فيروز : و هضر قول شي حاجة ما تخلينيش كانهضر بوحدي كي شي حمقة و نبقا نفصل و نخيط و نستنتج غي هكاك
كمال : شوفي ا بنت الناس
فيروز : (قاطعاتو) ها ناري على بنت الناس ؟
كمال : مالك نابتة فمحابق ، فيروز (حمر فيها )
فيروز : هننن كمل شنو ؟
كمال : سمعي و ما تقاطعينيش ، نهار اختاريتك و قلت هادي لي غادي نكمل معاها ، درتك راسي و اعتابرتك حاجة مني ، و المعروف الرجال لي تا يديرو الفعايل و تا يخليو عيالتهم يتفقصوا ، عندنا حنا بان ليا العكس ... نتي لي ديما كاديريها قد راسك و نبقا انا نصحح من وراك بحال ستيلو حمر و هانية انا ما عنديش مشكيل تا واحد ما جا و كبر غير هكاك كلنا درنا الزبايل و كلنا درناها قدها قد راسنا ... و انا فرحان حيت نتي كاتغلطي و انا كاين باش نسندك و نصحح ليك معاي .. هانية و حتى انا ما معصومش من الغلط ممكن تا انا نغلط شي نهار و نتي تصححي ليا و توقفي معايا عادي و هادشي لاش انتزوجو اصلا و هادشي لاش زدت تعلقت بيك حيت يعول عليك ... و لكن لي خاصك ديريه و نتي ما دايرهاش هو انك ما معتابرانيش منك و فيك ... و الدليل هاد الغلط لي درتيه ماشي اول مرة ، و طلبتي السماحة و سمحت ليك و عاودتيه مرة وحدة اخرى ... واش فنظرك هادشي ما كايأثرش علينا
فيروز : (بصوت منغن ) واش صافي بديتي تنفرني
كمال : اكيد لا و لكن راه ما يمكنش كل مرة تغلطي نسمح ليك غير هكاك .. غادي يولي عندك زايد ناقص
فيروز : و المطلوب؟
كمال : كل غلط كايعني عقوبة
فيروز : و انا موافقة عليها
كمال : ما زال تا معرفتي شنو هي ؟
فيروز : و ايلا ما وافقتش ما انتصالحوش و انا ما نقدرش نخليك مقلق و اذن موافقة و عارفاك ما غادي تعاقبني بشي حاجة ما نقدرش عليها ..
كمال : هممم اوك ، انوليو على كل غلط غلطتيه نشرط عليك شرط ضروري طبقيه
فيروز : احم و ايلا ما قديتش ؟
كمال : اتقدري اتقدري
فيروز : مثلا دابا شنو ؟
كمال : هههه قبل شنو تعلمتي من هادشي لي وقع
فيروز : ما نخرجش بلا خبارك ضروري ما نعلمك .. هادشي ضروري نديرو وعد. .. سمحتي ليا !؟
كمال : بشرط !
فيروز : اتيني ؟
كمال : حاولي تقتانعي باش تتحجبي فمرة
فيروز :هاء غير نهار الخطبة قلتها لزينب و كنت عوالة منين نرجع نشوف رأيك فهاد الموضوع
كمال : من الخير يعني راك مقتانعة
فيروز : اه
كمال : هي من غدا !
فيروز : ان شاء الله
كمال : الرضى
فيروز : دابا صافي صفاو لخواطر
كمال : اه
فيروز : (نوبتها فالتقلاق ) ايوا علاش ما جاوبتنيش منين كنت تا نعيط ليك ، خرجت من الحمام بلا حوايج منين سمعت التلفون تا يصوني عند بالي نتا و ضربني البرد ... الليل كامل و انا كي شوية ديال الهم تا نتسناك تعيط و والو ، هااا لهاد الدرجة قلبك قاصح و قدرتي دير فيا هاكا (طارت عليه غفلاتو و هو ما كانش شاد راسو حيت استغرب منها كيفاش تقلبات و طاحو بجوج بيهم الارض و هي تا تضرب ليه فصدرو ) ما تعاودش ... واش ما بقيتش فيك
كمال : اخخخخ فيروز ظهري (شد ليها يديها )
فيروز : تستاهل ... واش ما بقيتش فيك كنت انهبل ...
كمال : (زيرها عندو و حط ليها راسها على صدرو ) شووووت صافي لي فات مات و تدفن
فيروز : نجبد باباه من قبرو و نشتف عليه ... و راه حسيت بالحكرة
كمال : و الله يسامح تا انا
فيروز : (علات عينيها المدمعين فيه ) و تا انا بشرطي
كمال : ياك !؟
فيروز : و مالهم قوانينك ساريين غا عليا ؟ ياك حنا كوبل و اذن لي عليا عليك
كمال : تشرطي نشوف
فيروز : (ردات لبال لراسهم ) و بلاتي نوضو بعدا
كمال : مرتاح هاكا
فيروز : احم اتقول ليا شحال جبت فهاد الدورة
كمال : ما نقدرش ! الخدمة شكل و الحياة الشخصية شكل ، اختاري حاجة اخرى
فيروز : و عطيني غير تلميح
كمال : مزياااااان
فيروز : وايلي ...
كمال : صافي لي عندي قلتو و صفاو الخواطر تمام
فيروز : (ضرباتو لصدرو) الدغانيش
كمال : (عنقها مزير عليها وسط صدرو) اخخخخ توحشتك
أنت تقرأ
محاسن الصدف - سخرية القدر- (بالدارجة المغربية)
Roman d'amour📌ممنوع من النشر دون اذن 🔐 Hey ! Salam 🖤✨🙂 *_ربما تقودك صدفة لم تكن لتبالي بها الى واقع لم تكن لتفكر به_* قصة لا تلائم من هم دون XXL فالقشابة و ما عندهمش مع التاحراميات و من لا يقدس التفاهة و الطنز العكري ... و لا تلائم السناجل اصحاب القلوب المر...
