الرجلُ ذو العطر المميز 🤍

الجزء 1️⃣1️⃣

الجزء / ١١

سجاد / بس ما ردت اضغط عليج ولا افرض روحي بالنهاية احنه الي راح انعيش سوة ونتحمل مسؤولية تكوين عائلة

كملنه طريقنه وهو جاي يحجي الى ان وصلنه للمكتبة جان اشوف ابو وسام والمكتبة جان بيها اشخاص ناس كاعدة تقرة وناس جاي اتكلب بالكتب وتسأل ابو وسام على الكتب

ضليت ادور بعيوني بلكت الكه استاذ سلام بس ما شفته رحت سألت عمو ابو وسام علي بس ما انطاني جواب مقنع

ابو وسام / اهلآ بنتي نورس

نورس / اهلآ عمو

ابو وسام / ذاك الولد هو نفسه الي متردي ؟

نورس / اي هذا ابن عمي

ابو وسام / شو امبين علي مرتب خطيه الضاهر ماعنده حظ وياج

نورس / مو مسئلة حظ بس احس وضعي مخربط واجيت حتى اسألك على استاذ سلام شو ماكو

ابو وسام / الصراحه عندة شغل وجان متوقع راح تجين واسألين علي بس ما اكدر اكلج شي

نورس / بس اني مستحيل اضرة بشي وكل الي اريدة هو اتواصل ويا بحدود لا اضرة ولا ايضرني

ابو وسام / وهو هم ميريد ايضرج ومستحيل ايسويها بس الأفضل تبقين بعيدة عنه

نورس / هذا الكلام هو الي كاله ؟

ابو وسام / بنتي هذا كلام الواقع الي يحكم علاقتكم والبيئه الي عايشين بيها

نورس / تمام عمو ولو اخر رساله منه ماكانت هيج تقصدة والدليل حجالي عن حياته الخاصه

لكن الضاهر ندم عمومآ اني اعتذر من حضرتك ومنه واتمنى اتوصله هذا الاعتذار وكله صح هي ايام معدودة اتعرفت بيها على حضرته بس بالنسبه اليه احلى ايام واتمنيت ايكون تواصلي ويا اطول وايكون استاذي لكن الضاهر احنه التقينه بوقت ابدآ مو مناسب

ابو وسام / ماكو شي اسمه وقت واشخاص وانما كلها محسوب احسابها

لهنا اجه سجاد ووكف بصفنه

سجاد / ها شو طولتي

نورس / اي مو جنت اسأل عمو على اسماء ما كتب بس الضاهر ما موجودات

ابو وسام / وحتى لو موجودات افضل ما تاخذيهن لأن ميفيدنج بشي

نورس / الله كريم

طلعت من المكان بس امبين عليه شكد ضايجه واريد ابجي بس لان سجاد وياي ضليت مقاومه كوة

لحد ما وصلنه للبيت والطريق صار ليكول سنه مو عشر دقايق

شكرت سجاد وهو ضل يم امي جوة يحجي وياها  عفتهم وصعدت للغرفه بسرعه بس همزين خواتي جانن بالدوام سديت الباب مال غرفه ودخلت للحمام وانفجرت بالبجي بس بدون صوت

اريد اوكف نفسي ما كدرت حسيت الباب الي فتحته الروحي واتأملت من خلاله احقق طموحاتي انسد بوجهي وانو بحياتي ماراح اطلع من هذا الروتين والحياة التقليدية

لحد ما حسيت نفسي خلص لازم اطلع قبل لا امي اشوفني سويت روحي جاي اسبح لأن سمعت امي اصيح عليه بدلت ونزلت وكملت اليوم عادي وياهم بس بدون ما احجي اي شي على الصامت خليتها

بليل كالعادة كعدت العائله كلها سوة بس اني سويت روحي نعسانه وكلتلهم اريد انام صعدت وطلعت كل رسائل استاذ سلام وصفطتهن وخليتهن بضرف واحد وضميتهن بعيد وقررت فد يوم احركهن بس هسه ما اكدر اخاف اهلي ايحسون بشي

رجعت كعدت اكبال المراية اباوع على روحي معقوله من نورس الخياليه والمرحه صرت هيج انسانه ضايعه
بعد ما جنت راسمه هواي طموحات ليش اعتبرت استاذ سلام هو مصدر تحقيقها ؟ ايجوز سجاد هو الي راح ايساعدني علهيهن

بس المشكله ما جاي اتقبله وعقلي قافل من ناحيته شسوي مادري

وحجي عمو ابو وسام اليوم حسسني بأهانه كلش قوية وكأنما اني جاي اركض ورة استاذ سلام وهدفي شي غلط بس الله العالم شنو اني وشنو نيتي تجاها

وايجوز استاذ سلام ما حاجي هيج شي او فعلآ حاجي ماعرف عقلي ما جاي يتقبل اي شي

رحت بفراشي حتى انام وضليت اتكلب الى ان نمت وبالحلم جان اشوف ........