الرجلُ ذو العطر المميز 🤍

الجزء 2️⃣2️⃣

الجزء /٢٢

سلام / شوفي عمج خلي اسولفلج باقي حقيقته

وسحب السلاح وخلا براسم عمي ابو قاسم وضل يستجوب بي كدامي

سلام / اني سلام ابن الشيخ اخو الشيخ الي انت قضيت على حياته وحياة زوجته وابنه الي الي ما لحك يفرح بي وبعدها زوجته الي ماتت من القهر بعدهم
اني سلام الي شفت ابوية كل يوم يبجي ويتخسر على موت اخوا وشلون فقدة وفقد هيبته كدام الناس
اني سلام الي كل يوم احلف واتوعد واكتلك بخيالي الف مرة حتى يبرد كلبي بس هم ما برد
اني سلام الي كرست دراستي ونفسي حتى اصير ضابط وجبت اسنين من عمري حتى اوصلك بس انت ما تعبتني وشاء القدر ايخليني ضابط وانت تاجر اسلحه فوك كل مصايبك
ها هسه عرفتني زين ؟ بعد ما حاجه اعيد عليك

وانتي نورس لازم اعرفج على عمج اكثر
بعد ما سويت كل البحث والمجموعه الي وياي لكيت عمج ما مكتفي بالسلاح وبس لا عمج الزعيم ايتاجر بالنساء هم والبنات الجانن محبوسات وياج هذني اني نقذتهن من بين ادين عصابته وخليتهن هنا حتى احميهن منه وقبل يوم سلمتهن لأهاليهن اما باقي البنات فالصبح لكوا مقرهن واقتحموا قواتنه ولكوا بي اكثر من 10 بنات مخطوفات
ها شنو رأيج ؟ ها بس للأمانه باقي عمامج ملفهم نظيف وحتى والدج بس عمج قاسم وابنه قاسم همه المتورطين اما الأخ سجاد فهذا متعاون وياي ويعرف بالموضوع بعد ما اكتشف جرايم عمه

نورس / يعني اني عمي مجرم لهاي الدرجه وهسه يله ندري ؟ اذا احنه بنات وما نطلع انتم الولد شبيكم

سجاد / نورس اقسملج اني قبل اسبوع يله دريت واذا عمنه مجرم فلازم نتقبل الواقع

نورس / وانت يا عمي القدوة او لا لازم اصيحلك الزعيم بعد انت المجرم وبسببك مات ابوية انكتل بسببك شنو تكدر اتعوضني عنه

هنا ضليت اصرخ بعمي وابجي بس سجاد لزمني وبعدني عنه وضل ايهدي بيه

سجاد / نورس ، نورس ، اهدي ولج منو كلج والدج مات؟

نورس / سلام ، كال صوبوا شخص واني الي اذكرة والدي هو الي اصوب

سجاد / مو صحيح عمي نقلنا للمستشفى بعد الحادث وصحته كلش تمام وحاليآ هو بخير ولا واحد مات عبارة عن اصابات فقط كافي اهدي

نورس / تحجي صدك لو اجذب

سجاد / صدكيني ما اجذب عليج شنو انتي صغيرة لو اني مو عيب هيج تحجين وياي

ورة شوية اجت دورية وخذت عمي ابو قاسم وابنه للمحاكمه
واني وسجاد رجعنه للبيت حتى اشوف اهلي واطمئن عليهم

وفعلآ كلام سجاد طلع صح محد ميت والخبر الي وصل الي مات مو النه هذا واحد غريب والخبر واصل للضابط سلام غلط

رجعت بين اهلي وناسي وعائلتي شكد مشتاقه لجمعتهم وشوفتهم وحتى ريحتهم بعد كل الي صار واهلي وعمامي طلعوا مصدومين بعمي ابو قاسم مثل ما اني مصدومه بي رجعت حياتنه الطبيعية بس جنه بقلق دائم واحنه ننتظر شنو الحكم الي راح يصدر بحق عمي وابنه بعد مرور شهر من التحقيق وياهم اجه يوم اصدار الحكم

محكمه ........

حكمت المحكمه بالمؤبد على عمي اما قاسم فحكموا 15 سنه لان قضيته اخف من ابوا

هذا حق الناس الي هدموا حياتهم والحق لازم يضهر ويانه او علينه

بعد ايام من الحكم وصلنه خبر انتحار عمي وهو داخل السجن اما قاسم من سمع بالخبر فعقله استخف وشبه اتخبل وبعدها طلعوا وخلوا بالمصحه العقلية ايعالجون بي بس بدون اي فايدة
صح بيت عمي ابو قاسم انهدم بس كله من ايدة واستخفافه بحياة الاخرين والابرياء كم من سلاح وطلقه وعركه ولحضه غضب دمرت عوائل وحطمت كل احلامهم من جيل لجيل

بعدها بسنه الكل رجع لحياتة الطبيعيه وحتى بيت عمي اما اني فقررت اعتزل موضوع الزواج وصار اخر همي وحتى سجاد اتفهم وضعي ونسه النوضوع

وكدرنه نقنع والدي ايخلي خواتي ايكملن دراستهن وفعلا وافق وصرنه عائله تمتلك حرية كامله اما اني فقررت اكمل خارجي واحقق حلمي الي طالما اتمنيت احققة وهو انو اصير كاتبة وقررت ارجع افتح المكتبة الي سويناها بس هالمرة صارت ملكي وحدي واروح واجي براحتي والتقي بكتاب والف كتب محد ايقيد حريتي بعد
ما دام الانسان يمشي صح محد يكدر ايأذي ولا بشعرة

وبيوم من الايام فاتحه المكتبة والناس تروح وتجي الشباب بنات وي ولد ناس مثقفه واتحب الكتب واتقدرها

جنت كاعدة على المكتب وجان ..........