عائشة بصدمة : عريس .. عريس ايه يامالك
مالك بهدوء: في واحد جه اتقدم وطالب ايدك وانا بصراحة اعجبت بشخصيته وكمان عرفت شخصيته من صحاب ليا سألتهم عليه
عائشة بتسمع الكلام ولسه مش مصدقة أن الموضوع طلع حقيقي
كمل مالك كلامه : بس فأنا وافقت بصراحة لانه مفيهوش غلطة
عائشة بحدة : وافقت ايه ... هو حضرتك الي حتعيش معاه ولا أنا .. ولا انا مليش راي في حياتي وانت المقرر كل حاجة بالنيابة عني
مالك : وطي صوتك واهدي
عائشة بضيق : لا مش حهدي ... انت لسه بتعاملني كاني طفلة في حضانة مش حتعرف تشيل مسؤلية نفسها
مالك بهدوء : انا بقولك وطي صوتك ... ثم انتي مش واخدة بالك انتي كملتي كام سنة ... حضرتك عندك 28 سنة ولسه ما اتجوزتي .. وياريت المشكلة أن مفيش حد بيتقدم المشكلة أن حضرتك رافضة كل واحد يتقدم ... ويوم ما اخترتي راح تعملي مسلسل خايب عشان توقعيه وكل ده بيعكس تربيتك
عائشة بعص-بية : ايه الي انت بتقوله ده .. انا ما اسمحلكش انك تقلل من تربيتي مهما حصل ... ثم انت بدأت تفكر بعقول الناس الجاهلة دي من امتي ... هي بقت مشكلتك سني .. الناس المتخ-لفة بس هي الي رابطة سن البنت بالجواز وكأنها لو كبرت وهي لسه آنسة تبقي كأنها عملت مصيبة ... والشخص الي اخترته اخترته عشان حبني بجد مش مجرد حد سمع عني أو شافني وقرر أنه ياجي ويتقدم
مالك ببرود : اسمعي ... كلامي وقولته وجهزي نفسك الايام دي في أي وقت حقولك العريس جاي النهاردة عشان تشوفيه ... تصبحي علي خير
قام مالك وسابها وهي منها-رة من جواها دخلت اوضتها وفضلت تع-يط
تاني يوم الصبح كانت فريدة بترن علي عائشة بس مفيش رد فريدة حست بقلق ناحيتها اتصلت بالمستشفي علي اساس انها هناك بس قالولها أن عائشة ما جات النهاردة قلقت اكتر لبست ونزلت راحتلها البيت واستقبلتها أم عائشة
فريدة : ازيك ياطنط ... هي عائشة جوا
الام : اه يابنتي جوا ... ادخلي شوفيها دي من امبارح مش مبطلة عيا-ط
فريدة : طب عن اذنك
دخلت فريدة الأوضة لقت عائشة قاعدة وبتع-يط
فريدة راحت ناحيتها بسرعة واخدتها في حضنها وعائشة انفجر-ت في البكاء اكتر
فريدة وهي بتمشي بايدها علي شعر عائشة : اهدي ياحبيبتي وفهميني ايه حصل
بعد وقت هديت عائشة وبدأ تتكلم وحكتلها كل الي حصل
عائشة ببكا-ء : عايز يجوزني غص-ب يافريدة ... كاني بقيت حمل علي أكتافه ومش مستحملني خلاص
فريدة بتأثر : ما تقوليش كده انت اكتر واحدة عارفة ان مالك بيعتبرك بنته مش أخته ... فبلاش الكلام الخا-يب ده
فضلت عائشة تعيط وبعد وقت قدرت فريدة تهديها
فريدة : بصي انا حكلم مالك ... حروحله انا وخالد شوية ونكلمه وانشاء الله حيقتنع ...ما تقلقيش بقي ويلا بطلي نكد واضحكي
ابتسمت عائشة ابتسامة ضعيفة
فريدة : انا حمشي دلوقتي وحقولك الي حيحصل وانشاء الله حيكون خير
مشيت فريدة وفضلت عائشة قاعدة في الأوضة جنب الموبايل اليوم كله بفارغ الصبر مستنية مكالمة من فريدة تغير كل حاجة
فضلت مستنية لغاية بليل لغاية ما سمعت صوت الباب بيتفتح وعرفت أن مالك رجع بعد ما اتاكدت أنه دخل اوضته مسكت موبايلها ورنت علي فريدة
عائشة بلهفة : ايه يافريدة روحتوا لمالك
فريدة : اه روحنا انا وخالد
عائشة : طب كويس ها قالكوا ايه
فريدة با-سي : انا فعلا مش عارفة اقولك ايه بس حاولنا انا وخالد نكلمه ونقنعه بس رفض بشدة لدرجة أن المناقشة بينه وبين خالد كانت حتقلب علي خنا-قة بس انا لميت الموقف بسرعة
فضلت عائشة تسمع الكلام وهي ساكتة وبتعي-ط بصوت مكتوم
فريدة : سامحيني ياعائشة لو ما كنا فكرنا في الي عملناه ما كان كل ده حصل ... انا اسفة بجد
عائشة : خير يافريدة ... خير ...عن اذنك
قفلت عائشة الاتصال وفضلت تعيط الليل كله ومن كتر التعب نامت ما حست بنفسها
فضلت حوالي اسبوع حياتها مش مستقرة لا بتاكل ولا بتشرب بشكل طبيعي وفي يوم قاعدة في اوضتها دخل مالك الأوضة وعلي وشه ابتسامة
مالك : ازيك ياقمر .. صباح الياسمين علي عيونك
عائشة : صباح الخير يامالك
مالك وهو في أيده فستان : ايه رايك في الفستان ده
عائشة وهي بتبص علي لفستان : جميل اوي
مالك : طيب ياستي ده حتلبسيه النهاردة بليل ... العريس الي متقدم جاي وحتقعدوا مع بعض ... يلا اسيبك انا بقي
قام مالك وطلع من الأوضة وبصت عائشة للفستان وبعدين طلعت موبايلها وبعتت لحسام الي كان كل يوم يبعت رسائل عايز يطمن عليها بس هي ما كانت بترد بعتتله رسالة بتقوله فيها عن الي حصل وان العريس حياجي بليل
بعتت الرسالة بس ما كانت وصلت عنده لسه عدي اليوم وحسام لسه ما رد جات فريدة وساعدت عائشة في اللبس والتجهيز وهي قلبها بيتقطع علي صاحبتها الي خسرت حب حياتها
فريدة وهي بتظبط شعر عائشة قاطعهم صوت رسالة قامت عائشة بسرعة من مكانها وفتحت الموبايل لقت رسالة من حسام فتحت الرسالة لقت مضمونها كالاتي
( انا في حياتي كلها عمري ما حبيت ولا ححب حد غيرك ياعائشة ... اخوكي قفلها في وشي من كل اتجاه وانا حقيقي اول مرة احس بالضعف الي انا فيه ... سامحيني ياعائشة ووافقي علي كلام اخوكي ... هو كمان بيحبك وبيخاف علي مصلحتك ..)
خلصت عائشة قراية الرسالة وانهارت من البكاء وفريدة اخدتها في حضنها تحاول تهديها بعد وقت طلعت عائشة من الأوضة لما نادي عليها مالك عشان تطلع ووشها مرهق وضعيف من قلة الاكل والنوم فضلت عائشة باصة علي الارض ومش عايزة تشوف حد من الموجودين
مالك بابتسامة : سلمي علي عريسك يااش
فضلت عائشة ساكتة ومش بتبص ناحية اي حد وسرحانة في عالم تاني
قام العريس من مكانه وراح ناحيتها
حسام : مش حتبصيلي ولا ايه يا عروسة
عائشة اول ما سمعت صوت حسام رفعت راسها بسرعة واتصدمت لما لقت حسام قدامها وأنه هو العريس
من الصدمة قامت عائشة ووقفت من مكانها
عائشة : انا مش فاهمة حاجة
حسام بضحك : حفهمك بعدين المهم خلينا دلوقتي نلبس الدبل وبعدين نحكي
الكل بيضحك ومبسوط بالي حصل بس عائشة شايفة كل حاجة قدامها بتتحرك ما اخدت وقت طويل ووقعت مغمي عليها جري حسام ناحيتها بسرعة وشالها دخلها اوضتها
فريدة : طنط هاتيلي شنطتها بسرعة
راحت ام عائشة وجابت شنطة الأدوات الطبية بتاعة عائشة
وبدأت فريدة تكشف عليها
حسام بقلق : ايه يافريدة طمنيني
فريدة : هبوط حاد ياجماعة بسبب قلة الاكل الفترة الي فاتت
حسام ومالك وخالد حسوا بتأنيب ضمير علي الي عملوه
فريدة : انا حركبلها محلول وحتبقي كويسة باذن الله
وفعلا بعد ما خلصت فريدة كل حاجة سابت عائشة ترتاح شوية وطلعت لقت مالك وحسام وخالد قاعدين بصتلهم بحدة وراحت قعدت قدامهم
فريدة : اقدر اعرف ايه الي انتوا عملتوه ده ... بتبهدلوا البنت معاكوا
حسام : والله ما كان كده في نيتي انا كنت عايز اعملها مفاجأة ليها ... خاصة لما روحت لمالك وفهمته كل حاجة وعرفته اني انا بحبها وانا الي كنت بعمل كل حاجة عشان اخليها تحبني ولما وافق اتفقنا نعملها مفاجأة بالطريقة دي
فريدة بحدة : وانت بتفكر تعملها مفاجأة ماجاش في بالك الي ممكن يحصلها ...وانت يااستاذ مالك ... بقي متفق مع خالد عشان تعملوا المسلسل الي عملته قدامي ده ... تمام
حسام قرب من خالد وهمس في ودنه : هي مراتك بتزعقلنا ليه ياعم ... ما تسيطر
خالد : حلال فيكوا والله ... البت كانت حتروح فيها
حسام : بعد الشر عليها
خالد : طيب يانحنوح ...اخرس بقي
شوية ودخلت فريدة تطمن علي عائشة وفوقتها
قعدت عائشة علي السرير والكل حواليها
مالك بحزن : انا اسف والله كنت عايز اعملك مفاجأة مش اكتر ما كنت متوقع أن كل ده حيحصل
باس علي أيدها وراسها واخدها في حضنه : انا اسف بجد
حسام بغيرة : ايه ياعم انت عمال تبوس وتحضن وواخد راحتك اوي
عائشة بصوت مرهق : ملكش دعوة ده بابا
حسام بهزار : مادام بابا تنزل المرة دي
فضل الكل يضحك ويهزر
فريدة : يلا بقي يااش قومي عشان نلبس الدبل ونفرح بقي ... بس الاول حظبطلك الميكب من الاول تاني ونظبط الدنيا
وفعلا فريدة ساعدتها وأجهزتها وطلعوا الاتنين وقعدت عائشة جمب حسام ولبسوا الدبل والفرحة كانت مالية المكان
أنت تقرأ
عشق فريد من نوعه
Romanceحياة شخصين لا معني لها كلا منهما جعلته الحياة يعاني بطريقة مختلفة ولكن الأقدار جمعتهم لجعل حياتهم جميلة هادئة خالية من الأمور المؤلمة التي تلاحق كل منهما كل منهما اتخذ الآخر ملجأ له كل تلك الأمور جعلتهم ينشأوا عشق فريد من نوعه
