15:30
واقفين فالباب تا يودعو مهدي بعدما تغدا معاهم
مهدي : ايلا بقيت كل نهار تا نتغدا معاكم عمرني نخدم
زينب : و مرة فشحال ما دات ما جابت
مهدي : الالا رزق ولادنا تا يضيع
زينب : هههه ايييه و سير الله يعاونك
مهدي :ها هو غادي ... فيروز تهلاي فراسك
فيروز : ربي يتهلااا
دار قاصد المصعد و هو يتفتح بابو ... و خرج منو كمال قاميجتو مغبرة و وجهو فيه جرحة عند حاجبو ...
فيروز : (مخلوعة ) كمال ؟ ياك لباس ! اش واقع .. علاش حالتك هاكا
كمال : ههه ماشي شي حاجة كغاف ... مهدي صافا
مهدي : شي مدابزة هادي ؟
كمال : لا لا غا علمنا لشي بعضين الادب
مهدي : هههه مرة مرة خاص تولي مربي ! ما يكون عندك باس
كمال : امين ... ياله نخليكم
فيروز : اجي شمن ؟ فين غادي !
كمال : (شير لحالتو) نبدل عليا و نداوي جرحي ...
فيروز : مشيتي ضربتيه ياك كنت عارفاك عوال على شي حاجة ما هياش ... (شداتها لبكية )
كمال : وااااا فيروز رجوع الله ! ما وقع والو ..
زينب : طلقي الراجل دابا خليه يمشي يبدل عليه و من بعد ديري بيه استجواب
كمال : هاا لي تا يعرف يهضر ! الله يحفظك ...
فيروز : سير و خلي لباب مفتوحة انا جايا
كمال : (هز كتافو ) اوكاي
مشا كمال و خلاها تا تمغدد ... تا جراتها زينب و دخلاتها للدار
زينب : هاناري مالك ؟
فيروز : و ما شفتيهش تا يتعامل بحال ايلا ما وقع والو
زينب : شنو واقع اصلا
فيروز : (*عاودات ليها شنو وقع*) و دابا من حقي نتعصب و لا لا ؟
زينب : سيري و سوليه شنو كاين ... اصلا كان خاصك تمشي معاه رحلك برجليه ...
فيروز : ما عرفتش شي مرات تا نتحيمر تا انا ما تا يبقاوش عندي الفيزيبلات باش نخمم ..
زينب : هههه كنتي مرفوعة بالتعناب ..
فيروز : زينااااب
زينب : صافي صافي هانية تا توقع ... و ياله هزي مشقوفك و جري عرفي شواقع و اجي عاودي ليا
فيروز : ايييه ما يكون غا خاطرك ...
ناضت فيروز و قادات عصبتها مزيااااان و هزات مشقوفها و خرجات من الدار بعدما خدات السوارت فيديها ... و دخلات مدرمة لدارو لقاتو ما دوزش الساروت كيما قالت ليه
-
فيروز : كماااااال (داخلة مدرمة للبيت نيشان ) و فينك !
سمعات التقرقيب فباب الحمام ، مع هزات راسها بان ليها كمال خارج لاوي عليه الفوطة !
فيروز : (شهقات بالجهد و غطات عينيها ) واش باقي ما تعلمتي تلبس فالحمام
كمال : باقا ما تعلمتي دقي فالباب قبل ما دخلي ...
فيروز : صافي هانا خارجة تا تكمل
كمال : انا اندخل نلبس فالدريسينغ غي كلسي
فيروز : و غا سربي ...
دخل كمال تا يلبس و كلسات فيروز تا تصفار و تحمار من هاد الموقف لي تحطات فيه .. تا تم خارج لابس سروال ديال الدار و تيشورت و فيديه واحد البواطة و كلس حداها
أنت تقرأ
محاسن الصدف - سخرية القدر- (بالدارجة المغربية)
Любовные романы📌ممنوع من النشر دون اذن 🔐 Hey ! Salam 🖤✨🙂 *_ربما تقودك صدفة لم تكن لتبالي بها الى واقع لم تكن لتفكر به_* قصة لا تلائم من هم دون XXL فالقشابة و ما عندهمش مع التاحراميات و من لا يقدس التفاهة و الطنز العكري ... و لا تلائم السناجل اصحاب القلوب المر...
