قام حسام من مكانه وهو في كامل عص-بيته وقام خالد وراه بسرعة
اول ما ذياد شاف حسام وخالد جايين ناحيته
ذياد بابتسامة : انت حسام انا فاكرك .. انت فاكرني
حسام وهو بيحاول يتمالك أعصا-به : اه طبعا
ذياد : وانت استاذ خالد العريس مش كده
خالد بابتسامة : بالظبط كده
ذياد بابتسامة : تعالوا اتفضلوا ياجماعة معانا .. عيد ميلاد خطيبتي النهاردة ... تعالوا كملوا احتفال معانا
حسام بصه وبعدين بص لعائشة : كل سنة وانتي طيبة
عائشة وهي بترد بثبات من برا بس لكم من جواها خا-يفة : وانت طيب ميرسي خالص
خالد بابتسامة : طيب ياجماعة نسيبكوا علي راحتكوا ... عن اذنكوا
بعدها خالد اخد حسام من أيده بالعا-فية وطلع بيه برا وحسام كان مضا-يق ان خالد اخده برا
حسام بعصبية : انت بطلعنا ليه دلوقتي
خالد : اهدي يلا .. وانت حتعمل ايه جوا دلوقتي ... ما تبقاش غبي
حسام : انت مش شايف ابن ال**** بيعمل ايه ... عيد ميلاد خطيبتي
قال الجملة الأخيرة بتريقة وخالد واقف جنبه كاتم ضحكه بالعافية
خالد : تعالي معايا حنروح انا وانت ونشوف حنعمل ايه
حسام : مش مروح
خالد بض-يق : يلا ياحسام واتلم
وفعلا خالد اخد حسام غصب عنه وروح بيه في بيته
حسام : انت جبتني هنا ليه انا عايزة اروح شقتي
خالد : حسيبك تروح بس هدي نفسك الاول وبعدين روح
ونزلوا الاتنين من العربية ودخلوا البيت وكانت فريدة في انتظار خالد
خالد : اقعد ياحسام وثواني وجايلك
خالد للخدم : قهوة مظبوط لحسام
وبعدين طلع خالد لفريدة عشان يتكلم معاها
فريدة بابتسامة : انت جيت امتي
خالد : حسام معايا تحت
فريدة : ايهه بجد
هز خالد رأسه وكمل : والي بتعملوه ده غلط ... النهاردة حسام كان ممكن يرتكب جناية علي الي شافه
فريدة : انا فاهماك بس...
خالد : مفيش بس يافريدة ... هو بيحبها وهي بتحبه .. ليه البهدلة دي
فريدة باتنيب ضمير : معاك حق .. حكلمها ونوقف الي بيحصل ... بس حسام حنعمل فيه ايه
خالد : بصي حنبين كأنهم فركشوا عادي وهو مستني كده اصلا وبعدين...
قطع كلامهم صوت خبط علي الباب
خالد : أيوة
حد من الخدم : استاذ خالد في واحدة تحت اسمها مريم عايزة حضرتك
خالد : طيب ثواني ونازل
فريدة باستغراب : مريم مين دي ياخالد
خالد : مرات ادم الله يرحمه ... حنزل اشوف في ايه وجاي
فريدة : استني انا جاية معاك
خالد : يلا
نزل خالد لقي مريم قاعدة ومرام بتلعب مع حسام
خالد : ازيك يامريم عاملة ايه
مريم بابتسامة : الحمد لله ... اخبارك واخبار العروسة ايه
خالد بابتسامة : الحمد لله
مريم : هي دي مش كده
خالد هز رأسه بمعني اه
مريم بابتسامة : الف مبروك ياحبيبتي
فريدة بابتسامة : الله يبارك فيكي ميرسي خالص
خالد : خير يامريم في حاجة محتاجاها او...
مريم وهي بتقاطعه : لا مفيش اي حاجة .. انا كنت بس جاية عايزة منك خدمة
خالد : تحت امرك
مريم : الأمر لله واحده ..
خالد : اتفضلي اقدر اساعدك بايه
مريم : انا معايا سفر تبع الشغل والسفر ده حيطول شوية ممكن يدخل في قرابة شهر ومش حعرف اخد مرام معايا فكنت عايزة اسيبها معاكوا ... مش حامن عليها غير معاكوا انتوا وبس
خالد : اكيد طبعا يامريم
خالد رد وبص ناحية فريدة يشوف رد فعلها لقاها باصة ناحيته وهي مبتسمة ابتسامة بتبين ليه أنها مرحبة بالفكرة خالص
مريم لاحظت نظرات خالد لفريدة
مريم : انا بعتذرلك يافريدة لو الموضوع ده حيعملك ازعاج لو مش حينفع مش مشكلة حتصرف
فريدة بسرعة : انتي بتقولي ايه يامريم لا طبعا بنتك في عنيا ياحبيبتي ما تقلقيش
فريدة وهي بتمسك البنت الصغيرة بابتسامة : والجميلة اسمها ايه
مرام بضيق طفولي : اسمي مرام مش جميلة
فريدة بابتسامة : ليه متعصبة بس ... جميلة دي وصف ليكي .. لانك جميلة
مرام بابتسامة اطفال : طب وانتي اسمك ايه
فريدة بابتسامة : اسمي فريدة
خالد منسجم معاهم ومبتسم علي منظرهم بص ناحية مريم وقال : ما تقلقيش مرام زي بنتي سافري وما تشغليش بالك باي حاجة ... انتي حتسافري امتي
مريم : في طيارة الساعة ٧ الصبح
خالد : علي خير باذن الله ..
مريم بابتسامة : متشكرة اوي ياخالد انت وفريدة بجد ...
خالد : مفيش شكر مرام دي بنتي
مريم : طيب استاذن انا بقي
خالد : اتفضلي
مشيت مريم وفضل خالد وفريدة وحسام مع مرام
حسام : انا حستاذن بقي عشان الوقت اتاخر
خالد : يعني هديت
حسام : ما تقلقش .. انا تمام
خالد : طيب يلا اما اوصلك
حسام بابتسامة : ياعم ما تقلقش انا تمام .. وكده كده حطفشه فما تقلقش
خالد بابتسامة : تمام ياحبيبي ... سلام
مشي حسام وفضل خالد مع فريدة ومرام الي الكلام أخدهم ومش حاسين باي حد
خالد : يارب تكونوا مبسوطين يافندم اجبلكوا عصير ليمون
مرام : لا انا عايزة ايس كريم
انفجر خالد وفريدة من الضحك علي مرام
خالد : من عيوني من بكرا الصبح كل حاجة تبقي عندك ياست البنات
فريدة : يلا عشان تنامي .. عشان الوقت اتاخر اصلا
مرام : حنام دلوقتي .. مش لما تاجي ماما عشان نروح ... ولا عمو خالد حيروحني
خالد وفريدة بصوا لبعض باستغراب
خالد : هي مش ماما قايلالك انك حتقعدي معانا كام يوم ياحبيبتي
مرام هزت راسها بمعني لا
فريدة لحقت الموقف وقالت : ما انا قولت لماما ما تقولك عشان اعملك مفاجأة وعشان عارفاكي حتقولي عايزة اروح ومش عايزة اقعد مع طنط فريدة وعمو خالد
مرام : لا انا عجبني البيت اوي وعجبتني الجنينة الي برا دي اوي اوي
فريدة بابتسامة : خلاص نطلع ننام دلوقتي وبكرا الصبح نلعب سوا فيها ... اتفقنا ؟
مرام : اتفقنا
وفعلا طلعت فريدة بمرام ونيمتها ونزلت لخالد من تاني
فريدة : انت ليه قاعد كده ياخالد
خالد : ابدا بس مستغرب هي ليه ما قالتش ليها أنها حتاجي هنا
فريدة : يمكن كانت مستعجلة ولا حاجة وما لحقت تقولها
خالد : مستعجلة ازاي بس
فريدة : يمكن السفرية جات علي غفلة
خالد : مفيش سفرية شغل بتاجي علي غفلة يعني المفروض تبقي عارفة قبلها بوقت
فريدة : انا مش فاهمة برضوا ايه المشكلة
خالد : لا مفيش مشكلة ما تاخديش في بالك
فريدة : طيب يلا عشان ننام الوقت اتاخر وانت معاك شغل بكرا بدري
خالد : علي رايك يلا
طلع خالد وفريدة الأوضة دخل خالد لقي مرام نائمة علي السرير
خالد بابتسامة : شكلي مطرود النهاردة
فريدة : ليه بتقول كده هو...
قطع كلامها لما شافت مرام نائمة علي السرير
فريدة : انا نيمتها جوا مش هنا
خالد بصلها وبعدين بص لمرام وعلي وشه ابتسامة : شكلها عايزة تنام جمبك
فريدة بابتسامة : يبقي شكلك مطرود النهاردة فعلا
ضحك خالد وفريدة وراح خالد ظبط الكنبة عشان ينام عليها وراحت فريدة جمب مرام
خالد وهو بيكلم الكنبة : اتكتب عليا انام عليكي اكتر ما اقعد
فريدة وهي بتضحك : بطل بقي كلام حتصحي البنت
مرام : انا صاحية ياطنط
فريدة وهي مخضوضة : صاحية ازاي انتي كان باين عليكي انك نائمة
مرام : ما انا قولت اعمل نفسي نائمة عشان ما تقومنيش من جمبك .. عشان انا بخاف من الضلمة وكنت بنام جمب ماما علي طول
فريدة بتأثر : لا ياروحي انتي حتنامي جمبي علي طول وما كنت حقومك من جمبي ابدا
خالد بيسمع كلامهم وبدأ الماضي يرجع في ذاكرته وبدأ يحس بض-يق
فريدة هي وبتنيم مرام لاحظته
فريدة : خالد .. في حاجة
خالد هز رأسه بمعني لا وقام عشان ينام
أنت تقرأ
عشق فريد من نوعه
Romanceحياة شخصين لا معني لها كلا منهما جعلته الحياة يعاني بطريقة مختلفة ولكن الأقدار جمعتهم لجعل حياتهم جميلة هادئة خالية من الأمور المؤلمة التي تلاحق كل منهما كل منهما اتخذ الآخر ملجأ له كل تلك الأمور جعلتهم ينشأوا عشق فريد من نوعه
