الترياقُ و السُم

الـفـصـل الـسـابـع

كان يجلس بجانب اخيه و والدته ليقول بعدما تذكر شيء:
" صحيح يا حيدر هو الواد نجم ناوي يخطب مين متعرفش؟! "

لتقول مريم بسرعة:
" ايه ده نجم هيخطب اومال وفاء معرفتنيش ليه "

ليقول المعتصم بالله:
" هي نفسها لسه متعرفش ده هو قال كده قدامنا من يومين انه ناوي يخطب حد كده بس محدش يعرف مين "

ليبتسم حيدر بعدما ابتلع العصير الذي في فمه:
" البت يقين بس مش عارف يقول لـ آدم ازاي "

لتبتسم مريم بوسع تقول:
" هاين عليا اقوم ازغرط بس مينفعش عشان هقول للناس ايه "

ليضحك المعتصم بالله يقول:
" استني بس يا مريم و هو نجم خايف من آدم؟! "

ليبتسم حيدر و هو يحك ذقنه و يتصنع التفكير  يقول:
" ايوا خايف يقول عليه بيبص علىَ اخته مع ان المتخلف بيحبها من واحنا اطفال يعني "

لتقول مريم ببمسة:
" آدم مش من النوع ده يا معفنين و بعدين يقين نفسها بتحب نجم هل معني كده انا كانت بتبص عليه لا طبعا "

ليقول حيدر بسرعة بعدما نطقت والدته بما تقول:
" اوعي بقي يا مريم وانتِ عرفتي منين "

لتقول مريم بثقة و غرور:
" هو انا معنديش بنات بس يقين زي بنتي كده و هي قالتلي واحنا قاعدين مع بعض في مره و بعدين لما انتو الاتنين تتجوزوا مراتاتكم هيكونوا بناتي "

ليقول حيدر ببسمة:
" تعرف يواد يا معتصم امك عمرها ما هتعمل شغل الحموات اللي بنسمع عنه ده عليهم "

ليقول المعتصم بالله بضحكة:
" عشان امك دي طيبة "

لتقول مريم بينما تضرب كف علىَ كف:
" هما ييجوا بس الاول يا قلب امك انتَ و هو عشان باين كده مش هشيل احفادي خالص "

ليقف المعتصم بالله و هو يقول:
" ايه ده انا سامع ابوك بينادي انا هروح اشوف فيه ايه "

لتقول مريم بسرعة:
" ابوك في الصيدليه سايبين الراجل واقف تحت لوحده يا اوغاد بدل ما تنزلوا تقفوا معاه "

ليقول حيدر:
" احنا ملناش علاقة بالدوا احنا لو نزلنا هنديهم ادويا غلط و بعدين ما آدم بيروح يقعد معاه "

لتبتسم مريم بوسع و هي تقول:
" والله آدم ده ابن حلال و عسل كده صحيح اما اروح اكلم شيماء اصل لقيتله عروسة "

ليقول حيدر بغيظ و هو ينظر لـ اخيه:
" شوفت امك بتجيب عرايس لـ الناس و احنا لا "