البارت كان هينزل بدري بس أنا رجعت البيت الساعة ٧ مساءا من الكلية معلش الجدول مزدحم جدا
__________________________________________
قال أبو الدرداء رضي الله عنه : لكل شيء جلاء، وإن جلاء القلوب ذكر الله – سبحانه وتعالى -.ولا ريب أن القلب يصدأ كما يصدأ النحاس والفضة وغيرهما، وجلاؤه بالذكر. فإنه يجلوه حتى يجعله كالمرآة البيضاء، فإذا تُرِكَ الذكر صَدِى القلب، فإذا ذكر العبد ربه جلاه.وصدأ القلب بأمرين: الغفلة والذنب ..وجلاؤه بشيئين: الاستغفار والذكر.فمن كانت الغفلة أغلب أوقاته، كان الصدأ متراكبًا على قلبه، وصدؤه بحسب غفلته، وإذا صدئ القلب، لم تنطبع.
-صلوا على الحبيب المصطفى صلى الله عليه وسلم 💚
__________________________________________
دخل ثلاثتهم إلى الشقة قرابة الساعة السابعة صباحا
ليجدوا البيت نظيف كما توقعوا فكل أسبوع يتم تنظيفه بالتناوب بين الجميع فهم يعشقون تلك الشقة التي كانت دائما تجمع الجميع في جو يسوده الحب و البهجة
جويرية : الشقة نضيفة بس عايزة شوية ترويق يلا يا حبايبي يلا يا حلوين كل واحد كده يدخل يلبس اعفن طقم عنده و يطلعلي علشان ورانا شغل
باسم : مليش فيه عبدالرحمن عندك أهو
عبدالرحمن : هو عبدالرحمن الفليبينية و لا إيه ده أنا الكبير يا شوية أوباش
جويرية : بقولكم إيه كلنا هنضف سوا و أنت يا سي باسم أولنا علشان تتقمر أوي
باسم : نجيب حد ينضفه
جويرية : هو ده اللي قولته لماما إننا نعتمد على نفسنا
باسم بضيق : ماشي هدخل أغير و اجي
جويرية : ماشي بس اعفن طقم عندك بلاش البيجامة القطن اللي اتضايقت عليها أوي دي
ارتدت جويرية جلباب و ربطته و رفعت أرجل البنطلون و جمعت شعرها على شكل كحكة و غطته بحجاب لفته قمطة حتى لا يتسخ شعرها
بينما ارتدى عبدالرحمن تيشيرت بنصف كم و بارمودا و باسم ارتدى تيشيرت بنصف كم أيضا و شورت يصل إلى الركبة
جويرية : من أولها كده كله يغطي وشه علشان التراب
و أنا هبتدي كنس الأرض و عبدالرحمن ورايا بالمسح و أنت يا بيسو يا حبيبي تنفض الفرش و تنضف البلكونة شوفوا أنا حنينة إزاي
عبدالرحمن : هو أنا ليه دايما اتدبس في المسح ؟
جويرية : يا ابني أنت وصلت ليفل المسح يعني ليفل الوحش باسم لسه المستوى الاول يلا اتكلوا
بدأ الجميع بالتنظيف و بعد ساعة كانوا قد انتهوا
عدّلت جويرية من وضع الجلباب و الحجاب ثم اخذت جردل المسح و اتجهت إلى البلكونة لتلقيه و لكن تعثرت في شئ فبدل أن يسقط الماء للأسفل و سقط في البلكونة المجاورة لهم و لم تكن فارغة أو لم يسقط على الأرض بل سقط على شخص خرج يرى سبب تلك الدوشة من الصباح الباكر و لم يكن هذا الشخص سوا مالك
أنت تقرأ
ربع دستة مجانين الجزء الثاني (لأجلك مجنونتي)
Humorعشنا من قبل مع أسرة ربع دستة مجانين و قد يكون الجميع شعر بأننا جزء منهم و الآن دعونا نكمل معهم جزء جديد من قصتهم هم و أولادهم و هل سوف يرث الأولاد صفات الأهل من الجنون و المرح أم سيكون لديهم صفات أخرى مختلفة
