تاني يوم في بيت سليم
كانت فريدة قاعدة بتتكلم هي ومليكة ودخل شهاب
شهاب : موكا ... حجزتلك اسبوعين في الغردقة جهزي نفسك
مليكة بفرحة : بتتكلم بجد
وراحت ناحيته وحضنته وبعدين بص ناحية فريدة
شهاب : اعملي حسابك حتروحي معانا يافريدة
فريدة بتوتر : لا مش حقدر ... اسفة خالص
مليكة : لا والنبي يافريدة عشان خاطري ... عشان خاطري .. عشان خاطري
فريدة : صعب والله يامليكة اني اروح
مليكة بزعل : ليه بس .. والله حتبقي رحلة جميلة اوي عشان خاطري
فريدة بعد إصرار مليكة وافقت وشهاب كان مبسوط أنها وافقت في نفس الوقت كان خالد بيسمعهم رجع برأسه لورا وهو قاعد علي الكرسي وبعدها ابتسم ابتسامة ما تدل علي الخير خالص
خلص خالد شغله وراح مكتب حسام خبط ودخل
خالد : ايه ياحوس اخبارك عامل ايه
حسام : الحمد لله تعالي
خالد : مالك ياعم بقالك كام يوم كده مش مظبوط
حسام : لا ابدا مفيش حاجة
خالد : متاكد
حسام هز رأسه بمعني اه
خالد : طيب عايزك تاجي معايا مستشفي **** الي شغالة فيها فريدة
حسام : ليه
خالد : عايز اقابل دكتور عماد عايز أكلمه في موضوع
حسام : معلش انا حاسس اني تعبان شوية فروح انت
خالد : مالك حاسس بايه
حسام : حاسس بصداع بس في دماغي بس اكيد حيهدي
خالد : طيب قوم بقي بالمرة تكشف تشوف ايه سبب الصداع ده
حسام بصله باستغراب : ياعم ما تروح لوحدك
خالد : انجز يلا مستنيك في العربية
قام حسام من مكانه وهو مضايق وراح مع خالد المستشفي دخلوا وحسام بيتمني ما يقابلها عشان ما يضايق
خالد : انا حروح لدكتور عماد وحهليه يبعتلك حد يشوف فيك ايه
قعد حسام مكانه وراح خالد بعد شوية جات عائشة
عائشة : حضرتك المريض.....
سكتت عائشة اول ما شافته وبعدين كملت كلامها
اتفضل حضرتك في اوضة الكشف
حسام : انتي عايزة ايه
عائشة : دكتور عماد بعتني لحضرتك عشان اعملك فحص
حسام : لا انا تمام ... تقدري تتفضلي
عائشة : اتفضل ازاي انت .....
قطع كلامها حسام
حسام بعصبية : انتي مش بتفهمي ما قولت مش عايز اكشف ... اتفضلي
طلع خالد وعماد علي صوت حسام
خالد : حسام .. في ايه
حسام : مفيش انا حستناك في العربية
نزل حسام بسرعة
خالد : طب يادكتور انا حنزل وراه وزي ما قولت لحضرتك
عماد : حاضر ياخالد باشا .. اتفضل
نزل خالد بسرعة وراح حسام وفضلت عائشة واقفة ماسكة دموعها من انها تنزل
عماد : في حاجة ياعائشة ... الاستاذ الي كان هنا ليه كان بيزعق
عائشة مشيت من غير اي كلمة وراحت مكتبها وقفلت علي نفسها الباب وفضلت تعيط بصوت مكتوم قطع بكاها صوت الباب
عائشة بنبرة باين فيها البكاء : ادخل
وفضلت تمسح في دموعها بصت وراها تشوف مين دخل لقته حسام
حسام وهو باصص للأرض : انا ... انا بعتذر انا ما كان قصدي اتعصب عليكي بعتذر ليكي
لسه حسام حيطلع من الأوضة وقف علي صوت عائشة
عائشة : لحظة لو سمحت ... انا الي بعتذ ليكي اني ضربتك بالقلم ... انا ما كان قصدي ..
حسام قطع كلامها : مفيش مشكلة ... عن اذنك
طلع حسام من مكتبه ونزل لخالد
أنت تقرأ
عشق فريد من نوعه
Romanceحياة شخصين لا معني لها كلا منهما جعلته الحياة يعاني بطريقة مختلفة ولكن الأقدار جمعتهم لجعل حياتهم جميلة هادئة خالية من الأمور المؤلمة التي تلاحق كل منهما كل منهما اتخذ الآخر ملجأ له كل تلك الأمور جعلتهم ينشأوا عشق فريد من نوعه
