ربع دستة مجانين الجزء الثاني (لأجلك مجنونتي)

part 30 - الأخير

صلوا على الحبيب المصطفى صلى الله عليه وسلم 💚

طبعا زي آخر كل رواية هفكركم إن محدش فينا كامل و الرواية كانت مجرد حاجة حبيت أوضح فيها جوانب بسيطة جدا من ديننا العظيم و أد إيه هو فعلاً عظيم
و دايما الهدف من الرواية بيكون إني افيدكم لأن كلكم اخواتي

بس اقبل ما اترككم مع الفصل الأخير حبيت بس اتذكر معاكم بطل لسه حكايته مفتوحة و هو جاسر الهواري من رواية عمارة الفنانين علشان كده عملت نوفيلا علشان نكمل قصته النوفيلا اسمها حلوتي الحارة و إن شاء الله تعجبكم و هيكون فيها كوميديا جميلة و جوانب إجتماعية و إن شاء الله تستفيدوا منها اترككم الآن مع الفصل و ألقاكم يوم الخميس في أول فصول النوفيلا لنخط معا قصة جاسر الهواري
___________________________________________

كان نائما بعد أن أدى صلاة الفجر و جلس يتلو القرآن إلى شروق الشمس ليصلي الضحى و ينام فاليوم هو يوم إجازته و يريد أن يرتاح قليلاً من عناء العمل فضغوطات العمل زادت تلك الفترة فقد أصبحت الشركة الأولى عالميا و تضاعف عدد العملاء

سار على أطراف أصابعه إلى أن اقترب من السرير و صعد عليه بخفة ليشغل نغمة الشرطة بأعلى صوت فنهض والده بفزع و غضب بينما هو ركض بسرعة للخارج

باسم بغضب و صوت عالي : اه يا حيوان و الله ما أنا سايبك عااااابد يومك خلص

ركض بسرعة خلفه إلى أن خرج إلى حديقة القصر

باسم : بقى تعمل فيا المقلب ده إيه مفيش إحترام لأبوك يا كلب السكك أنت

عابد : أيوه ما أنا الحيطة المايلة هنا مراتك تبهدلني و أنت تبهدلني و أعمل فيها ولي أمر لولاد أعمامي و في الآخر مش عاجب إيه الأهل دول بس يا ربي بص أنا مليش دعوة مراتك هي اللي قالتلي روح طلع زهقك عليها هي أنا شوية كمان و هسيب البيت و أروح عند جدي باسم أحسن من الغلب ده

عاد عابد إلى داخل القصر و صعد إلى غرفته بينما باسم ظل ينظر في أثره و علامات الدهشة جلية على وجهه

باسم : ده عيل عندة سبع سنين أمي معاها حق اللي عملته فيها هي و أبويا بيطلع على جتتي

دخل باسم إلى القصر و اتجه إلى المطبخ ليجدها تقوم بإعداد طعام الفطور

جنة : إيه يا بيسو أنت صحيت دلوقتي غريبة مش قولت هتصحى قبل صلاة الجمعة بساعة ده الساعة لسه تسعة

باسم : أصل في حد كده قلق منامي

جنة بدهشة مصطنعة : يا ساتر يارب مين ده ؟

باسم : ابنك

جنة : أيوه كده قول قول دلوقتي بقى ابني لما يتكرم في المدرسة و لا يفوز ببطولة يبقى ابنك و تتفشخر بيه لكن لما يعمل حاجة مش على هواك يبقى ابني أنا مهو لو الولد عامل حاجة كويسة يبقى طالع لأبوه لكن لو عمل حاجة وحشة يبقى زي أمه ما هي أمه معرفتش تربيه مش كده مجتمع ذكوري عنصري صحيح