كايتمشاو فالغابة و يدييهم مشابكين ... الشجر مظلل الطريق و حاميهم من اشعة الشمس ... واخا الشمس مجهدة كان الحال مبرد و هوا خفيف كايضرب فيهم كايخليهم يحسو بالانتعاش ... مدة و هوما على ذاك الحال تا قررات تكسر الصمت و تهضر
هي : هاهاهاهاها ، الجو زوين اليوم
هو : اه بلا قياس ، عرفتي احم اليوم هو النهار المناسب
هي ما فهمات والو غي كاتبقلل فعينيها 👀
هو : ايييييه و شحال تسنينا هاد اللحظة
هي : (بصدمة ) ها ! شمن لحظة
حنا هو على ركابيه قدامها و جبد من جيبو بواطة حمرة صغيرة و حنحن (زعما راني غادي نبدا لهضرة )
هي : اوووووها واش بالصح (كاتنقز من بلاصتها و كاتفركل برجليها )
هو : تي ريحي خليني نهضر بعدا ، احم المهم لي نطولوه نقصروه ، تقبليييييي ....
فهاد اللحظة دازت واحد البنت اقل ما يقال عنها اية فالجمال ، اشمنك يا سوالف ، اشمنك يا بيوضة ، اشمنك يا تضاريس ، عارفين رسوم الكاريكاتور ، كاتشبه ليها ، و الزغبي بقا متبع ليها العين تا عنقوا كان غادي يتكرض ، ياله كان غادي يطلب يديها للزواج ! ههه دار بناقص و مشا تابع ديك القرطاسة و خلاها واقفة بلاكة !!
هي : اعععععععععععع (بصوت مرتفع )
منال : (كاتحرك فيها ) هيييييييه ، نوضي ، بسم الله الرحمان الرحيم ! مالك ابنتي اش واقع
هي : ( فاقت مخلوعة ) هاااا ! شنو !! فين انا ؟ (ناضت تبكي )
منال : فيروز بنتي رجوع الله ! علاش كاتبكي ؟ واش شفتي شي حلمة خايبة ؟!
فيروز : كان كابوس ا ماما ، كابوس !
منال : اش شفتي ؟
فيروز : شفت فيه حبيبي الزهواني لي غي شاف الزين نساني قلب عليا ا ماما (هزات كفوفها لسما ) الله يلقيها ليه كحلة زحلة فهاد اليوم المبارك عندك اسيدي يا ربي ، الله يلقيها لكاع الرجال ، حيت كلهم ما ما كايسواوش
منال : شناهوا ؟!
فيروز : احم ، ماشي كاملين اسيدي ربي ، بغيت نقول الله يلقيها ليهم كاملين من غير بابا و اخوتي المحترمين ! هاكا مزيان ؟
منال : (كاتحرك راسها يمين و شمال ) ايوا لااااا حول و لا قوة الا بالله ! هذا ما نقول (ليعاتها يعني قرصاتها !) دايرة ليا من حلمة فيلم هندي بلا حشمة بلا حيا ! تكعدي جمعي فراشك و طللي لايكونو حطوا لبارح و نتي ما جايبة للدنيا خبار
فيروز : (كاتحك القرصة ) ما بقا حد يضحك معاك الوالدة ، احححح ، ندوش و يكون خير
-
منال : امممم ، سايني يخرج نزار و دخلي لا بغيتي
فيروز : علاش نساين !! انا عندي حمامي (وقفات للحظة ) اووووها كايدوش فحمامي ؟
منال : الروبيني ديال لحمام خاسر ، داكشي لاش دخل لديالك !
فيروز : و لااااااا ماما كان يمكن ليه يدوش فبيتكم
منال : هايهاي على بنت كرشي وليت انا وياك كلمة بكلمة تقاد القب مع السطل و لا كيفاش ؟! لا اجي عصيني داكشي لي بقا ! (كلسات على طرف الناموسية و قلباتها دراما ) ناري يا سيدي يا ربي علاش بنتي الوحيدة كاتعاملني هاكا ! ليوم لغوات و غدا تسوطني و بعدوا تجري عليا انا و باها من الدار
فيروز : اويلي صافي صافي
أنت تقرأ
محاسن الصدف - سخرية القدر- (بالدارجة المغربية)
Romance📌ممنوع من النشر دون اذن 🔐 Hey ! Salam 🖤✨🙂 *_ربما تقودك صدفة لم تكن لتبالي بها الى واقع لم تكن لتفكر به_* قصة لا تلائم من هم دون XXL فالقشابة و ما عندهمش مع التاحراميات و من لا يقدس التفاهة و الطنز العكري ... و لا تلائم السناجل اصحاب القلوب المر...
