الجزء / 4
ابوية حاجي وي ابو وسام علمود المحل وكايله صغير وما جاي ايفيدني وطموحي اسوي مكتبه يعني مشروع مطور هم ايبيع كتب وهم بي مكان للقرأة وابوية اقترح علي انو انأجرله مكان عدنه عبارة عن مساحه راد يستغلها بمشروع بس بعدين انلغه وهذا المكان قريب من المزرعه
بس المشكله ما علي اقبال قوي لأن لا يمه جامعه ولا بمكان تجاري اكو بس مدرسه ثانوية صايرة على طريقه
رغم ذلك لكن هو وافق وعجبه الأقتراح حيل واتفقوا بنهاية الاسبوع يستلم المكان
اني هنا فرحت اكثر من ابو وسام واخيرآ راح ايصير اكو مكتبه جبيرة وقريبه من بيتنه ياريت هذا الشي ايصير اليوم قبل باجر
مشت الايام وعدة اكثر من اسبوعين لحد ما كمل مشروع ابو وسام اما اني فحيل متحمسه حتى اشوفه بس ياترى راح ايخلوني اروحله شوكت ماريد لو راح ايرفضون مثل مارفضوا دراستنا وخلونه ما نكمل حالنا حال الناس
لحيت على ابوية هواي بس جان عندة شغل فما كدر ياخذني كلي ادز واحد من ولد عمج هو ياخذج تشترين الي تردين وتجين اني مارفضت المهم كان عندي اروح
وثاني يوم الصبح الساعه ب9 نزلت من الدرج ولكيتهم يتريكون بالمطبخ
ام نورس / ها خير اول مرة تكعدين بدون ما اصيح واطك بلاعيمي
نورس / لا ماكو شي بس حسيت نفسي شبعانه نوم فكلت اكعد المن اطول بالنوم
ام نورس / ها على اساس انتي ما متفقه وي ابوج على روحه المكتبه الي ما ادري منين طلعتلنه
نورس / يا مكتبة ؟
ام نورس/ لتكثرين بالحجي ابن عمج سجاد شوية ويجي ياخذج
رونق / لو تزوجين هالسجاد مو احسن وبراحتج وين ماتردين ياخذج
نورس / لو ايضل اخر واحد بالدنيا هالمتكبر منو يتحمله
رونق / اكيد انتي الي تتحملي قابل اني وين يلكه وحدة مثلج مدمنه روايات اعتبري بطل من هاي الأبطال الي تقرين عنهم واتقبلي
نورس / انتي شبيج وياي من الصبح
ام نورس/ كافي رونق اسكتي وانتي الثانية روحي بدلي قبل لا يجي الولد لتعطلي
رحت بدلت لبست صايه سودة وشال رمادي واني الف بالشال باوعت على روحي بالمرايا اول مرة احس روحي متوترة لهالدرجه صح اني حاجية وي سجاد وكاعدين سوة لكن بجمعات عائلية والكل موجود لكن هاي اول مرة راح اطلع وياها لوحدنا معقوله ابوية مقتنع بكلام عمي وايريدني اتقرب منه حتى اتقبله وحتى حجي رونق ما اعتقد عن فراغ حجته
الله يستر من الي ايدور ابالهم كلش ما متقبلته
نزلت بسرعه واثناء ما نزلت الدرج سمعت صوت الجرس اكيد سجاد رحت فتحتله الباب واول ما صار بوجهي ما حجه شي سلم وكال يله اذا جاهزه خلي انروح
المكان قريب فرحنه نتمشه واثناء الطريق سألني سؤال غريب
سجاد / عادي اسألج سؤال بس ماريدج اتلفين وادورين اريد جواب صريح
نورس / اتفضل
سجاد / شنو الي ايخليج مستمرة بهاي الهواية ومتعلقه بيها لهاي الدرجه . معقوله الرجل المثقف الي راسمتله صورة ابالج ؟
نورس / انت كلتها هاي هوايتي وبعدين اذا اني اريد شخص معين فأني مثل ماتعرف قليل ما اطلع وين حتى اتعرف على هيج شخص بالنتيجه ماعندي احد
سجاد / يعني كلبج فارغ ؟
نورس / لا بي
سجاد / شنو هو لغز لو اي لو لا
هنا انداريت علي وخليت عيوني بعيونه وعليت صوتي بدون شعور وكتله ....
نورس/ هو تحقيق ؟ انت ما ملاحظ نفسك جاي تدخل بهيج موضوع وتسأل وكأنك صاحب حكم عليه . وبعدين ما شايف نفسك والطريقه الي تحجي بيها شكد مستفزه يا اخي شنو هذا التكبر الي عندك
سجاد / نصي صوتج احنه بالشارع وبعدين احنه ولد عمج اكيد الي حق عليج ..المهم امشي وصلنه بعدين نكمل كلامنه
وهنا طلع كدامي وخلاني امشي ورى
وصلنه بس يافرحتي توة ابو وسام يفتح بالمحل بس ما اعرف شنو اوصفلكم الترتيب وكنية الكتب الموجودة ضخمه وتملي العين
سلمنه علي وطبعآ هو اتلكاني بأبتسامه محت كل عصبيتي بسبب سجاد وغرورة
دخلت للمكان وضليت اتفحص بالكتب واتمشى داخل المكتبه يا الله ادمان عندي على الكتب مو طبيعي وعشقي الهن ايخليني اغوص بكل كتاب اقرا واحسه عالم
طبعآ المكان مرتب بشكل الى درجه بحيث ايخليك بواهس ودك بس تقرا هو مخلي طاولات خشب بنص المكتبه علمود الي يريد يقرا بنفس المكان يكعد عليهن
ومقدمه المكتبه اكو مكتب صغير للعم ابو وسام يكعد علي
سجاد واكف يم ابو وسام ايسولف واباوع علي من بعيد اما اني فضليت اتخير بالكتب وخذيت واحد وكعدت على الطاوله اريد احس بهذا الشعور وبهذا الأثناء دخل ...........
أنت تقرأ
الرجلُ ذو العطر المميز 🤍
Lãng mạnقضت اجمل ايام حياتها تبحث بين طيات الكتب عن تلك الشخصية التي تشكل معها اجمل ثنائي ليصبحان شخصيات رواية حقيقية تترجم على صفحات ذهبية اجمل المواقف والمشاعر التي يتمناها الجميع ان تحصل معه . وكما قيل لكل مجتهد نصيب وها هي نورس تصارع المصائب التي حلت ع...
