية:
" حوش حوش علىَ اللي مفكره جوزها توم كروز  و بعدين اتسكفي علىَ دمك بقي دي هتخبط في جوزك ابو كرش عشان تخطفه منك؟! روحي يوليه اتغطي كويس "