ربع دستة مجانين الجزء الثاني (لأجلك مجنونتي)

part 4

السلام عليكم ورحمه الله وبركاته
يمكن البارت مش طويل بس فيه أحداث مثيرة و هيبقي بداية تحول في حياة الأبطال هو و البارت الجاي و هتبدأ قصص ثنائيات تتشكل و اتمنى تكتبولي توقعات عن الثنائيات اللي ظهرت و اللي هتظهر

_ صلوا على الحبيب المصطفى صلى الله عليه وسلم 💚

___________________________________________

في صباح يوم جديد في حياة أبطالنا اتجه الجميع إلى عمله

اتجهت جنة إلى القرية السياحية لأخذ مجموعة من الصور للقرية

عدي : أهلا يا باشمهندسة نورتي

جنة بعملية : أهلا بحضرتك أنا كنت جاية علشان الصور زي ما اتفقنا و محتاجة كمان شوية معلومات من حضرتك

عدي : تحت أمرك اتفضلي

أخذت جنة الصور و المعلومات التي أرادتها ثم شكرت عدي و انصرفت فبقي يومان فقط أمامها لتسلم التصاميم

اتجهت جنة إلى الشركة بعد ذلك

في الشركة

كان باسم قد وصل منذ ساعة و سأل عن جنة فأخبرته أسيل أنها لم تصل بعد فطلب منها أن تعطيه خبر فور وصولها الشركة و أن تجعلها تأتي له

بعد مدة وصلت جنة إلى الشركة لتجد أسيل في وجهها

جنة : اييييه بسم الله الرحمن الرحيم حد يظهر فجأة كده

أسيل : كنتي فين يا جنة ؟ الباشمهندس باسم سأل عليكي ألف مرة من ساعة ما وصل

جنة : أعوذ بالله من غضب الله اللهم لا اعتراض يارب ماشي هروح أشوف دعوة أمي عليا يوم ما اشتغلت عنده أعطني الصبر يا إلهي ثم ذهبت إلى مكتبه

جنة : أيوه

باسم بغضب شديد : انتى فاكرة نفسك شغالة فين في زريبة و لا وكالة من غير بواب الشغل هنا له مواعيد يا آنسة و المفروض تلتزمي بها مش تصحي براحتك و بعدين تبقي تيجي على مزاجك

جنة : اسمع بقى أنا جبت آخري منك الزم حدودك معايا
أنا مش جارية عندك أنت اه مديري بس تلزم حدودك و تحترم نفسك و تختار ألفاظك و أنت بتتكلم معايا مش تتكلم بأسلوب حقير كده و أنا يا بيه مكنتش نايمة و لا قاعدة بلعب لأ أنا روحت القرية السياحية علشان الصور
و المعلومات اللي ناقصة علشان التحدي الزفت ده خليني أخلص بقى و صدق بالله أنا صحيح عايزة افوز بالتحدي ده علشان أعلمك إزاي تحترم غيرك بس حقيقي أنا مش طايقة اشتغل معاك

باسم : أحترم غيري أنا مش هرد عليكي لمجرد إنك بنت

جنة بسخرية : لأ جنتل

باسم : و لما انتى مش طايقة تشتغلي معايا اتفضلي يلا من الشركة و أهو ترتاحي و تريحي

جنة باندفاع : ليه كانت شركة أبوك