فيروز : ايييه و نطرطق
كمال : (دار شاف فالطواليط (حشاكم)) ها هي قدامك!
فيروز : لا بزاف ! صافي لبارح دخلنا بجوج نغسلو سنانا ندخل ليوم نقضي غراضي حداك كملات ...
كمال : اييه و غدا ندوشو
فيروز : لا و الله تا طلعتي سافل اوفر على فكرة
كمال : (جاوبها بطريقتها) هو انتي لسة شوفتي حاجة .. هادشي غا شوية من بزاف ..
فيروز : بناقص من هاد الحمام
كمال : (هز كتافو) لي بان ليك ..
ضربات فلباب و خرجات تا تقلب على فين تدخل حيت ما تقدرش تصبر .. كاع لبيبان كاتجرب تحلهم و فعلا طلعو مسدودين هبطات للتحت و هي تلقا واحد الحمام صغير جاي فالقنت حدا فين تا يغسلو يديهم و هي دخل ليه ... قضات غرضها و ترخفات .. ايوا منين جات تقلب على التيو دالما مالقاتوش .. كاتقلب على بابي جينيك ما كاينش ...
فيروز : علاش هاد زهر الكلاب علاش ! و الله ما نوض هاكا .. ايييه و الحل يا فهيمة ! مناش خفنا فاش طحنا ! كون غا درتها تماك و لا هاد التحنسيرة ! ياك حلال ياك راجلي ياك هانية ويييييع الزمر هذا الزمر ...
طلقاااات حلوقها تا وصلو التعياط للحمام و هو يدير ابتسامة جانبية و مسح وجهو بفوطة و هز من البلاكار. بابيي جينيك و خرج هابط و وقف حدا باب الحمام تا يسمع لشنو كاتقول
فيروز : وااااا كمااااال واااااا راجلي لي ياله تزوجت بيه و دوز عليا الحرب وااااااا زماني
كمال : احم نعام !
فيروز : هاه جيتي !
كمال : و شنو بغيتي !
فيروز : احم مالقيتش بابيي جينيك واش تقدر تجيبو ليا !
كمال : هممم و المقابل !
فيروز : ما كاتعرفش لله فسبيل الله !
كمال : و نتي ما سمعتيش ليا و اذن !
فيروز : و صافي ندير ليك لي بغيتي غا طلقني
كمال : لي بغيت لي بغيييت !
فيروز : الا زعما في حدود المستطاع
كمال : هممم مثلا !
فيروز : نديرلك البيض فالفطور !
كمال : من نيتك اصلا انفطرو على برا
فيروز : اوووووف (دوراتها فعقلها) صافي غادي نتبادلو القبل
كمال : (ضحكاتو) هههههههه دابا هادي صفقة مربحة
فيروز : و ناري على استغلالي .. و جيبو ليا دابا
كمال : نجيبو ليك الله اودي ... ها هو جاي ... ها هو وصل ! مدي يديك تشديه
فيروز : واش جايبو معاك من الفوق !
كمال : علاش كان خاصني نخليه
فيروز : (ما فيها لي طول فالهضرة) و صافي ارا (مدو ليها و خداتو) شكرا
كمال : العفو ا مراتي حبيبتي !
فيروز : ها نتا دابا سير شوف ما تقضي بين ما قاديت حالتي ...
كمال : (بغا يفقصها) و البوسة !
فيروز : اععع ما هرباش ... غا سير
كمال : اوك اوك
ما بغاش يحكر عليها كثر ... خلاها و مشا باش يلبس حوايجو و هي خرجات بعدما كملات مسائلها و غسلات يديها مزيان و طلعات بحالها للبيت باش تعاود تغسل ... دخلات لقاتو كمل لبس .. هزات حوايحها و دخلاتهم معاها للحمام و طرقات... دارت روتينها و قدات مكياج خفيف و لبسات حوايجها عاد خرجات لعندو
فيروز : مشينا !
كمال : على بركة الله ! شد ليها فيديها و هبطو بجوج للطموبيل قاصدين شي بلاصة باش يفطرو
أنت تقرأ
محاسن الصدف - سخرية القدر- (بالدارجة المغربية)
Romance📌ممنوع من النشر دون اذن 🔐 Hey ! Salam 🖤✨🙂 *_ربما تقودك صدفة لم تكن لتبالي بها الى واقع لم تكن لتفكر به_* قصة لا تلائم من هم دون XXL فالقشابة و ما عندهمش مع التاحراميات و من لا يقدس التفاهة و الطنز العكري ... و لا تلائم السناجل اصحاب القلوب المر...
