الجزء/ ٢٠
نورس / اني نورس
سجاد / انتي وين ؟ خوما بيج شي ؟ سوولج شي ؟
نورس / لا محد سوالي شي بس الي خاطفيني يردون .....
هنا سلام خذة من عندي التلفون بسرعه وهو الي كمل الحجي وي سجاد
سلام / اسمعني زين بنت عمك رهينه عندي ولا تعتقد ارجعها سالمه الكم اذا خالفتوا اي شي من الي راح احجي افتهمت ؟
سجاد / الك الي اتريدة بس دير بالك اتمس منها شعرة صدكني ما ارحمك لو ابقى طول العمر وراك وراك
سلام / معناها متفقين لعد خليك حباب واسمع شنو راح اكلك البضاعه بيها نقص ولازم توصلني كامله اليوم
سجاد / مو صحيح البضاعه كلها سلمناها الخلل منك مو مو من عدنه شوف جماعتك وين ودوها
سلام / لا ادوخني ولا تحجي واني احجي فهمت ؟
البضاعه وانت وعمك ابو قاسم وراح اردلك عنوان اليوم الساعه بال2 بليل الكاكم هناك حجي زايد ما اريد
وسد الخط بسرعه بس شنو ايفور جمر راح على الغراض بالغرفه وكام ايكسر بيهن بحيث ادينه كامت تجري دم واني هنا اباوع على الكزاز والغراض شلون كامت تطاير بكل مكان بالغرفه
هنا اني خفت وكمت ارجف وكعدت بالزاوية وضليت بس ابجي اكيد ماراح ايطلعهم سالمين
سلام / لا اتخافين راح اخلي كل نسوانكم تبجي دم مو دمع
وهنا صاح على صديقه وطلب منه ايحضر الزلم والسيارات لان راح نرجع للموقع اما اني فجرني حيل من ايدي وطلعني سحل من المكان لحد ما وصلني بالسيارة خله كلبجات بيدي ولزك حلكي بلزاك وكعدني بالصدر وهو الي ايسوق رجع لبس لثام وحضر سلاحه
سلام / راح اشوفج بعينج شلون اصير الرواية حقيقيه وشلون صاحب الثار من يحقد ويجي اليوم الي ياخذ بي ثارة
حتى رد ما اكدر ارد علي كلها ساعات وتنتهي الحياة بعيني وينكطع حتى الأمل لا اكدر بعد اشوف اهلي ولا حتى اعرف اخبارهم
طلع بالسيارة لحد ما وصلنه للموقع اباوع نفس المكان الي جابوني اله اول مرة بس هالمرة اكو شي يختلف المكان بي سيارات وزلم مسلحين اشكالهم مرعبه اشكال عصابات
نزل من السيارة وحجه وياهم ورة اشويه طبوا جوة والسيارات كلها خفوها الضاهر نصب كمين ورجع صعد بالسيارة
بقينه بس اني ويا وخر اللثام من وجهه وشرب مي باوع عليه اني درت وجهه واعيوني ابد ما وكفت من البجي
سلام / تردين مي ؟
ابد مارديت وسويت روحي ما اسمعه لزم وجهي بأيدة وبأيدة الثانية وخر اللزاك ورجع خذة بطل المي وراد ايشربني كوة اني وخرت نفسي منه بقوة بحيث حتى راسي انضرب بالسيارة حيل والالم مو طبيعي صار بي والمي وكع من ايدة وانكلب
سلام / اسمعي ماريدج اتموتين هسه بعد وكت
نورس / شنو الي همك اذا متت هسه او بعدين انت اول وتالي راح تكتلني مثل ما كتلت عائلتي
سلام / اني ما كتلت احد واذا اكو واحد اصوب وبعدها مات بأول حادثه صارت فهاي منيته واجت بعد
نورس / ابوية الي اصوب ، قصدك ابوية مات ؟
سلام / الله ايرحمه وكم واحد ويا
نورس / لا لا ، انت شنو ؟ شنو جاي تحجي ؟ لا تشاقه وياي كول اي شي غيرة . بس لا اتكول احد مات من عائلتي .
وكمت ابجي بحركه مو طبيعية واضرب براسي بالسيارة بحيث ايريد يلزمني كوة ما يكدر من غير السب والشتم الي بالساني
هنا هو من شافني انهاريت لزمني حيل وضل ايصيح بوجهي لحد ما سكتت لان هددني بعائلتي
سلام / اذا ما تسكتين هسه ادز زلم واخليهم ايخلصون على كل عائلتج حتى اخوج الصغير ما يسلم وبسببج هاي المرة
ماعندي حل كتمت البجيه بداخلي احس راسي راح ينفجر ونجرح والدم نزل على عيني وانغمه عليه
بعدها وما حسيت الا مي بارد على وجهي كعدت وحجيت بصوت ناصي كوة يطلع حتى صوتي راح
اني وين بحلم لو علم ليش راسي ملفوف شفته مطلعني من السيارة ومكعدني بالكاع باوعت علي شفت وجهه بوجهي من شفته ورة ثواني اذكرت كل الحجي الي دار بينه بالسيارة وكأنما الذاكرة جانت ممسوحه ورجعتله بثواني دفعته حيل بس حسب وضعي ماعندي قوة لزمت حلكي بثنين ادية وضليت ابجي وابجي حطيت راسي بين رجليه
واني افكر شلون راح انعيش بدونه اتمنيت لو روحي هي الي طالعه ولا روحه اتمنين اموت هنا ولا ارجع واشوف مكانه فارغ
من شاف حالتي هيج عافني وكام يفتر بالمكان ورة فترة طويله بعد حتى ماعندي قابليه ابجي رفعت راسي شفته ايدخن وكل شوية ايباوع على ساعته
نورس / شكد بقه ؟
باوعلي بأستغراب !
سلام / لشنو ؟
نورس / ليش مستغرب جاوب وبس
سلام / ........
أنت تقرأ
الرجلُ ذو العطر المميز 🤍
Romanceقضت اجمل ايام حياتها تبحث بين طيات الكتب عن تلك الشخصية التي تشكل معها اجمل ثنائي ليصبحان شخصيات رواية حقيقية تترجم على صفحات ذهبية اجمل المواقف والمشاعر التي يتمناها الجميع ان تحصل معه . وكما قيل لكل مجتهد نصيب وها هي نورس تصارع المصائب التي حلت ع...
