جلسو ضاحكيين ناشطين مقشبين بين بعضياتهم و مستمتعين بوقتهم ...
منال : ايوا الله يكمل بالخير و يرزقك الفكاك على خير و بخير
فيروز : امين
نزار : اش باغي ا با كمال
كمال : ( تبسم و شد ليها فيديها) لي جا من عند ربي مرحبا و لكن ما كرهتش بنت نزار : زعما ايلا كانت كي مها خلات عليك
فيروز : ههههه شكرا ... و انا لي تا نقول ليه ولد حسن باش ايلا كتاب و جاو خوتو من بعدو ان شاء الله يسخن ليهم كتافهم ، صافي ما بقيتش بغيت تا انا ..
زينب : ههههههه و نوضي يا لالا تشوفي اش كاين باش نقصيو راني جعت
فيروز : اهاه ...
ناض كمال و ناض عاونها و شد ليها فيديها مشاو للوسط و وقفو .. جابت ليه زينب النفاخة الكحلة و عطاتهم فنيتات ... و بقات تصور فيهم ...
زينب : واجدين
فيروز : شداتني الرعدة بحال النهار لي كنا انشوفو فيه النقطة د الباك
زينب :, هههههههه من نهار شدينا الكارطونة و حنا عايشين الاكشن و الاثارة و التشويق
مهدي : و الرومانسية 😉
زينب : احم ..
عادل : ها هي ناضت تصفار و تخضار .. طلقونا الله يحفظكم با نعرفو
كمال : (فوذن فيروز) واجدة
فيروز : حسب حد ثلاتة
كمال : تمام ... واااحد ، جوووووووج ، تلاااتة
مع كمل العد بجوجهم طرطقو النفاخة بالفنتة و خرج منها اللونين الازرق و الغوز .. كمال دغيا فهم لبلان و طار عليها تا يعنقها و كلشي تا يصفق و الدراري تا يزغرتو و فيروز .. ما عرفات راسها باش تبلات .. خلاتهم تا باركو ليها و سلاو عاد نطقات
فيروز : بلاتي بلاتي دابا زينب واش تخالطو عليك العرارم .. كلشي طليتيه بالغوز و الازرق تا من النفاخة عمرتيها بيهم بجوج .. ا زين راه خاص غا لون راه ما بغيتش ولد مبنت و لا بنت مرجلة ، و هيا العالي .. اش عندي !؟
كلشي ضحك عليها .. كانت معولة على لون واحد تا لقات تخليطة غير متوقعة ... الصدمة ما استوعبهاش عقلها .. تقدمات لعندها و مدات ليها الايكو ... و تحنى كمال عندها تاني
كمال : عندنا توينز
فيروز : (تا تحول الشوف بين الايكو و بين كمال و ترسمات ضحكة على وجهها و رجعات عنقاتو) وايلي
كمال : ههههه و الله
فيروز : تعبئة مضاعفة
كمال :, هادشي لي عطا الله الحمدلله
فيروز : (فصلو العناق و باس ليها راسها و هي ناضت تبكي) و دابا انا كنت ندير الفرز بين ولادي و هوما فكرشي ربي ما غاديش يسمح ليا
احمد : ربي ما غاديش يسمح ليا انااا ا بنتي لي مزوجك و نتي نص عقل
فيروز : (حطات يديها على كرشها) سمحي ليا ا بنيتي و لا ديريهاش مني قلت الصواب و الله ما كنت سايقة ليك خبار .. هانتي شكون بحالك مع خوك مونسك .. ياااا ربي الحمدلله هلى نعمتك ...
منال : هههه مبروك عليك هاه ما تبقاو غي على خاطركم
فيروز : كلشي كيف كيف ..
مهدي : (دوا و هو معنق زينب جنب) و دابا تفضلو ناكلو راه المدام تا هي واحلة فروحها
تعالات الصدمة بين اوجه الحاضرين من غير منال لي تا تشوف ما عارفة تضحك ما عارفة تبكي
نزار : داخ عليك الخير و الربح
مهدي : واش هادشي ديال الضحك ! داوي من نيتي ! زينب حاملة
أنت تقرأ
محاسن الصدف - سخرية القدر- (بالدارجة المغربية)
Romance📌ممنوع من النشر دون اذن 🔐 Hey ! Salam 🖤✨🙂 *_ربما تقودك صدفة لم تكن لتبالي بها الى واقع لم تكن لتفكر به_* قصة لا تلائم من هم دون XXL فالقشابة و ما عندهمش مع التاحراميات و من لا يقدس التفاهة و الطنز العكري ... و لا تلائم السناجل اصحاب القلوب المر...
