الجزء / 3
شفت نفسي بالحلم واكفة بحديقه جبيرة وبيها اطفال ايلعبون واكو شخص واكف وايباوع على هاي الاطفال ما شفت بس ظهرة ومخلي اديه ورى ظهرة بس امبين من وكفته شخصيه
اجيت امشي ورى لحد ما اتقربت منه ردت احاجي وفزيت من الحلم على صوت البنات
نورس / اوف شبيجن ماتخلن الواحد اينام حتى الحلم طيرتنه لو بس ثواني عايفاتني جان عرفته منو
رونق / عيني ومنو هذا الي تردين تعرفي شو بله كومي لا واحد ايسمعج
نورس / اهوو حتى الاحلام ممنوعه
رونق / لا ما ممنوعه بس يله انريد نرجع للبيت عدنه دوامات وكلشي ماقارين
للضهر سلمنه عليهم ورحنه للبيت بس شنو طول اليوم اني بالي مشغول بهذا الحلم اتمنيته حقيقه كل شوية واذكر وكفته واتخيل شكله شلون راح يطلع اكيد حلوا بس شيصير لو اصير حقيقه واكدر التقي بأنسان اشوف بي الدنيا
مشت الأيام والأشهر واجت عطله اخير السنه لحينه على ابوية حتى ياخذنه للسوك
واحنه جاي نفتر بالسوك ونشتري غراض وما شوف الا عيني لمحت محل اصغير بيه رجال جبير يطلع عمرة بالستينات ولابس نظارات وتوة مفتح المحل والمحل عبارة عن كتب بس هوسه صايرة الضاهر جديد بالمكان
اني رجليه بدون وعي ودتني يمه ضليت اباوع على الكتب واكلب بيهن
هو من شافني هيج ضحك وكال العصفورة شسمها ؟
نورس / ها ؟ اسمي نورس
الرجال / واني اسمي ابو وسام . اسف لان المكان هوسه صارلي يومين من فتحت بس المكان صغير وما جاي ايكفي
نورس / لا بالعكس الضاهر عندك كتب حلوة
ابو وسام / اي اكيد وحتى اذا ماعندي اجيبلج الي تردينه
بهذا الاثناء وابوية اجه بسرعه بس خايف عليه وضايج
ابو نورس / ضل بالنه عليج ليش هيج اختفيتي
نورس / اسفه شفت المكان واجيت بدون ما اكللكم
ابو نورس / ها لكيتي كتب بعد شيخلصنه يله اخذي الي تردينه
ابو وسام / شنو اتحبين تقرين ؟
نورس / بصراحه ماعرف شنو اختار بس اني احب اقرة كلشي بس اكثر شي الروايات الخياليه والمغامرات
ابو وسام / فهمت عليج لعد اخذي هاي ( رواية الخيميائي ) متأكد راح تعجبج وانصحج تقرينها يله تشترين غيرها
نورس / بس اني مو دائمآ اطلع لذلك اريد اكثر من كتاب
ابو وسام / مو مشكله اي واحد دزيلي بيده رساله واني اعرف شنو ادزلج
نورس / شكرآ عمو اتشرفت بمعرفتك .
خليت الكتاب على كلبي بس ليكول مو كتاب ليكول كنز
وطول الطريق سرحانه بخيالي واكول كون اكدر اروح واجي براحتي جان اشتريت كل الي يعجبني وابو وسام حسيته انسان طيب وحباب بشكل اتمنيت لو عندي مجال اكثر اسولف ويا حسيته متفهم اكيد هاي الكتب هو كلهن قاريهن واذا مو كلهن نصهن
ضليت على هذا التفكير بيومها حسيت نفسي راح يجي اليوم الي اصير بي كاتبه واحتمال ابو وسام هو الي راح ايساعدني بهذا الشي
بعدها باسبوعين كملت الكتاب ووصيت ابوية وانطيت بيدة رساله بيها سلام لأبو وسام وطلبت منه ينطيني كتاب على ذوقه لأن الروايا الي انطانياها رواية الخيميائي فادتني وضافتلي هواي معلومات
ومن رجع ابوية العصر جابلي كتاب فرحت هواي بي بس الفرحه الأكبر بالخبر الثاني وهو ............
أنت تقرأ
الرجلُ ذو العطر المميز 🤍
Romanceقضت اجمل ايام حياتها تبحث بين طيات الكتب عن تلك الشخصية التي تشكل معها اجمل ثنائي ليصبحان شخصيات رواية حقيقية تترجم على صفحات ذهبية اجمل المواقف والمشاعر التي يتمناها الجميع ان تحصل معه . وكما قيل لكل مجتهد نصيب وها هي نورس تصارع المصائب التي حلت ع...
