فيروز : (بالغوات) لا لا لا .. غادي نهضرو دابا و انتناقشو دابا .. سحاب ليك انا كنت فربح و عاجبني الحال ...
كمال : (تا هو رفع صوتو) لا انا لي كنت فوق السحاب و ما ناقصني حتى خير ... المهم براي ا فيروز و نهضرو
فيروز : ما بغيتش ... ايلا غي باش تعاملني هاكا غا خليني مريضة .. اوووو اش هاد البرود كامل
كمال : (ضحك بالغدايد) ههههه نهار واحد ما قديتيش تتحملي .. شنو نقول انا ...
فيروز : و قلت ليك ماشي لخاطري كنت خايفة
كمال : لهاد الدرجة ما باغاش لولاد ... فينها هاد بغيت نولدو بزااااف .. 15 ليوم راه حسبتها نهار على نهار كاتقلبي ... و انا كانعطي فالاعذار .. يمكن مزال ما تأقلمات يمكن ما عرفاش شنو كاين ... درت ليك شحال من عذر و ما توقعتش واش هادشي لي مخليك تتقلبي ... خايفة من الولاد انا ما بزز عليك والو قلتي باقي الحال قلنا ماعليش قلتي بغيتي تشربي البيلول قلنا هانية ...
فيروز : (قاطعاتو) و فهمتيني غالط
كمال : هادشي لي فهمت و هادشي لي كاين ...
فيروز : صافي باركة
كمال : (تعصب) لا بغيتي نهضرو ها حنا كانهضرو ... ماشي كلشي كايمشي على حساب الرغبة ديالك ... لي بغيتيه يكون يكون لي ما بغيتيهش لهلا يقلب بيه ... كبري ا فيروز شوية هادشي راه ما غادي بينا لين ... زدتي فيه بزاف ... شديت فالخاطر تا ما قدني و باقي شاد و باقي نشد و لكن سايسي و ديري للما منين يدوز ... الزواج ماشي هو هذا .. الحمل ما كايكونش على واحد
فيروز : عييتي ! نهز حوايجي من دابا نمشي لدارنا ....
كمال : (صعر و بدا كايضرب فوق الطبلة ) ها حنا فيها و كبري كبرييي دارنا هي هادي من نهار تزوجنا ما بقاتش هاديك داركم ولات سميتها دار والديك ... دارك هي هادي ... و ما تجهليش ملتي بهاد الفشوش لخاوي ...
فيروز : (وقفات تقابلات معاه) و تا نتا فهمني (غوتات) انا ما قلتش خايفة لا نكون حاملة .. انا ما قلتش ما باغاش الولاد انا ما قلت هاكا ... قلت ليك مدى بيا نهز طرف منك فوسط كرشي و قلت ليك باغا نحقق ليك حلمك و نتا لي فراسك ما يبدلو حد ... شفت داك الاعراض قلت هذا حبس عليا ما يمكنش يكون حمل حيت تا نشرب الدوا و ايلا كان خاصني نحبس و ايلا حبست ما خاصكش تقرب ليا باش تا ايلا ما كانش ما يوليش و انا مريضة تا نعرفو اش كاين و خفت لا تكون شي حاجة من غير اما انا قلت ايلا كنت حاملة مرحبا بيه ... الحمدلله على كلشي الناس تا يتقطعو على الولاد باش يولدوهم انا ما يمكنش ليا نرفس نعمة ربي ... قلنا ليك غلطت و قلت سمحلي و نتا ميبس عقلك ايمتا تفهم بلي انا اه برهوشة و تصرفاتي صبيانية و ما هزاش داك المسؤولية لي هازها نتا و لكن راني تا نفهم و تا انا تا نضحي ماشي غا انت .. و ايلا عييتك عادي نمشي لعند لي هزوني 18 لعام هادي و واخا تا يتشكاو هانية ولفتها .. تا حاجة فهضرتي ما عيب كيما نتا من حقك تتعصب و تصعر عليا تا انا من حقي حيت غلطت و اعتاذرت ما قبلتيهش شغلك هذاك ا ولد الناس كون غا خليتيني نشرح كون غا خليتيني نهضر و ما تسبقش الغوات
كمال : قلت ليك خليني تا نبرد نتي لي قلبتي عليا و بلا ما تردي ليا حساسي فراسي .. ا فيروز ..
فيروز : بجوجنا غالطين .. ا كماااااال ... ياله تا انا نعرف نقول سميتك بالغوات ... ايييييي .. احححح (شدات فودنها)
أنت تقرأ
محاسن الصدف - سخرية القدر- (بالدارجة المغربية)
Romance📌ممنوع من النشر دون اذن 🔐 Hey ! Salam 🖤✨🙂 *_ربما تقودك صدفة لم تكن لتبالي بها الى واقع لم تكن لتفكر به_* قصة لا تلائم من هم دون XXL فالقشابة و ما عندهمش مع التاحراميات و من لا يقدس التفاهة و الطنز العكري ... و لا تلائم السناجل اصحاب القلوب المر...
