خالد : انتي طا-لق
فريدة اتصدمت من الي سمعته ازاي طل-قها معقول عامل كل الي عمله ده عشان يطل-قها وليه طل-قها الف سؤال في دماغها جه ومش عارفة تلاقيله إجابة
خالد حس بصدمتها
خالد : اسمعيني
قبل ما خالد يكمل كلامه كانت فريدة اتحركت من مكانها عشان تمشي من المكان بالكامل
خالد جري وراها بسرعة ومسكها من أيدها
فريدة بعص-بية : سيب ايدي وابعد عني خالص
خالد وهو بيحاول يمتص غض-بها : اهدي طيب واديني فرصة اتكلم
فريدة وعينها بدأت تعي-ط : تقول ايه انا اصلا مش عايزة اشوف وشك ... وابعد عني لو سمحت
خالد بابتسامة : ياه للدرجة دي بتحبيني
فريدة بغض-ب وبكاء : حب ايه .. الي زيك ما يتحبش اصلا ... بني ادم مش بيفكر غير في نفسه وبس
قطع كلامهم صوت حسام
حسام : المأذون وصل ياخالد أنجز بقي ياعم
خالد بص لفريدة بابتسامة : تعالي عشان تحضري فرحي
لسه فريدة حتتكلم وتتعص-ب حط خالد أيده علي بقها
خالد : فرحنا والله فرحنا انا وانتي
فريدة سكتت وبعدين كملت : فرحنا ازاي
خالد : ايه هو الي ازاي انتي فاكرة أن الي احنا كنا فيه ده جواز ده كان جواز علي ورق يافريدة عشان اقدر اخليكي في حمايتي وبدون معرفتك أو موافقتك اصلا .. عشان كده طل-قتك دلوقتي عشان نتجوز زي ما بيقول الشرع والدين
فريدة سكتت شوية وكملت : يعني أنا ظلم-تك
خالد : من يومي مظل-وم يابنتي ... وبعدين انتي ايه الي ضاي-قك لما طل-قتك هو انتي بتطقيني اصلا
فريدة : والله بحبك ..
سكتت فريدة لما حست نفسها اتسرعت في الكلام
خالد قرب منها : انا اكتر منك
فريدة ابتسمت من الخجل
خالد : لا تعالي كده عشان حسام ثانية وحيعلقني علي تأخير ده
أخدها وراح بيها في المكان الي كانوا فيه وكان أهله كلهم متجمعين حسام وعائشة ومالك اخوها وماجد وخديجة وندي وكل صحابهم واتعقد القران وأصبحت فريدة مرات خالد عن قبول منها
بدأت الحفلة وبدأ الكل ينسجم مع بعضه خالد وفريدة بيرقصوا مع بعض علي اغنية رومانسية وجميلة والكل بيبصلهم بسعادة باينة في عيونهم
حسام واقف من بعيد بيبص لعائشة
حسام وهو بيكلم نفسه : طيب لما انت عايزها بتكابر ليه ... ليه زعلت ما حقها أنها تضر-بك بالقلم ما انت كنت قليل الادب بصراحة ... انا حروح اكلم اخوها واطلب أيدها منه عشان مفيش حل تاني غير كده
اتحرك حسام ناحية مالك ووقف جمبه
حسام : ازيك يا..
مالك : اسمي مالك
حسام بابتسامة : اهلا وسهلا ... انا اسمي حسام
مالك بابتسامة : اتشرفت بمعرفتك
حسام : انا لقيتك واقف لوحدك قولت اجي اقعد معاك لو مش حيضا-يقك
مالك بابتسامة : لا ابدا مفيش حاجة تضا-يق .. اتفضل
قعدوا الاتنين مع بعض وفضلوا يتكلموا ويهزروا وبدأوا ياخدوا علي بعض
حسام : كنت عايز افاتحك في موضوع
مالك : موضوع ايه
قطع كلامهم صوت شخص
خبط علي كتف مالك
بص مالك وراه
مالك : ياعم اتاخرت ليه .. طول عمرك تاجي في وقت بدل ضائع
ذياد : اعملك ايه ما انت عارف الي ورايا
مالك : ولا يهمك ... تعالي اعرفك .. استاذ حسام ... ذياد ابن خالتي
ذياد : اتشرفت بمعرفتك
حسام : ده انا الي ليا الشرف
ذياد : متشكر خالص ... ايه ياعم مش حنبارك للعرسان
مالك : تعالي
راحوا الاتنين مع بعض وسلموا علي خالد وفريدة وفي الناحية التانية حسام عينه الي بتلف المكان كله يدور علي عائشة لغاية ما لقتها واقفة مع ندي وبتهزر وتضحك وفي نفس الوقت علي وشه ابتسامة عشان شايفها مبسوطة بالشكل ده بس الابتسامة دي راحت بسرعة لما لقي ذياد رايح ناحيتها وحط أيده علي كتفها وقتها مراجل بتغ-لي جواه
قام من مكانه راح ناحيتهم وبص لعائشة بصة ليها معني وهي فهمت المعني لسه حسام حيتهور كانت عائشة اتكلمت بسرعة
عائشة : اعرفك ياندي ذياد ابن خالتي وخطيبي
وقف حسام مكانه وكان مئة ساقعة وقعت عليه خلته يتجمد مكانه
ندي بسعادة : ايه ده بجد .. الف مبروك ياروحي
عائشة بابتسامة : الله يبارك فيكي ياروحي
بعد ما حسام كان حيخرب الدنيا رجع تاني مكانه وهو ساكت خلص اليوم والحفلة وروح الكل بس اختلفت مشاعر الأشخاص وهما ماشيين في الي روح وهو في كامل سعادته وفي الي روح وهو قلبه مد-مر
أنت تقرأ
عشق فريد من نوعه
Romanceحياة شخصين لا معني لها كلا منهما جعلته الحياة يعاني بطريقة مختلفة ولكن الأقدار جمعتهم لجعل حياتهم جميلة هادئة خالية من الأمور المؤلمة التي تلاحق كل منهما كل منهما اتخذ الآخر ملجأ له كل تلك الأمور جعلتهم ينشأوا عشق فريد من نوعه
