ربع دستة مجانين الجزء الثاني (لأجلك مجنونتي)

part 12

سُئل علي بن أبي طالب رضي اللّٰـه عنه

: كيف كان حبكم لرسول اللّٰـه صلى اللّٰـه عليه وسلم؟

قال: "كان واللّٰـه أحب إلينا من أموالنا وأولادنا وآبائنا

وأمهاتنا ومن الماء البارد على الظمأ"

‏"إنَّ البرَكةَ لتَغْمُرُ العبدَ

بكثرَةِ صلاتهِ على النَّبيِّ" ﷺ

صلوا_عليه 🌸

آلُلَُّـہِــم صٍَلُِّ ۆَﺳَ̭͠ـــلُِّم  ۆَبَْآرِگّْ علُﮯ نَْبِْيَِّنَْـــآ  مُحٍمَّدِ

ۆِأّلَُـﮧِ ۆِصٌٍحٌٍبِْـﮧِ  أّجٍِمَعٌيَِّنْ ﷺِ

__________________________________________

السلام عليكم ورحمه الله وبركاته

وحشتوني جدا جدا و أنا بعتذر جدا جدا عن بارت يوم الجمعة و يوم الأحد بس حقيقي كنت تعبانة جدا حتى منزلتش الكلية و مكنتش قادرة اكتب خالص

البارت يمكن مش كوميدي بس فيه أحداث مهمة هتتبني عليها حاجات كتير قدام و من هنا الرواية هتاخد منعطف تاني خالص و بداية أحداث جديدة إن شاء الله تعجبكم

__________________________________________

في المساء

عاد باسم إلى البيت و هو يحمل الكثير من الأغراض و طرق باب غرفة جويرية فأذنت له بالدخول

باسم : ممكن نتكلم

جويرية ببكاء : باسم و الله أنا مكنش قصدي أنا

باسم : أنا آسف يا قلبي على اللي عملته بس و الله أنا كنت خايف عليكي بس من عصبيتي غلطت و مكنش ينفع أكلمك كده قدام البيت عبدالرحمن و جنة معاهم حق أنا أول مرة اعمل كده بس ده من خوفي عليكي إحنا في مجتمع بيلوم البنت على كل حاجة مجتمع المفروض إنه مجتمع إسلامي بس بينسى إن الإسلام ديننا العظيم و الرسول صلى الله عليه وسلم حثنا على حسن معاملة المرأة و الرفق بيها  و بيفتكروا بس ناقصات عقل و دين و خلقت من ضلع أعوج اخدوا من الحديث اللي بس يعجبهم و نسيوا الحديث كله
عن أبي هريرة رضي الله عنه، عن النبيِّ صلى الله عليه وسلم قال: ((... واستَوْصُوا بالنِّساء خيراً، فإنَّهُنَّ خُلِقْنَ من ضِلَعٍ، وإنَّ أعوجَ شيءٍ في الضِّلَعِ أعلاه، فإن ذهبْتَ تُقِيمُه كسرتَه، وإن تركتَه لم يزَلْ أعوجَ، فاستَوْصُوا بالنِّساءِ خيراً )). رواه البخاري ومسلم 

أنا حقيقي آسف على كل اللي عملته ثم امسك يدها و قبل مكان الجرح الذي سببه لها

جويرية بمرح : لأ لأ أنت مين أنت أكيد مش باسم أنطق أخويا راح فين قول فين باسم ؟

تحدث عبدالرحمن الذي كان يقف و يستمع للحديث

عبدالرحمن : فعلاً ده مش باسم أكيد شبيه له أخويا فين أنطق اعترف أنت مين ؟