ربع دستة مجانين الجزء الثاني (لأجلك مجنونتي)

part 10

إنَّ لنفسَكَ عليكَ حقاً
ومن حقوقها عليكَ ألّا تُهنها،
ولا تجعلها تمشي في دروبٍ لا تليقُ بها!
وأن ترفعها عن الزّائف من النّاس، والمُلوّث من العلاقات!
أن تُحمّلها فكراً تفخَرُ به، وتخوض ميداناً لو رآكَ فيه النّبيُّ ﷺ لابتَسَمَ!
أن تُوردها موردَ النقاء، فيكون ظاهركَ كباطنك،
وتضعَ رأسكَ على وسادتكَ آخر الليل وكل شيءٍ فيك مطمئن
لا شيءَ يعدلُ الطمأنينة، لا شيء!

صلوا على الحبيب المصطفى صلى الله عليه وسلم 💚

⭐ و تعليق حلو كده علشان أنا حقيقي كتبت البارت و أنا تعبانة جدا
___________________________________________

كانت جنة تتحدث في الهاتف مع جويرية

جنة : و الله أنا خايفة يا جوري أنا جيت الصبح مكنش له أي أثر تفتكري خالتي فكرية قتلته

جويرية : متكبريش الموضوع يا نوال تلاقيها علقة سخنة زي كل مرة كام كدمة على كام خربوش متقلقيش

جنة : ربنا يستر بقى

دخلت أسيل و نادت جنة فسيارة الشركة تنتظرهم بالأسفل حتى يذهبوا للمشروع الجديد

جنة : تمام يا أسيل جايه أهو سلام دلوقتي يا جوري

جويرية : سلام يا قلبي

اخذت جنة حقيبتها ثم نزلت لتجد رفاعي يجلس على أحد المقاعد و حالته يرثى لها

فقد كان يلف رأسه بالشاش و وجهه مملوء بالكدمات و ذراعه مكسورة و الذراع الأخرى ملفوفة بالشاش

جنة : عم رفاعي كويس إني شوفتك يا راجل خضتني عليك ده أنا قعدت أفكر إيه اللي حصل معاك لدرجة إني منمتش لمدة خمس دقايق كاملة

رفاعي بغيظ : تثلمي يا أميرة

جنة : أنت بتتكلم كده ليه ؟

رفاعي : أثل أنا تنك يلا ربنا على الظالم

جنة : اللهم آمين

رفاعي : ربنا على المفتري

جنة : اللهم آمين

رفاعي : منه لله اللي كان السبب

جنة بفزع : كده يا عم رفاعي

رفاعي : أقل حاجة أعملها

جنة : حرام يا عم رفاعي حرام تدعي على نفسك

رفاعي بغضب : نفثي أنا بدعي عليكي انتي

جنة بدهشة : أنا ليه أنا عملت حاجة ؟

رفاعي : خالث يا نثمة يدوب بث أخدت تثع غرز في راثي و دراعي مكثور و وثي متثلفط خالث

استغربت جنة من طريقته في الحديث و لكن لاحظت أن أسنانه الأمامية مكسورة

جنة بضحك : هههههههههههه شوف إن بعض الظن اثم و أنا اللي كنت فاكرة إنك بتتكلم بتناكة طلعت ظالماك إيه اللي حصل في أسنانك ده ؟