راح خالد جاب هدوم لفريدة زي ما طلبت وجابلهم اكل
وصل المستشفي وراح عند الأوضة خبط علي الباب
فريدة من جوا : ادخل
دخل خالد لقي ماجد قاعد علي السرير وفريدة قاعدة جمبه وباين أنهم كانوا بيهزروا وندي قاعد جمب ماجد وحط أيدها في أيده وخديجة قاعد علي الكرسي جمبهم
خالد وهو بيوجه كلامه لخديجة : اتفضلي ياماما ده اكل انتوا من الصبح ما اكلتوا حاجة
سكت شوية ووجه كلامه لفريدة وهو بيديها كيس : ده الي انتي عايزاه ... عن اذنكوا
ندي : رايح فين
خالد : حنزل اشوف حساب المستشفي
فريدة : لا متقلقش انا وندي نزلنا من شوية وخلصنا كل حاجة
خالد : طيب حنزل اجيب قهوة
فريدة : خليك وانا كده كده حجيب قهوة برضوا ليا
ندي : يلا ياخالد بقي عايزين ناكل مع بعض
خالد من غير اي نقاش زيادة راح وقعد جمب خديجة
وقامت ندي وطلعت الاكل
فريدة : انا حجيب القهوة وجاية
هي وطالعة بصت لماجد وغمزتله عشان يعمل الي اتفقوا عليه
اول ما طلعت فريدة ماجد عمل نفسه تعبا-ن
ماجد بتع-ب وهو ماسك قلبه: اه
سمعه خالد فقام بسرعة ناحيته : ايه في ... حاسس بحاجة
ماجد : لا يابني انا تمام ... روح كمل أكلك
خالد : لا انا تمام شبعت ... حروح انادي دكتور عماد وجاي
طلع خالد من الأوضة وبصت ندي ناحية ماجد وابتسمت
شوية وجه خالد وفريدة وعماد
عماد : اخبارك يااستاذ ماجد
ماجد بتعب تمثيلي : الحمد لله
خالد : من دقيقتين كان حاسس بالم ناحية قلبه
عماد : ما تقلقش حشوف كل حاجة .. ممكن بس تستنوني شوية برا
خالد : تمام
وفعلا طلعوا كلهم وما بقاش غير فريدة وعماد مع ماجد
عماد كشف علي ماجد وبعدين قاله : حضرتك دلوقتي صحتك كويسة خالص انت حسيت بالألم ازاي
فريدة : لا يااونكل هو ما كانش في الم احنا كنا عايزين مساعدتك في موضوع
عماد : اتفضلي
بعد شوية طلع عماد وفريدة
خالد : ها يادكتور أخباره ايه
عماد : والدك المتحكم في صحته حالته النفسية كل ما كانت كويسة هو تمام عشان كده ياريت ما يتعرضش لاي زعل أو ضغط أو اي مؤثرات سل-بية عليه
خالد : حاضر يادكتور
عماد : عن اذنك
دخلت خديجة وندي لماجد
راح خالد وقعد علي الكرسي قدام الأوضة وراحت فريدة جمبه
فريدة : لازم تفضل جمب باباك ياخالد اديكي سمعت دكتور عماد قال ايه
بصلها خالد وسكت وبعدها قام ودخل الأوضة وفريدة دخلت وراه
خالد : انا حنزل اخلص ورق الخروج منا ما اخلصه تكونوا جهزتوا نفسكوا حنروح كلنا
خديجة : بس يابني ابوك لسه ما بقاش كويس لدرجة الخروج
فريدة بابتسامة : ما تقلقيش ياطنط انا موجودة معاكوا في البيت ولو حصلت حاجة أنا حتصرف وحيبقي تحت رعايتي
خالد : انا نازل
وفعلا نزل وهو تحت قابل حسام
حسام : خالد اخبارك ايه
خالد : الحمد لله
حسام : اخبارك والدك ايه
خالد : بخير الحمد لله ... تعالي معايا الريسبشن اخلص ورق الخروج
حسام باستغراب : خروج ايه والدك لسه داخل امبارح
خالد : راحته مش هنا ياعم ... في البيت افضل
حسام : الي تشوفه ياصاحبي يلا بينا
أنت تقرأ
عشق فريد من نوعه
Romanceحياة شخصين لا معني لها كلا منهما جعلته الحياة يعاني بطريقة مختلفة ولكن الأقدار جمعتهم لجعل حياتهم جميلة هادئة خالية من الأمور المؤلمة التي تلاحق كل منهما كل منهما اتخذ الآخر ملجأ له كل تلك الأمور جعلتهم ينشأوا عشق فريد من نوعه
