- صلوا على الحبيب المصطفى صلى الله عليه وسلم
- دعواتكم لأهلنا في فلسطين 🇵🇸
__________________________________
دخل إلى الغرفة بهدوء و بدأ يقترب من السرير حيث يرقد هو و الأجهزة متصلة بجسده
نظر إليه للحظات و إلى الأجهزة المتصلة به ثم اقترب أكثر و نادى عليه
" يا دكتور يا دكتور "
نظر له بضيق ثم نادى مرة أخرى
" يا دكتور يا دكتور اصحى عندك
عملية "
استيقظ بغضب و قام بنزع قناع الأكسجين
" فيه إيه يا سعيد الواحد ميعرفش يرتاح في المستشفى دي "
" يا دكتور عندك عملية مهمة "
" يعني هو مفيش غيري في المستشفى ما تروح لقاسم ولا رامي ولا سهيل "
" يا دكتور مفيش غيرك فاضي و ده وقت النبطشية بتاعتك و دكتور قاسم عنده عملية و دكتور رامي روح من شوية و دكتور سهيل بيمر على المرضى "
" ماشي جاي أهو اصبر شوية ألا يجيلي لطشة برد "
" يا دكتور لطشة برد إيه المريض هيتصفى لازم يدخل العمليات "
" ما يدخل هو أنا مانعه روح قولهم يدخلوه و أنا خمسة و جاي جسمي فاكك من النوم و لو قومت دلوقتي خطر "
" يا دكتور الله يسترك قوم الراجل هيموت و المدير هيبهدلني "
" يعني علشان الراجل يعيش أنا أموت أنا لو قومت دلوقتي هيبقى خطر عليا ضغط دمي مش ثابت "
" طيب أجيب لحضرتك كركديه "
" أنت عايز تموتني يا سعيد يعني نايم فضغطي منخفض عايزني أشرب كركديه علشان يجيلي هبوط و أموت عايز تموتني يا سعيد كنت جوز أمك أنا و لا إيه "
" لأ يا دكتور بعيد الشر عنك ممكن حضرتك تقوم بقى "
" مصمم بردو هو المريض قريبك و لا إيه ؟ ماشي هقوم بس لو جرالي حاجة هنفخك "
نهض بهدوء و قام بفرد ذراعيه و تثاءب بكسل ثم تحدث و هو يفرك شعره
" دخلوه أوضة العمليات هتعقم و ادخل يلا "
اتجه إلى غرفة التعقيم و منها إلى غرفة العمليات
" إزيكم يا جماعة عاملين إيه ؟ إحسان إزيك أخبارك إيه مع مرات إبنك ؟ هاه دبحتي لها القطة زي ما قولتلك ؟ "
" تسلم يا دكتور ماشية زي الألف "
" و أنت يا رابح عملت إيه مع مراتك ؟ طلبتها في بيت الطاعة زي ما قولتلك ؟ "
" طبعا يا دكتور و اتربت خلاص "
نظر سعيد له بضيق فالرجل ينزف و هو يرغو و يزبد مع الجميع
أنت تقرأ
ربع دستة مجانين الجزء الثاني (لأجلك مجنونتي)
Humorعشنا من قبل مع أسرة ربع دستة مجانين و قد يكون الجميع شعر بأننا جزء منهم و الآن دعونا نكمل معهم جزء جديد من قصتهم هم و أولادهم و هل سوف يرث الأولاد صفات الأهل من الجنون و المرح أم سيكون لديهم صفات أخرى مختلفة
