ربع دستة مجانين الجزء الثاني (لأجلك مجنونتي)

part 27

عن عبد الله بن مسعود -رضي الله عنه- قال: (سَأَلْتُ النبيَّ صَلَّى اللهُ عليه وسلَّمَ: أيُّ العَمَلِ أحَبُّ إلى اللَّهِ؟ قالَ: الصَّلاةُ علَى وقْتِها، قالَ: ثُمَّ أيٌّ؟ قالَ: ثُمَّ برُّ الوالِدَيْنِ، قالَ: ثُمَّ أيٌّ؟ قالَ: الجِهادُ في سَبيلِ اللَّهِ، قالَ: حدَّثَني بهِنَّ، ولَوِ اسْتَزَدْتُهُ لَزادَنِي)

_ صلوا على الحبيب المصطفى صلى الله عليه وسلم 💚

___________________________________________

هاني بدهشة : مالك

مالك : إيه غريبة مش كده افتكرت إني مش هعرف أنت مين لمجرد إنك كنت مخبي وشك و إن محدش هيقول إنك مين علشان خايفين عليا مش كده
ياه عشرين سنة و أنا منتظر اليوم ده دورت عليك كتير أوى دخلت البحرية علشان أدور عليك صحيح كنت فاكر إن آدم البحيري هو السبب بس عرفت كل حاجة عرفت اللي عملته في أهلي و في آدم البحيري و في عائلتنا كلها

هاني ببرود : بجد طيب كويس عارف أنا مرضتش أموتك
أنت و أخواتك اليوم ده بس شكلي هعملها دلوقتي
يبقى أنت و هما الاتنين لو مريم كانت عايشة دلوقتي كان زمانها بتبكي و تتوسل ليا علشان أسيبك تعيش و لا أبوك اللي اتحمل كل الضرب علشان خاطركم مات راجل

ضغط مالك على يده بقوة و هو يتذكر ذلك اليوم كأنه كان بالأمس تذكر دموع والدته و رجاء والده تذكر بكاءه و هو طفل لا يفهم سبب كل ذلك و لا يدرك أي شيء
تذكر كيف تدمرت عائلته و أحلامه في لحظة واحدة

هاني : رمزي خلص عليه هو كمان

و قبل أن يرفع رمزي مسدسه كان مسدس مالك في رأس ياسر بينما رفع شخص آخر سلاحه على هاني

هاني : أوليفيا انتى اتجننتي أنا عمك

أوليفيا : أماني اسمي أماني الإسم اللي اختاره بابا مش الإسم و الهوية اللي حبستنا فيها بعد ما قتلت بابا و عائلتنا أنت الموت أقل عقاب يك

مالك لياسر : فكهم يلا

تحرك ياسر بخوف و فك الحبال عن جويرية و جنة

مالك : جويرية خدى جنة و اخرجوا يلا

جويرية : و أنت هتعمل ايه ؟

مالك : ملكيش دعوة أنا ليا حق و لازم اخده

جويرية : مالك أنا مقدرة شعورك بس علشان خاطر أخواتك البنات هما مبقاش لهم حد غيرك لو حصل لك حاجة مش هيتحملوا

جنة : جويرية معاها حق سيب العدالة تاخد مجراها

مالك : العدالة كانت فين العدالة لما قتل أهلي و خلاني أنا و أخواتي أيتام لأ يا جويرية مش هسيبه

جويرية : و أنا مش هسيبك يا إما تتسجن أو يحصلك حاجة و مش همشي من هنا و أسيبك تضيع نفسك

مالك : قولتلك امشي