مقولات الإمام الشعراوي
-الاستغفار ليس أن تردف الذنب بقولك: أستغفر الله.. لا، إن على الإنسان أن يردف الذنب بقوله: أستغفر الله، وأن لا يصر على فعل الذنب ...و ليس معنى هذا أن لا يقع الذنب منك مرة أخرى. إن الذنب قد يقع منك، و لكن ساعة أن تستغفر تصر على عدم العودة.
_ صلوا على الحبيب المصطفى صلى الله عليه وسلم 💚
___________________________________________
زي الدوا كده قبل قراءة الفصل تصوت للفصل نجمة حلوة كده ⭐ و بعد القراءة تعليق حلو كده
___________________________________________
وصل حمزة إلى الشركة و اتجه إلى مكتبه ليجد حسين أمامه ينظر له بغضب
حمزة : سحس ابن خالتي أخويا أكتر من يوسف خير يا أبو الصحاب في حاجة يا حبيب أخوك ؟
حسين بنظرات مرعبة : الساعة كام معاك ؟
حمزة بمزاح : واحدة و شايلة عيل هههههه
حسين : حمزة أنا مش بهزر
حمزة : تمانية و ست دقايق
حسين : معاد الشغل هنا الساعة تمانية بالظبط يعني الساعة تمانية تكون على مكتبك
حمزة : أولا أنا جيت في معادي بس البصمة بتاعة وكالة ناسا اللي شغالين فيها دي عمالة تقول try again يعني أنا لو مش شغال هنا في المخروبة دي إيه اللي هيصحي أهلي بدري و أسيب أحلى نومة
ثانيا بقى إحنا
حسين : مفيش وقت لخطبة حضرتك تعالى على قاعة الاجتماعات يلا ورانا شغل مهم ثم ذهب
حمزة : على فكرة إحنا شركاء اتكلم بأسلوب أحسن من كده أعوذ بالله قطب شمالي معانا في الشركة
ضحك صهيب الذي كان يستند على باب المكتب
صهيب : هههههههههههه على فكرة هو مشي معلش بقى يا حموزه قدرنا نستحمله يلا يا عم بدل ما نتبهدل
حمزة : والله الشركة من غيرك أنت و مازن و محمود و لا تسوى كان الواحد ولع فيها يلا قبل رجل التلج ما ياكلنا
في قاعة الاجتماعات
كان جميع المهندسين حاضرين فاجتماع اليوم مهم بشدة
حسين : الكل عارف إننا عندنا شغل كتير جدا و مهم و علشان كده الأسبوع الجاي هيبقى فيه ضغط شغل جامد و هنعمل مقابلات مع مهندسين جداد و أنا و الباشمهندس حمزة و الباشمهندس صهيب هنعمل المقابلات بنفسنا و هنختار أكفأ المتدربين اللي اتدربوا في شركتنا سواء في الفرع هنا أو أي فرع تاني أما بالنسبة لمشروع الكومباوند اللي مطلوب مننا فأحب أسمع اقتراحتكم عنه
صهيب : تقريبا كده أى كومباوند دلوقتي بقى نسخة من اللي قبله و مفيش حاجة جديدة نفس الخدمات و الإمكانيات و المرافق لازم نضيف حاجة جديدة تميزنا
أنت تقرأ
ربع دستة مجانين الجزء الثاني (لأجلك مجنونتي)
Humorعشنا من قبل مع أسرة ربع دستة مجانين و قد يكون الجميع شعر بأننا جزء منهم و الآن دعونا نكمل معهم جزء جديد من قصتهم هم و أولادهم و هل سوف يرث الأولاد صفات الأهل من الجنون و المرح أم سيكون لديهم صفات أخرى مختلفة
