في مبني الإدارة التابعة لوزارة الداخلية
دخل خالد من المبني وسط تحية الظباط وصل بعدها لمكتبه ودخل وراه حسام زميله في الإدارة
حسام : صباح الفل ياخلود
خالد : صباح الخير .....عملت ايه في القضية الي ماسكها
حسام باستغراب : ياعم خليني اخد نفسي طيب انت داخل علي شغل علي طول كده
خالد : يابني اخلص وبطل كسلك ده
حسام : حاضر يا سيدي ما تقلقش القضية حقفلها النهاردة بليل ونخلص بقي منها ... قولي انت عملت ايه في قضية الت-هريب الي قالك عليها اللواء
خالد : مش فاضيلها
حسام بدهشة : خالد انت بتهزر مش فاضي لايه
خالد : قولت مش فاضي ليها حكلفها ليوسف يشتغل عليها
حسام : وبعدين معاك ياخالد أي قضية بتجيلك بتبعتها لظابط تاني غيرك وانت مركز في قضية واحدة ومش موجودة أصلا
خالد : لا موجودة وانت عارف كده
حسام : خالد انت كده بتضيع وقتك منصور السيوفي محدش قدر يمسك عليه حاجة لغاية دلوقتي حتي ادم الله يرحمه كان بيدور وراه وما قدر يلاقي حاجة وسيادة اللواء نبه عليك انك تطلعه من دماغك وتشوف شغلك
خالد : انا مش حبطل ادور وراه وحفضل وراه لغاية ما اجيبه وفي أيده الكل-بشات واجيب معاه حق ادم
حسام بنفاذ صبر : ادم م-ات في حاد-ثة عادية ياخالد
خالد بنظرة غريبة : م-ات بحا-دثة مدبرة
حسام : اسمعني ياخالد مش حتقدر تلاقي حاجة ورا منصور ده مهما حصل
خالد : حلاقي
حسام : ابقي قابلني
خالد ببرود : حنتقابل ما تقلقش ..... ما تنساش حنطلع النهاردة بليل خلص شغلك بدري ها
حسام بغمزة : عيب عليك ده انا مجهز كل حاجة لبليل .. سلام
طلع حسام من مكتب خالد ... شوية وخبط الباب
خالد : ادخل
دخل يوسف : صباح الخير
خالد وهو مركز في الورق الي قدامه : صباح النور اتفضل يايوسف تعالي
يوسف قعد علي الكرسي الي قدامه وبعدين حط قدامه ملف
خالد بعد ما بص للملف : ايه ده
يوسف : ده ملف قضية التهر-يب الي ادتهولي امبارح
خالد : أيوة برضوا جايبه ليه مش فاهم
يوسف : سيادة اللواء رفض اني اشتغل عليها وطلب مني ادهولك انت تشتغل عليه
خالد بضيق : طيب سيب الملف وانا حشوف سيادة اللواء
يوسف : تمام ... عن اذنك
طلع يوسف وفضل خالد يفكر حيقنع اللواء المرة دي ازاي ... شوية وطلع وفي أيده الملف وراح مكتب اللواء ... وصل عند الباب وخبط وبعدها دخل بعد ما اتسمحله يدخل
خالد بهدوء وابتسامة وهو بيؤدي التحيا : صباح الخير يافندم
اللواء : صباح الخير ياخالد ... اتفضل اقعد
قعد خالد وبعدها حط الملف قدامه ولسه حيتكلم قطعه اللواء
اللواء : لا ياخالد مش موافق أن حد غيرك ياخد القضية دي وانت المسؤل قدامي
خالد : بس ...
اللواء : ما بسش ولا حاجة إلي انت جاي تقنعني بيه أنساه حتشتغل علي القضية دي وقدامك اسبوع وتكون خلصتها ... واتفضل يلا علي مكتبك
قام خالد من مكانه ولسه حيطلع من المكتب وقف علي صوت اللواء بيقوله
اللواء : انا مش ضدك ياخالد بس انت كده بتدمر تاريخك المهني وبتدمر نفسك
بعدها طلع خالد علي مكتبه من غير اي كلام
********************
في مكان تاني في شقة راقية
صحيت فريدة من نومها ودخلت اخدت شاور وغيرت هدومها وطلعت عشان تحضر فطار لقت جدها قاعد بيقرأ قران
فريدة بابتسامة : صباح الورد علي عيونك ياجدو
جدها : صباح الخير ياروح جدو
فريدة : ثواني والفطار يبقي جاهز
جدها : خدي وقتك ياحبيبتي
دخلت فريدة وبدأت تحضر الفطار وهي مبتسمة عشان ربنا رزقها بجد حنين رعاها وخد. باله منها من ساعة ما تو-في والدها ومامتها في حادث هي وصغيرة وكان ونعم السند ليها
شوية وطلعت بالفطار وحطته علي السفرة وقعدوا يفطروا
الجد : حتخلصي شغل في المستشفي الساعة كام
فريدة : ممكن علي الساعة 7 كده
الجد : مرتاحة في الشغل هناك
فريدة : اه ياجدو بصراحة كل الدكاترة الي بيشتغلوا معايا كويسين ودكتور عماد كمان واخد باله مني اوي
الجد : انا وصيته عليكي وقولتله لو احتجتي اي حاجة تروحيله
فريدة قامت من مكانها وباست جدها في خده : ربنا يخليك ليا ياحبيبي
جدها : ويخليكي ليا ياحبيبتي ... يلا عشان ما تتاخري علي شغلك
وبالفعل راحت فريدة وغيرت هدومها ونزلت المستشفي ...
دخلت مكتبها لبست البالطوا الابيض واخدت سماعتها الطبية وطلعت
هي وطالعة وقفت علي صوت بيناديها لفت وراها لقتها صاحبتها عائشة
عائشة : صباح الفل ياعم
فريدة بابتسامة : صباح الفل يااش .... ورانا ايه النهاردة
عائشة : لا ورانا عمليات للركب النهاردة ادعي ربنا نخلصهم بس
فريدة بابتسامتها الجميلة : يبقي يلا بينا بقي وما نضيعش وقت .... ربنا يقدرنا
وفعلا طلعوا علي قسم جراحة المخ والأعصاب وبدأوا في عملياتهم واخر اليوم خلصوا الاتنين وراحوا مكتب فريدة
عائشة وهي بتقعد بتعب : يااه أما يوم متعب بشكل
فريدة بابتسامتها المعتادة : بس ممتع اوي وانتي بتكوني سبب أن الي قدامك يبقي كويس ويتخلص من اي وجع بيعاني منه
عائشة بابتسامة : بصراحة فعلا ده اصلا هدفي يوم ما دخلت كلية طب ما كان في دماغي لقب دكتور ولا زي ما كتير من الناس بتقول انها افضل كلية بالعكس دخلتها عشان اقدر اساعد غيري بجد .... يلا ربنا يقدرنا للآخر .... قومي خلينا نمشي بقي
فريدة : يلا بينا
وفعلا غيروا واخدوا شنطهم ومشيوا
وصلت فريدة البيت ودخلت بتدور بعينها علي جدها ما لقته وبعدين شمت ريحة حلوة جاية من المطبخ راحت ناحيته لقت جدها بيعمل اكل وهو مبسوط وقفت عند باب المطبخ وهي مبتسمة
فريدة ومازالت الابتسامة علي وشها : ايه ياشيف معتز اساعدك في حاجة طيب
جدها : لا ياستي حضري بس السفرة وحتاكلي احلي اكل النهاردة
وفعلا اخدت فريدة الاطباق بسرعة وهي متحمسة تاكل من الي عمله جدها
وبعد شوية طلع جدها بالاكل وقعد قصادها
الجد : قوليلي رايك في الاكل بقي
بدأت فريدة تدوق الاكل وعلامات الانبهار علي وشها
فريدة : ايه ياجدو الجمال ده انت اتعلمت الطبخ فين
الجد : يابنتي انتي ناسية اني كنت راجل عسكري وان الحاجات دي كنا متعودين عليها في الكتايب بتاعتنا
فريدة : لا بس ايه ده بجد ياجدو الاكل جميل اوي شكلي حبطل ادخل المطبخ وحستغلك
الجد : من عيوني ياحبيبتي ...... يلا بقي خلصي عشان تاخدي حقنتك
فريدة بوش مكشر زي الاطفال : يوه بقي انا تعبت ياجدو
الجد وهو حاسس بالاسف عليها : معلش ياروحي الحقنة دي عشان ما تتعبي
فريدة : حاضر ياجدو ... حاضر
أنت تقرأ
عشق فريد من نوعه
Romanceحياة شخصين لا معني لها كلا منهما جعلته الحياة يعاني بطريقة مختلفة ولكن الأقدار جمعتهم لجعل حياتهم جميلة هادئة خالية من الأمور المؤلمة التي تلاحق كل منهما كل منهما اتخذ الآخر ملجأ له كل تلك الأمور جعلتهم ينشأوا عشق فريد من نوعه
